O Kuila o Tuana a Tokala ku di Longa o Mak’â Nzambi?

“Tuala ni jingeleja javulu ji tu bhangesa ku di zemba mudietu, ki ji tu bhangesa ku dizola mudietu.”​—JONATHAN SWIFT, MUKUA KINGILEJI.

SWIFT ua tange o maka enhá ku hama 18, maji athu avulu a xikana o kidi kiki lelu. Saí athu a xikina kuila o jitata ka tokala ku longa o mak’â Nzambi ku tuana tuâ. Ene a banza kuila o tuana a a longa o mak’â Nzambi ku mabhata ka di tundu kiambote.

Ihi i u banza? Izuelu iahi i u xikina kuila kidi?

● O jitata ka tokala ku a ehela ku longa mak’â Nzambi ku ana.

● O jitata a tokala ku kingila katé ki kula o tuana phala ku a longa o mak’â Nzambi.

● O jitata a tokala ku longa o mak’â Nzambi, ku tuana. Kioso kia kula, o jitata a tokala ku suínisa o tuana ku xinganeka mu maka enhá.

● Sé phata o tuana a tokala ku kaiela o kixikanu kia jitata jâ, kia lungu ni Nzambi, ka tokala ku dituna.

O Kuila o Ilongesu ia Bibidia i Bhanga Kia Iibha ku Tuana?

Se-ku tata ia henda u mesena ku bhanga kia iibha kua mon’ê. O kuila o ima iene mu zuela athu, ieji fidisa o an’a-ndenge ku di longa o mak’â Nzambi? Lelu o jingijiie ene mu di longa kiavulu ia lungu ni mbote, mba ima ia mukuá ijila mu ku kaiela o kixikanu kia jitata. Ni disukilu diahi?

O jingijiie a mono kuila o ku longa o mak’â Nzambi ku ana-ndenge, ki kiene mu ku a bhanga kia iibha, maji kia a kuatekesa kiavulu mu ukudilu uâ. O jurnale, Pesquisa de Ciências Sociais ia muvu ua 2008 * iambe: “O mak’â Nzambi ene mu kuatekesa o jitata, ni ana ku di zola kiavulu.” Iambe ué: “O kixikanu kua Nzambi, kima kiambote phala o ana, ki bheka ukamba uambote ku muiji.” Sokesa o izuelu íii, ni ia zuela Jezú Kristu: “A zediua jingadiama ja muxima.”—Matesu 5:3.

Ihi i tuamba ia lungu ni kixinganeku kia kuila, o ana a tokala ku kula hanji, ande dia ku a longa o mak’â Nzambi? O ku banza kiki, ki kia sokela ni kidi kiamba kuila: O kilunji kia mon’a-ndenge, kia difu ni balde ia kingila ku i ezalesa ni menha. Mu kidi o jitata a tokala ku sola se a-nda izalesa o “balde” íii kubhata, ni itumu ia Nzambi, mba kuehela kuila athu engi ezalesa o mixima ia tuana tuâ ni milongi iéngi.

Kiebhi o Kikutu?

O misoso iene mu londekesa kuila saí athu ene mu zemba akuâ mukonda dia ima ia di longo mu ngeleja. Kiebhi o jitata kia tena ku fidisa o ukexilu ua tange Jonathan Swift? Kiebhi kia tena ku longa o mak’â Nzambi ku ana, phala ku a kuatekesa ku zola akuâ?

(1) O kikutu tu ki sanga mu itambuijilu ia ibhuidisu íii: (1) Ihi ia tokala ku di longa o tuana? (2) Nanhi ua tokala ku a longa?

(3) Kiebhi kia tokala ku a longa?

[Tanga mu luji]