Sidivila Nzambi ni Ufiiele Uoso né Muene ni ‘Izukutisu Iavulu’
‘Tu bhinga tu bokona mu Utuminu ua Nzambi mu ku bhita ni Izukutisu Iavulu.’
1. Mukonda diahi o Jiselevende ja Nzambi a bhita ni ‘izukutisu iavulu?’
TUEJIIA kuila, ande dia ku tambula o muenhu ua kalela-ku, tua-nda di bhana ni ‘izukutisu iavulu.’ O Jikidistá joso a di bhana ni ibhidi, katé muene ni ió ene mu sidivila kiá Nzambi tundé ukulu. Mukonda diahi? Mukonda Satanaji muéne ua mu tumina o mundu iú.
2. (a) Iebhi o ibhidi ia mukuá i di bhana na-iu o Jikidistá? (Tala o foto ia dianga.) (b) Nanhi uene mu zukutisa o Jikidistá? Kiebhi ki tuejiia o kidi kiki?
2 O athu oso a di bhana ni ibhidi, mukonda akua ituxi. Maji o ibhidi i di bhana na-iu o Jikidistá a beta-kota. (1 Kolindo 10:13) O Jikidistá a a zukutisa kiavulu, mukonda a mesena ku sidivila Nzambi ni ufiiele uoso. Jezú ua tangela o akaiedi’iê: “Mubhika ka tundu ngana iê. Se a ngi zukutisa eme, enu uenu a mi zukutisa; se aluka maka mami, enu a mi aluka ue o maka menu.” (Nzuá 15:20) Nanhi uene mu zukutisa o Jikidistá? Satanaji. O Bibidia i zuela kuila, Satanaji uala kála “hoji iala mu zuma,” ia mu ‘nhunga jinga, mu ku sota’ ku dia o mundu ua Nzambi. (1 Phetele 5:8) Satanaji ua-nda bhanga ioso, phala ku batula o ukamba uetu ni Jihova. Tu di longe ihi ia bhiti ni poxolo Phaulu.
IZUKUTISU MU MBANZA IA LISTRA
3-5. (a) Izukutisu iahi ia bhiti na-iu Phaulu mu mbanza ia Listra? (b) Kiebhi o kitendelesu kia Phaulu kia lungu ni izukutisu kia suínisa o maxibulu?
3 Phaulu a mu zukutisile kiavulu, mukonda dia ufiiele uê kua Nzambi. (2 Kolindo 11:23-27) Saí kizuua, Phaulu ua sake diiala mu mbanza ia Listra. O diala didi a mu vuala kinema, ka tenene kuenda. Mukonda dia ku saka o diiala dienhódio, o athu a kexile mu banza kuila, Phaulu ni Barnabe exile jinzambi. Ene a diondela o athu phala ka a bheze. Mu ku bhita kathangana, o atuameni a jingeleja ja Jijudé a bhixila, anga a mateka ku longolola Phaulu ni Barnabe. O athu a xikina o makutu enhá. Mukonda dia kiki, ene a buba Phaulu ni matadi, katé kia fika kuma uafu.
4 Kioso kia zubha ku kunda o mbanza ia Derbe, Phaulu ni Barnabe a ‘vutukila ku Listra, ni ku Ikonio, ni ku Andiioka. Ene anga a kala mu ku suínisa o mixima ia jixibulu ni ku a longesa kujijila o kuxikana. A kala ué mu longa kuma ‘tu bhinga tu bokona mu Utuminu ua Nzambi mu ku bhita ni izukutisu iavulu.’ (Ikalakalu 14:21, 22) O izuelu ku bhita ni ‘izukutisu iavulu,’ ki i suínisa. Maji kiebhi Phaulu ni Barnabe kia ‘suínisa o maxibulu,’ mu ku a tangela kuila eji di bhana ni izukutisu iavulu?
Phaulu ua tumbula o mabesá a-nda tambula ió a kolokota mu ufiiele uâ kua Nzambi
5 O kitambuijilu tu ki sanga mu izuelu ia Phaulu. Muéne uambe: ‘Tu bhinga tu bokona mu Utuminu ua Nzambi mu ku bhita ni izukutisu iavulu.’ Muéne ka zuela ngó kuila: ‘Tua tokala ku di bhana ni izukutisu iavulu.’ Mu kiki, Phaulu ua londekesa ni kidi kioso, o mabesá a-nda tambula oso a kolokota mu ufiiele uâ kua Nzambi. O mabesá iá a kidi, mukonda Jezú uambe: ‘Uoso-phe u kolokota katé bhu dizubhilu, muéne ua ka bhuluka.’
6. Mabesá ahi a-nda tambula ió a kolokota, né muene se a bhita ni izukutisu?
6 Se tu kolokota, né muéne se tu bhita ni izukutisu, tua-nda tambula mabesá. O Jikidistá a a undu a-nda tambula o muenhu sé dizubhilu ku diulu, a-nda tumina kumoxi ni Jezú. O “jimbudi jamukuá,” a-nda tambula o muenhu ua kalela-ku mu ixi. (Nzuá 10:16; 2 Phetele 3:13) Maji tua-nda bhita hanji ni ‘izukutisu iavulu.’ Tu mone maukexilu a iiadi a izukutisu u tu tena ku bhita nau.
IZUKUTISU IA ATHU
7. Ibhidi iebhi iene mu di bhana na-iu o Jikidistá?
7 Jezú ua kanena: ‘Kuma a ka mi kuta Marku 13:9) Kala ki tua mono, Jezú uambe kuila saí Jikidistá, eji ku a zukutisa ku athu. Saí ithangana, o athu a zukutisa o Jikidistá, o jinguvulu ni atuameni a jingeleja. (Ikalakalu 5:27, 28) Xinganeka dingi mu phangu ia Phaulu. O kuila muéne ua kexile ni uôma ua izukutisu ia athu? Kana.
8, 9. Kiebhi kia londekesa Phaulu kuila ua mesenene ku kolokota? Kiebhi o jiphange jetu kia kolokota mu ku di bhana ni izukutisu mu izuua ietu?
8 Phaulu ua di bhana ni izukutisu ia Satanaji ni ku suína kuoso, iu uambe: “Ki nga suu-phe kima. Né o muenhu uami ki ng’u jijila, kabasa ngi zubha o njila ia ngi xindi, ni ukunji ua ngi bhana Ngana Jezú. O ukunji uen’iú: O kubhana umbangi ua Njimbu Iambote ia kiadi kia Nzambi.” (Ikalakalu 20:24) Phaulu ka kexile ni uôma ua izukutisu. Muéne ua kolokotele né muene ni izukutisu. Ua mesenene “kubhana umbangi,” sumbala ni izukutisu.
9 Kuene ué jiphange javulu lelu, ene mu kolokota mu ufiiele uâ kua Nzambi mu ithangana ia izukutisu. Saí ixi, ambata jiphange javulu mu kaleia mu 20 a mivu, sé ku a fundisa. Mukonda diahi? Mukonda ene ka xikina ku di ta mu maka a jinguvulu. O jinguvulu kehela o jindandu ja jiphange ku a kunda, saí iâ a a beta kiavulu.
Kuene ima iavulu i tena ku ku kuatekesa ku dielela kua Jihova, ni ku kolokota né muene kioso ki u di bhana ni ibhidi
10. Mukonda diahi ki tu tokala ku kala ni uôma ua ibhidi i moneka ni lusolo?
10 Saí jiphange a di bhana ni ibhidi i moneka ni lusolo. Se ki bhita n’eie, kana ku kala ni uôma. Lembalala o phangu ia Zuze. Muéne a mu sumbisile ku ubhika. Maji Jihova ua mu “kudila mu malamba mê moso.” (Ikalakalu 7:9, 10) Jihova u tena ué ku ku kuatekesa. Lembalala kuila, “Nzambi uejiia kukudila akua uôma uê mu’axaxi ka kudianguka.” (2 Phetele 2:9) O milongi íii, i tena ku ku kuatekesa ku dielela kua Jihova, ni ku kolokota, né muene kioso ki u di bhana ni ibhidi. Dielela kuila Jihova, u tena ku ku bhulula ku mundu iú ua iibha, ni ku ku bhana o muenhu ua kalela-ku.
IZUKUTISU IA LUNGU NI KU LUUALA
11. Mukonda diahi tuamba kuila o izukutisu ia lungu ni ku luuala, ki i difu ni izukutisu ia athu?
11 Nange tu di bhana ué ni izukutisu ia lungu ni ku luuala. Kiebhi o izukutisu íii, ki i difu ni izukutisu ia athu? O izukutisu ia athu ia difu ni kitembu ki tena ku buika o inzo iê mu kithangana kiofele. Maji o izukutisu ia lungu ni ku luuala, ia difu ni kiumba ki buika o dibhata diê bhofele bhofele. Katé ki ua-nda mona o kima kia mu bhanga o kiumba, o dibhata diala polondo phala ku bua.
12. (a) Mu ukexilu uebhi Satanaji u tena ku tu zozesa? Mukonda diahi? (b) Mukonda diahi Phaulu ua luualele?
12 Satanaji ua mesena ku zanga o ukamba uê ni Jihova. Muéne u tena ku tu zozesa bhu kaxi ka izukutisu ijila ku athu, mba mu ku tu bhangesa ku kala ni kikote. Mukonda diahi? Mukonda o izukutisu íii, i tena ku zozesa o ukamba Loma 7:21-24.) Mukonda diahi Phaulu ua luualele? Muéne ua kexile ni ukamba uambote ni Jihova, nange ua bhangele mbandu ku kibuka kia utuminu. Maji né kiki, Phaulu ua luualele mukonda uexile mukua ituxi. Muéne ua mesenene ku bhanga o mbote, maji saí ithangana kia mu bhonzele. Se ua luuala ué, o phangu ia Phaulu i tena ku ku suínisa.
uetu ni Nzambi bhofele bhofele. Saí ithangana, poxolo Phaulu ua luualele. Mu kithangana kia mukuá, muéne uambe: ‘Kokolo diami dia kuxixima kuku.’ (Tanga13, 14. (a) Mukonda diahi saí jiphange a luuala kiavulu? (b) Nanhi ua mesena ku zanga o ukamba uetu ni Jihova? Mukonda diahi?
13 Saí ithangana jiphange javulu a luuala, a kala ni hanji, mba a divua kuma kala ni valolo. Mu kifika, saí phange ia muhatu, muboki ua thembu ioso uambe: “Ithangana ioso ki ngi banza o kima kia iibha ki nga bhange, ngi divua kia iibha. Kioso ki ngi xinganeka mu ima ioso ia iibha i nga bhangele m’ukulu, ngi divua kuma se-ku muthu ua-nda ngi zola, né muene Jihova.”
14 Mukonda diahi sai jiselevende ja Jihova, kala o phange tua mu tange kiá ku dima, a divua kia iibha? Saí ima iavulu i tena ku a bhangesa ku divua kiki. Nange ene a divua kia iibha mukonda a banza ima ia iibha ia lungu ni ene, mba a xinganeka mu ibhidi ia di bhana na-iu. (Jisabhu 15:15) A mukuá nange a divua kia iibha, mukonda dia uhaxi uala nau. Maji lembalala kuila saí muthu ua mesena kuila tu luuala. Nanhi ua mesena kuila tu luuala, katé ki tu bhuila mu ku sidivila Jihova? Sé phata, Satanaji. Muéne a mu xindi o kufua, mu kiki, muéne ua mesena kuila eie u divua ué kala muthu kala ni kidielelu. (Dijingunuinu 20:10) Satanaji ua mesena ku tu thandanganhesa, ni ku tu zozesa mu nzumbi. Ki kale se u tu zukutisa bhu kaxi ka athu, mba u tu bhangesa ku luuala kiavulu, muéne ua mesena kuila tu bhuila mu ku sidivila Nzambi. Kana ku bhanga ima ia iibha, mukonda o mundu ua Nzambi ua mu di suínisa phala ku londekesa o ufiiele uâ kua Jihova.
Kana ku bhanga ima ia iibha, mukonda o mundu ua Nzambi ua mu di suínisa phala kulondekesa o ufiiele uâ kua Jihova
15. O divulu dia 2 Kolindo 4:16, 17 di tu suínisa ku bhanga ihi?
15 Kana ku bhuila, kolokota. Kolokota ku xinganeka mu mabesá. Phaulu ua sonekena o Jikidistá mu Kolindo: ‘Ki tu kuata usudi. Né-mbe o mukutu uetu iú uia ni kujila, o ukexilu uetu mu nzumbi-phe uia ni ku kala dingi ua ubhe kizuua ni kizuua. Kuma o hadi ietu íii i tua mu bhita na-iu ia bhebhuluka, ia kithangana ngó, hinu i tu bhekela ku zediua kuavulu kinéne, kua beta ukota o hadi íii ndenge, ku xalela-ku ndu ku hádia ni hádia.’
KALA POLONDO PHALA KU DIBHANA NI KIZUKUTISU
O Jikidistá joso, ki kale o minzangala mba adiakimi, a di iudika phala ku zokela o ubhezelu uâ (Tala o kaxi 16)
16. Mukonda diahi kima kiambote ku di pelepalala kindala, phala o ibhidi ia-nda moneka ku pholo?
16 Satanaji uala ni “jindunge” javulu phala ku tu kuata. (Efezo 6:11) Mukonda dia kiki, tua tokala ku kaiela o kitendelesu ki tu sanga mu divulu dia 1 Phetele 5:9 diambe: “Kolokotenu-phe mu kuxikana, mbé mu tene kubhânga ni Diabhu.” Phala ku kolokota, tua tokala ku pelepalala o kilunji ni muxima uetu lelu ni tu kale polondo phala ku bhanga o ima iambote ku pholo. Mu kifika, ande dia kuia mu ita, o masoladi a a bhana milongi ni ku a pelepalala kiambote phala kuia mu bhânga. Kiki, ki bhita ué n’etu. Ki tuijiia se ibhidi iahi i tua-nda di bhana na-iu ku pholo. Mu kiki, tua tokala ku di pelepalala kindala, mukonda kua tululuka hanji. O poxolo Phaulu ua suínisa o Jikidistá: ‘Di tonginine-nu se muala muene mu kuxikana.’—2 Kolindo 13:5.
17-19. (a) Kiebhi ki tu tena ku di tonginina? (b) Kiebhi o minzangala kia tena ku di iudika, phala ku zokela o ubhezelu uâ bhu xikola?
17 U tena ku di tonginina mu ku bhanga o ibhuidisu kala íii: ‘O kuila ngi samba mu ithangana ioso? Kioso kia ngi suínisa ku bhanga ima ia iibha, o kuila ngi belesela Nzambi, mba ngi belesela o athu? O kuila ngiia mu iônge ithangana ioso? O kuila ngi zokela o ubhezelu uami ni ku suína kuoso? O kuila ngi loloka o ituxi ia jiphange jami, kala ki nga mesena kuila ene a ngi loloka? O kuila ngi belesela o tufunga mu kilunga, ni ió a langa o kilunga ku mundu uoso?’
Tua tokala ku pelepalala o kilunji ni muxima uetu lelu ni tu kale polondo phala ku bhanga o ima iambote ku pholo
18 A tu kondoloka ku athu a bhanga ioso phala ku tu suínisa ku banza kia iibha. Saí jiphange ja minzangala, a zokela o ubhezelu uâ ni ku suína kuoso bhu xikola. Ene ka kala ni hele mba uôma ua ku zokela o ubhezelu uâ. Ihi i kuatekesa o minzangala íii ku zuela ni ku suína kuoso? Ene a kaiela o milongi iala mu madivulu metu. Mu kifika, mu Mulangidi ua 15 ua Kasambuadi ka 2013 mu mbandu 3 tu sanga-mu milongi, i tena ku kuatekesa o minzangala ku zokela o ubhezelu uâ mu xikola mu ku xinganeka ni koleka iê ni ku bhanga ibhuidisu ia tokala. O jingijiie ki ji xikina kuila o athu a moneka ngó, maji ene o jimesene!” Jitata, longenu o tuana tuenu o maukexilu a ku zokela o ubhezelu, n’a kale polondo phala ku zokela o ubhezelu uâ bhu xikola.
Jitata, longenu o tuana tuenu o maukexilu a ku zokela o ubhezelu uâ
19 Mu kidi, saí ithangana ki bhonza ku zokela o ubhezelu uetu, mba ku bhanga ima ia mukuá i tu tumina Jihova. Mu kifika, kioso ki tu zumbuka ku salu nange ku bhinga nguzu phala kuia mu kiônge. Mba nange ki bhonza ku balumuka selu, phala kuia mu sidivisu ia ku boka. Maji ijiia kuila, se uene mu bhanga o ima íii lelu, ua-nda kala polondo phala o ibhidi ia-nda moneka ku pholo.
Phaulu ua xikina o sata ia kukula, mukonda uejidile kuila ia mu tokalele ué
20, 21. (a) Kiebhi o ku xinganeka mu sata ia kukula kua Jezú, ku tu kuatekesa ku di bhana ni ku luuala? (b) Ihi i tua tokala o ku bhanga?
20 Ihi i tuamba ia lungu ni izukutisu ijila mu ku luuala? Mu kifika, ihi i tua tokala o ku bhanga kioso ki tu luuala? Tua tokala ku xinganeka mu sata ia kukula kua Jezú. Kiene kia bhange poxolo Phaulu. Saí ithangana, muéne ua luualele. Maji uejidile kuila Kristu kafú mukonda dia athu a iuka, maji uafu mukonda dia athu akua ituxi, kála muéne. Muéne ua soneka: “O kiki o muenhu u ngala na-u mu xitu, nga u muena mu kuxikana Mon’a Nzambi, ió ua tenene ku ngi zola ni ku di bhakula mukonda diami.” (Ngalásia 2:20) Mu kidi, Phaulu ua xikina o sata ia kukula, mukonda uejidile kuila ia mu tokalele ué.
21 Eie u tena ué ku katula mbote mu sata ia kukula kua Jezú, se u i mona kuma ujitu ua tundu kua Jihova. Kiki, ki kilombolola kuila o ku luuala kua-nda bhua ni lusolo. Saí athu a-nda di bhana ni ibhidi, i bhangesa o ku luuala, katé kia-nda kuíza o mundu uobhe. Maji lembalala kuila, o mabesá a tokala kua ió a kolokota katé ku dizubhilu. Kala kizuua ki bhita, o Utuminu ua Nzambi u zukama dingi. Kioso kia-nda kuíza o Utuminu ua Nzambi, kua-nda kala kutululuka mu ixi ioso, o athu oso a-nda iuka. Mu kiki, bhanga ioso phala ku bokona mu Utuminu ua Nzambi, né muene se ku bhinga ku di bhana ni ibhidi iavulu.