DIAMBU DIA KAPA | SATANAJI MUTHU UA KIDI?
O Kuila Kuene Muene Satanaji?
Fikula mu mbanza ia Madri, ku ixi ia Xipanha, ilondekesa Satanaji kala anju ia iibha ia lauka ku diulu
“Nga ku dila mu ixi ia El Salvador. Kioso ki nga kexile mu bhukumukina manh’etu muéne ua kexile mu zuela, ‘o Diabhu iú uiza ku kuata!’ Eme nga kexile ku mu tambuijila, ‘muehe n’eze!’ Eme ngejidile kuila kuene Nzambi maji ki ngi xikinine kuila kuene Satanaji.”—ROGELIO.
O kuila u banza kala o munzangala Rogelio? Mu ibanzelu ia-nda kaiela iebhi i ua xikina?
-
Satanaji ki muthu ua kidi; muéne ulombolola ngó o kuiibha.
-
Kuene muene Satanaji, maji muéne kene mu suua o athu.
-
Satanaji muthu mu nzumbi uala ni kutena, uene mu nganala o mundu.
O ibanzelu íii ene mu i xikina ku mazunda ni mazunda a athu. O kuila ku bhinga muene kuijiia kiebhi o kibanzelu kia tokala? Se ki kuene Satanaji, tu tena kuzuela kuila o athu a xikina kua Satanaji a mu di nganala. Maji se kuene muene Satanaji, maji kene mu suua o athu, o athu enhá ka tokala ku mu kuata uôma. Maji se Satanaji mukua ku nganala, muéne nguma ia dikota.
Tu di longe kiebhi o Bibidia i tambuijila o ibhuidisu íii: Satanaji nanhi? Ulombolola ngó o kuiibha anga muthu mu nzumbi? Se muéne muthu, o kuila u tena ku ku bhanga kia iibha? Se muéne u tena kiebhi ki u tena ku di langa?
