DIAMBU DIA KAPA | O KUILA NZAMBI U KU SUUA?
Nzambi u ku Zukama
“Kana muthu u tena kuiza ko-kuami, se Tata ua ngi tumu u kamba ku mu sunga.”—NZUÁ 6:44.
MUKONDA DIAHI ATHU ALA NI PHATA: Athu avulu a xikina kua Nzambi, maji a mona kuila muéne uala dikanga. Saí muhatu ku ixi ia Irlanda a mu ixana Christina, ua kexile múia mu ngeleja semana joso, uambe: “Ngejiia kuila Nzambi ua bhange o ima ioso, maji ki ngi muijiia. Nuka ng’exile kamba diê.”
IHI I LONGA O MAK’Â NZAMBI: Kioso ki u divua kuila ua jimbidila, kuijiia ihi i ua tokala o ku bhanga, Jihova u ku kuatekesa. Mu kifika kiê, Jezú ua londekesa kiebhi Jihova kia tu zola, muéne uixi: “Diiala se di kala ni hâma ia mbudi, anga bhu mu jimbila imoxi, muenhó u bhanga kiebhi? Manhi ka-nda kuxa o makuinhi’ivua n’ivua ala mù kúdia ku mulundu, n’aie mu sota iíi ia jimbidila?” Ihi i tu longa o kifika kiki? “Kiene kimoxi, ki kiala mu vondadi ia Tat’enu uene mu diulu; k’andala kuila ku tuana tutu bhu texika kamoxi.”—Matesu 18:12-14.
O ‘tuana tuoso tutu,’ ala ni valolo bhu pholo ia Nzambi. Kiebhi Nzambi kia “sota iíi ia jimbidila?” Kála kilondekesa o kibatulu kiala mu dimatekenu dia mbandu íii, Jihova u sunga athu kua muéne.
Lelu nanhi uene mu kunda o athu ku mabhata mâ ni mu ididi ioso phala ku a bokela o njimbu ia Bibidia ia lungu ni Nzambi?
Xinganeka kiebhi Nzambi kia zukamesa o muthu kua muéne. Ku hama ia dianga, K.K., Nzambi ua tumikisa Filipe, uexile dixibulu dia Kristu, kuia mu disanga ni mukua Etiiopia, Ngolambole, phala ku mu jimbuluila o kikanenu kia Bibidia, kia kexile mu tanga. (Ikalakalu 8:26-39) Mu ku bhita kithangana, Nzambi uendesa poxolo Phetele phala kuia mu kunda o dibhata dia diiala mukua Loma a mu ixanene Koloneliu, ua kexile mu samba ni ku di suínisa ku bheza Nzambi. (Ikalakalu 10:1-48) Nzambi uendesa ué poxolo Phaulu, ni Jikidistá ni akuâ katé ku ngiji mu mbanza ia Filipe. Kioso kia bhixila ene a sange “mubhezi a Nzambi,” dijina diê Lidia, “Ngana ua mu jikula o muxima mu kutambulula o maka.”Ikalakalu 16:9-15.
Mu misoso ioso íii, Jihova ua bhangesa kuila athu oso akexile mu mu sota, a mu sanga. Lelu nanhi uene mu kunda o athu ku mabhata mâ, ni mu ididi ioso phala ku a bokela o njimbu ia Bibidia ia lungu ni Nzambi? Athu avulu eji tambuijila, ‘’o Jimbangi ja Jihova.’’ Dibhudise: ‘O kuila Nzambi muéne ua mu tumikisa o athu enhá phala ku ngi sanga?’ Tu ku suínisa ku samba kua Nzambi phala ku ku besoala mu nguzu i ua mu bhanga phala ku mu sanga. *
^ kax. 8 Phala kuijiia dingi tala o vidiu, Mukonda diahi tua Tokala ku di Longa o Bibidia? mu www.pr418.com/kmb.
Eye Nange Wandawabhela we o Maka Yá
IA LUNGU N’ETU
Mukonda Diahi Tua Tokala ku di Longa o Bibidia?
O Bibidia i tambuijila o ibhuidisu ia beta-o-kota iene mu di bhanga mazunda ni mazunda a athu mu ngongo? Ua mesena ué?
