O Kuila o Henda i Tena ku Nangenena
‘O mulengu ua henda ia di fuangana ni mulengu ua túbhia, o mulengu ua Jihova.’—MUKUMBI UA MIKUMBI 8:6.
1, 2. Nanhi u tena ku katula mbote mu Mukumbi ua Solomá ni mukonda diahi? (Tala o foto ia dianga.)
O DIBHANGA ni muadi uê a di tale mesu, anga a mateka kuelela. Athu oso a mono kuila a di zolo. O phange ua bhange o diskursu dia ukaza, ua mono o ku sanguluka kuâ, kioso kia di bhana o maku, mu kiki muéne ua dibhuidisa: ‘Mu ku bhita mivu, o kuila o henda iâ ia-nda di bandekesa dingi? Mba ia-nda zoza bhofele bhofele?’ Se o diiala ni muhatu a di zola mudiâ ni kidi kioso, o ukaza uâ ua-nda nangenena, né muene se a di bhana ni ibhidi iavulu. Maji athu avulu ka sanguluka mu ukaza, mukonda dia kiki, a di senga. Mu kiki, nange u dibhuidisa: ‘O kuila o henda i tena ku nangenena?’
2 Mu izuua ia Sobha Solomá, kia bhonzele ué ku sanga o henda ia kidi. Mukonda diahi? Solomá ua jimbulula: ‘Mu midi ia mala, nga sange-mu diala dimoxi ngó maji o muhatu umoxi ngó mu akuâ oso, nga lembua ku mu sanga-mu. Talenu-phe, kuma o ki nga bongo ngoho mu ku sota kuami, kiki: Ndongixi 7:26-29) O ahatu a jixi jengi, a kexile mu bhanga o ufusa, ni ku bheza Bahale, a tungile bhu kaxi ka akua Izalaiele. Mukonda dia kiki, maiala avulu ni ahatu mu Izalaiele, a mateka ué ku bhanga o ufusa. * (Tala ku luiji.) Maji 20 a mivu ku dima, Sobha Solomá ua sonekene mukumbi ua lungu ni diiala ni muhatu, a di zolele ni kidi kioso. Ki kale se tu makaza mba tu akudi, o Mukumbi ua Salomá u tena ku tu kuatekesa ku tendela kiambote, ihi ilombolola o henda ia kidi, ni kiebhi ki tu tena ku i londekesa.
Kuila Nzambi, muthu ua mu bhange ni kuiuka, maji o muene-phe, ua di sotela ndumba dia ima ia iibha.’ (TU TENA KU LONDEKESA O HENDA IA KIDI
3. Mukonda diahi o diiala ni muhatu a tena ku di zola ni kidi kioso?
3 Tanga o Mukumbi ua Mikumbi 8:6. Kala kia ki jimbulula, o henda a i tumbula kála ‘o mulengu ua Jihova.’ Mukonda diahi? Mukonda o henda iene o kídifua kia beta-kota kia Jihova, ni kuila, muéne ua tu bhange ni kutena kua ku londekesa o henda iê. (Dimatekenu 1:26, 27) Kioso Jihova kia zubha ku bhanga o diiala dia dianga Adá, muéne ua mu bhana muhatu ua iuka. Adá ua sangulukile kioso kia mono Eva mu veji ia dianga, mu kiki, muéne ua jimbulula kiebhi kia divuile kioso kia mu mono. Eva ua zolele ué kiavulu muadi uê. Mu kidi, Jihova ua bhange Eva ni lumbânji lua Adá. (Dimatekenu 2:21-23) Tundé ku dimatekenu, Jihova ua bhange ima phala ku kuatekesa o diala ni muhatu ku di zola ni kidi kioso.
4, 5. Musoso uahi u tu sanga mu Mukumbi ua Solomá?
4 O Mukumbi ua Solomá, u jimbulula kiambote kiebhi o diiala ni muhatu a tena ku di zola ni kidi kioso. O mukumbi u zuela ia lungu ni kilumba mukua sanzala ia Suneme, ni munzangala uexile mubhidi. O musoso uâ, uenhú: O kilumba kia kexile mu kalakala ku mábhia a mividi a jiphange jê, a lungile kumoxi ni kididi bhua kexile Sobha Solomá ni masoladi mê. Muéne ua mono o kilumba, iú ua tumina o jiselevende jê phala kuia ku mu takana. Kioso kia mu bheka, muéne ua mu ximana mukonda dia ku uabha kuê, anga u mu bhana maujitu avulu. Maji o kilumba ua zolele o mubhidi, mu kiki, muéne ua tangela o Sobha kuila, ua mesenene ku kazala ni mubhidi. (Mukumbi ua Mikumbi 1:4-14) O mubhidi ua kexile mu mu sota, anga u mu kaiela bhu kididi kieniókio. Kioso kia mu sange, ene a di londekesa o henda iâ bhu kaxi ka izuelu iambote.—Mukumbi ua Mikumbi 1:15-17.
5 Kioso Solomá kia vutuka ku Jeluzaleme, muéne uambata o kilumba, maji o mubhidi ua kaiela o kilumba. (Mukumbi ua Mikumbi 4:1-5, 8, 9) O ima ioso ia bhange mba ia zuela Solomá, ki i lungulula o henda ia kilumba, muéne ua kolokotele o ku zola o mubhidi. (Mukumbi ua Mikumbi 6:4-7; 7:1-10) Mukonda dia kiki, Solomá uehela o kilumba ku vutuka ku bhata. Mu ku suka-ku, Sulamita uambela o kazola kê phala kuíza ni lusolo ‘kala ngulungu.’—Mukumbi ua Mikumbi 8:14.
6. Mukonda diahi ki bhonza kuijiia se nanhi ua mu zuela mu Mukumbi ua Solomá?
6 O mukumbi ua Solomá, mukumbi uambote. Mu kidi, a uixana “Mukumbi ua mimbu.” (Mukumbi ua Mikumbi 1:1) Maji mu mukumbi, Solomá ka tumbula o majina a athu a kexile mu zuela. Muéne ua mesenene kuila, o athu a mona o ku uabha kua musoso ni mukumbi, mu kiki, ka mesenene ku jimbulula o ima ioso. Sumbala muéne ka tumbula o majina mu mukumbi, né kiki, tu tena kuijiia se nanhi ua mu zuela, mukonda dia ima ia zuela.
“O HENDA IÉ KOTA O VINHU NDENGE”
7, 8. Kiebhi o mubhidi ni kilumba kia londekesa o henda iâ mudiâ? Bhana phangu.
7 O kilumba ni mubhidi a di zuelela ima iambote, phala ku londekesa o henda iâ. Saí izuelu iâ ia “henda” nange ki tu ijiia, mukonda a i soneka mu 3.000 a mivu ku dima ndenge. (Mukumbi ua Mikumbi 1:2) Sumbala o ukexilu uâ, ua muenhu ki u difu ni ukexilu uetu, né kiki, tu tena ku tendela kiebhi kia di zolele. Mu kifika, o mubhidi ua zuela kuila o mesu a kilumba exile kála o ‘mesu a jipomba,’ mu kidi, muéne ua kexile mu zuela kuila, ua zolele o mesu mê a uabhele. (Mukumbi ua Mikumbi 1:15.) O kilumba kiambe kuila, o mesu mê a uabhele kála o jipomba. (Tanga Mukumbi ua Mikumbi 5:12.) Muéne ua kexile mu mona o mesu mê kála mesu a jipomba ja mu di sukula ni lete.
8 Ki kale o mubhidi mba o kilumba a uabhele, mukonda dia kiki, a kexile mu di ximana, maji ko ima íii ngó ia a bhangele ku di zola. Mu kifika, o mubhidi ua zolele o ukexilu uê ua ku zuela ni athu. (Tanga Mukumbi ua Mikumbi 4:7, 11.) Mu kiki, muéne uambe: ‘Ku mizumbu ié kua mu mbomba mabebe a uiki, muhatu’ami! Koxi’a dimi diê, kuezala uiki ni lete; o dizumba dia izuatu ié mukuá ni dizumba dia uasu ua muxitu ua Libanu!’ Phala muéne, o izuelu ia toualele, ia uabhele kála lete ni uiki. Kioso o mubhidi kia zuela ku kilumba kuila “eie muene uoso ua uabha, kazola kami,” ni kuila, “ku mukutu ué ki ku moneka dithonha,” muéne ka kexile mu zuela ngó ia lungu ni ku uabha kuê, maji ua kexile ué mu zuela ia lungu ni ídifua iê iambote.
O dikaza di londekesa kuila a di zolo, mu ku zuela ni ku bhanga ima iambote
9. (a) O dikaza dia di zolo, dia tokala ku bhanga ihi? (b) Mukonda dikaza dia tokala ku londekesa o henda iâ mudiâ?
9 Lelu, o ukaza ulombolola ima iavulu phala o dikaza di sidivila Jihova, ki kikutu ngó kana. Ene a di zola ni kidi kioso, a londekesa o henda iâ mudiâ. Maji henda iahi ia tokala ku londekesa? O kuila o henda i tua tokala ku londekesa ku athu oso, kala ki tendelesa o Bibidia? (1 Nzuá 4:8) O kuila o henda i tu londekesa ku jindandu jetu? O kuila o henda i londekesa o makamba? (Nzuá 11:3) Mba o henda i londekesa o makaza? (Jisabhu 5:15-20) Mu kidi, se u dikaza, ua tokala ku londekesa o henda ia kidi mu maukexilu oso u tua tange. Mu tena ku londekesa kuila mua di zolo, ni ku sanguluka mu ukaza, mu ku zuela ni ku bhanga ima iambote. Mu kidi, kima kiambote ku bhanga o ima íii, né muene se muala ni kikalakalu kiavulu. Saí jixi, o jitata ene a sota o athu phala ku kazala ni an’ê, nange o diiala ni muhatu a dijiia ngó mu kizuua kia ukaza. Mu kiki, kioso kiaia ni ku dijiia ni ku bandekesa o henda iâ, ene a tokala ku londekesa o henda iâ mudiâ. Kiki, kia-nda ku a bhangesa ku di zukama dingi ni ku suínisa o ukaza uâ.
10. Kiebhi o ku di londekesa o henda ku kolesa o ukaza?
10 Se o dikaza di londekesa o henda iâ mudiâ, ene a suínisa o ukaza uâ mu ukexilu ua mukuá. Mu mukumbi, Sobha Solomá ua bhana ‘makembu a ulu io phaphele ni phalata.’ Muéne ua mu ximana mu ku mu tangela kuila, muéne “ua uabha kala mbeji, ua di muika kala dikumbi.” (Mukumbi ua Mikumbi 1:9-11; 6:10) Maji o kilumba ua sangele kiá, o muthu ua mu zolele ni kidi kioso. Ihi ia mu kuatekesa ku kolokota fiiele ku mubhidi? Ihi ia mu suínisa kioso ene ka kexile kumoxi? (Tanga Mukumbi ua Mikumbi 1:2, 3.) Muéne ua kexile mu lembalala o izuelu ia henda ia mubhidi, ia mu bhangesa ku sanguluka kiavulu. O henda ié ia betele “kota o vinhu ndenge,” ku inzo ia Sobha o izuelu íii, ia kexile ku mu bhanga kiambote kala “maji ma dizumba,” a undu mu mutué. (Jisálamu 23:5; 104:15) Kima kiambote o dikaza ku zuela ni ku bhanga ima iambote mudiâ, mukonda mu ku bhanga kiki, o henda iâ mudiâ i di bandekesa dingi. O ku lembalala o ima iambote ia bhanga, ia-nda ku a kuatekesa ku kolokota ku di londekesa o henda.
KANA KU NGI BHANGESA KU ZOLA ‘KATÉ KI NGI MESENA’
11. Ihi i tu tena ku di longa ku ima ia zuela Sulamita ku ahatu ku mbonge ia Solomá?
11 Se ua mesena ku kazala, ihi i u tena ku di longa mu phangu ia Sulamita? Muéne ka zolele Sobha Solomá, mu kiki ni ku suína kuoso, ua zuela ku ahatu ku mbonge kuila: ‘kanenu ku ngi bhangesa ku zola, mba ku fundumuna o henda iami, katé kioso ki ngi mesena.’ (Mukumbi ua Mikumbi 2:7; 3:5) Mu kiki, o kuila kima kiambote ku di tangesa ni muthu uoso-uoso? Kana, mu veji dia kiki, kima kiambote ku kingila ni muanhu uoso, katé ki u sanga o muthu u tena ku mu zola ni kidi kioso.
Kima kiambote ku kingila ni muanhu uoso, katé ki u sanga o muthu u tena ku mu zola ni kidi kioso
12. Mukonda diahi Sulamita ua zolele o mubhidi?
12 Mukonda diahi Sulamita ua zolele o mubhidi? Mukonda muéne ua mono kuila o mubhidi ua uabhele kála o ‘ngulungu.’ O maku mê a kolele kála o ‘mikomo ia ulu,’ ni kuila, o inama iê ia uabhele, ia kolele kála “jiphiladi ja ditadi.” Maji muéne kexile ngó diiala dia suínine mba diiala dia iukile kiambote. O kilumba kiejidile kuila, o mubhidi ua zolele Jihova ni kuila ua kexile ni ídifua iambote. Mukonda dia kiki, muéne ua kexile mu mu mona kála ‘muxi ua masá mu Mukumbi ua Mikumbi 2:3, 9; 5:14, 15.
kaxi ka mixi ia ithulu.’—13. Mukonda diahi o mubhidi ua zolele Sulamita?
13 O kilumba Sulamita ua iukile kiavulu. Katé muene ni Sobha Solomá ua mu uabhele ué, sumbala ua kexile kiá ni ‘makuinhi a samanu a ahetu, bhu mbandu, ua kexile dingi ni makuinhi-nake a ahetu, o ilumba ia mizeletete ku tena ku a tanga.’ O kuila o mubhidi ua mu zolele ngó mukonda dia ku uabha kuê? Kana. O kilumba ua zolele ué Jihova, ua kexile ni ídifua iambote. Mu kifika, o kilumba uexile muthu ua lenduka, ua di sokesa ni kithulu kia kambele valolo, o “diloza dia Salone.” Maji o mubhidi ua kexile mu mu mona kala “kitulu kia jihonga mu kaxi ka minha,” ki kuexile kilumba kia di sokele ni muéne.—Mukumbi ua Mikumbi 2:1, 2; 6:8.
14. Se tua mesena ku kazala, ihi i tu tena ku di longa mu phangu ia mubhidi ni ia Sulamita?
14 Jihova u tendelesa o jiselevende jê ku kazala ngó “mua Ngana.” (1 Kolindo 7:39) Kiki kilombolola kuila, tua tokala ku kazala ngó ni selevende ia Jihova, a mu batizala kiá. Kiebhi o ku bhanga kiki, ku kuatekesa o ukaza? O diiala ni muhatu a-nda dibhana ni ibhidi ia-nda moneka kizuua ni kizuua. Maji se kiadi kiâ a kala ni ukamba uambote ni Jihova, o ukaza uâ ua-nda kala ni ku tululuka, ua-nda sanguluka. Mu kiki, se ua mesena ku kazala, kaiela o phangu ia mubhidi ni ia Sulamita. Sota muthu uala ni ídifua iambote, ua zolo Jihova ni kidi kioso.
O Kidistá ka tokala ku kazala ni muthu ki selevende ia Jihova mba muthu ka mu batizala luua (Tala o kaxi 14)
DIBHANGA DIAMI “UA DI BHANGA KALA KADÍBHIA KA ITULU K’OXITILE”
15. Mukonda diahi o ufiiele ua Sulamita phangu iambote phala o Jikidistá a mu di tangesa mba a mu di iudika phala ku kazala?
15 Tanga Mukumbi ua Mikumbi 4:12. Mukonda diahi o mubhidi ua zuela kuila, o kilumba Sulamita uexile kála “kadíbhia ka itulu k’oxitile?” O dibhitu se a di jika, kilombolola kuila saí athu ka tokala ku bokona. O kilumba kiexile kála o ka díbhia koko, mukonda ua zolele ngó o mubhidi. Muéne ua mesenene ku kazala ni mubhidi, mukonda dia kiki, ka xikina ku kazala ni sobha. Sulamita ka lungulula o ibanzelu iê. Muéne uexile kala “kimbaka,” ka kexile kála o “dibhitu” dia tena ku jikula ni lusolo. (Mukumbi ua Mikumbi 8:8-10) Kiene kimoxi uê, o Jikidistá a mu di tangesa mba a mu di sokejeka kiá phala ku kazala, a tokala ku londekesa o ufiiele uâ. Ka tokala ku di tangesa ni muthu uéngi.
16. Se ua mu di tangesa, ihi i u tena ku di longa ku Mukumbi ua Solomá?
16 Kioso o mubhidi ua bhingi kua Sulamita phala ku tunda nê, o jiphange jê ka muehela. Mu veji dia kiki, a tumina o kilumba kuia mu kuinga o mábhia mâ. O kuila o jiphange jê ka mu dielele? O kuila ene a banze kuila phangi’ê ni mubhidi a mesenene ku bhanga ufusa? Kana. O jiphange jê a mesenene ku mu langa, phala ka bhange kima kia iibha. (Mukumbi ua Mikumbi 1:6; 2:10-15) Se ua mu tangesa, ihi i u tena ku bhanga, phala ku di langa ku ufusa? Kioso ki u mateka ku tangesa, xinda o ima i ua-nda kamba ku bhanga, phala ku di langa ku ufusa. Ki mu kale ubheka uenu bhu ididi ki muala athu. Mu di londekesa o henda mu ukexilu uambote.
17, 18. Kiebhi o ku di longa o Mukumbi ua Solomá kua ku kuatekesa?
17 Jihova ua mesena kuila, o ukaza u nangenena. Muéne ua mesena kuila, o diiala ni muhatu a di zola. Kioso kia kazala ene a di zola. Maji phala o ukaza uâ ku nangenena, ene a tokala ku bhanga ioso phala ku bandekesa o henda iâ, kála mulengu ua túbhia uia ni ku uama.—Marku 10:6-9.
18 Se ua mesena ku kazala, sota muthu u tena ku mu zola ni kidi kioso. Kioso ki ua-nda sanga o muthu iú, mu di suínisa phala kuia ni ku di zola. Kála ki tua di longo mu Mukumbi ua Solomá, tu tena ku zola ni kidi kioso, mukonda o henda, ‘mulengu ua Jihova.’—Mukumbi ua Mikumbi 8:6.
^ kax. 2 Tala A Sentinela de 15 de janeiro de 2007, página 31.