Nzambi ki muéne ua bhange o Diabhu. Maji Nzambi ua bhangele anju ia di bhange Diabhu, a mu ila ué Satanaji. Jezú uambe kuma, saí kithangana, muéne ande dia ku kala Diabhu, uexile muthu ua iuka, ka kexile ni kituxi. Mu dimatekenu, muéne uexile mona ua iuka ua Nzambi ku diulu.—Tanga Nzuá 8:44.

O anju íii ia di bhange Diabhu, mukonda ua solo ku zoka ni Nzambi, iu ua sungu o dikaza dia dianga phala ku kala ku mbandu iê. Mu ukexilu iú, o anju íii ia kituka “Nguma” ia Nzambi.—Tanga Dimatekenu 3:1-5; Dijingunuinu 12:9.

Kala o ji-anju ni athu, o anju ia di bhange Diabhu, ua kexile ni ufôlo ua ku sola ku bhanga o kima kia uabha ni kima kia iibha, maji muéne ua solo ku mu bheza ué. O hanji iê ia ku mu bheza, a vudile, o hanji ia ku bheza Nzambi ndenge.—Tanga Matesu 4:8, 9; Tiiaku 1:13, 14.

Kiebhi o Diabhu uene mu kolokota mu ku nganala o athu? O kuila ua tokala ku mu kala ni uôma? U tena ku sanga o itambuijilu ia ibhuidisu íii mu Bibidia.