Ibhuidisu ia Bibidia io Tambuijile
Kiebhi o tuana kia tena ku zola Nzambi?
Di longe ni tuana tuê milongi i zuela o ima ia bhange Nzambi, phala ku kuatekesa an’ê ku muijiia ni ku mu zola
O tuana tuê a-nda tena ngó ku zola Nzambi se ene a xikina kuila Nzambi muthu ua kidi, muthu ua a zolo. Phala ku zola Nzambi, kia dianga a bhingi ku muijiia. (1 Nzuá 4:8) Mu kifika, ene a bhingi kuijiia: Mukonda diahi Nzambi ua bhange o athu mu ngongo? Mukonda diahi Nzambi uehela o hadi? Ihi ia-nda bhanga Nzambi ku hádia phala o athu?—Tanga Filipe 1:9.
Phala ku kuatekesa an’ê ku zola Nzambi, ua tokala kulondekesa kuila eie ué ua zolo Nzambi. Kioso ene kia-nda mona kiki, a-nda kaiela o phangu iê.—Tanga Matendelelu 6:5-7; Jisabhu 22:6.
Kiebhi ki u tena ku tula o Mak’â Nzambi ku muxima ua tuana tuê?
O Mak’â Nzambi ala ni kutena. (Jihebeleu 4:12) Kienhiki, kuatekesa an’ê kuijiia o ilongesu ia dianga ia Bibidia. Phala ku tula o mak’â Nzambi ku mixima ia athu, Jezú ua bhange ibhuidisu, uevu iu ua jimbulula o Mikanda Ikola. Phala ku tula o Mak’â Nzambi ku mixima ia tuana tuê, kaiela o ukexilu ua Jezú ua ku longa.—Tanga Luka 24:15-19, 27, 32.
O misoso ia Bibidia ilondekesa kiebhi Nzambi kia di bhanene ni athu m’ukulu ni mundu uê, i tena ku kuatekesa o tuana tuê kuijiia ni ku zola Nzambi. O madivulu a tena ku kuatekesa ku bhanga kiki ala mu www.pr418.com/kmb.—Tanga 2 Timote 3:16.
Eye Nange Wandawabhela we o Maka Yá
ANA-NDENGE
Kala u Kamba Dya Jihova
O jividyu jiji, ni mimbu, ni ikalakalu yalungu ni kupindala, yandakwatekesa o ana kudilonga madisá ambote anda kwakwatekesa kusangulukisa Nzambi.
DIVULU DIAMI DIA MISOSO IA BIBIDIA
Divulu Diami Dia Misoso Ia Bibidia—Dimatekenu
Misoso ya kidi a ikatula mu divulu dya beta kota ku mundu woso, mu Bibidya, tusangamu misoso yalungu ni ibhangelu tunde kudimatekenu kate mu izuwa ya lelu.
MADIVULU NI TUMIKANDA
