SE TU sokesa o muxi ua muvidi ua bhengalala, ni muxi ua sédulu ua Libanu, nange tu mona kuila, o muxi ua muvidi ki ua iuka. Maji o mixi ia mividi i tena ku nangenena, né muéne sé ka i kunu bhu kididi kia fuama. Saí mixi ia mividi, i nangenena 1.000 ia mivu. O jindanji ja mixi ia mividi, jiia muene koxi dia mavu, mu kiki, o muxi u tena ku sabhuka dingi, né muene se a u batula. Se o jindanji jala hanji kiambote, o muxi u tena ku kula dingi.

O diiala dia kixikanu, Jobe, ua dielele kuila, né muene se ua fuile, ueji vutuka dingi ku muenhu. (Jobe 14:13-15) Muéne ua te o kifika kia muxi, nange kia muxi ua muvidi, phala kulondekesa o kidielelu kiê, mu kutena kua Nzambi kia ku mu fukununa. Jobe uambe: “Kuma ku muxi sai-ku kia kudielela, kuila né a u koka, hanji u tona dingi ku sabhuluka.” Kioso ki noka, o muxi ua midiva ua kukuta, u tena ku kula dingi ni ku bhana “jithangu kala kixina kia ubhe.”​—Jobe 14:7-9.

Kála o mukalakadi ua díbhia, u kala ni vondadi ia ku mona o muxi ua muvidi uo batule ku sabhuka dingi, Jihova Nzambi ua mesena kiavulu ku fukununa o jiselevende jê ni athu a mukuá afu. (Matesu 22:31, 32; Nzuá 5:28, 29; Ikalakalu 24:15) Xinganeka o kisangusangu kietu, mu ku sangesa o athu a fuile ni ku a mona dingi ku muenhu!