O Kuila Nga Tokala ku Samba ku Jisandu?
O Bibidia i tambuijila
Kana. O Bibidia ilondekesa kuila tua tokala ku samba ngó kua Nzambi mu dijina dia Jezú. Jezú uambele jixibulu jê, uixi: “Mu kusamba kuenu, muila kala kiki: Tata ietu uene mu diulu, dijina dié a dixile.” (Matesu 6:9) muéne nuka ua longo o jixibulu jê kuila a tokalele ku samba ku jisandu, ji-anju mba muthu uéngi mu veji dia Nzambi.
Jezú uambele ué jixibulu jê: “Eme ngi njila, ngi kidi, ngi muenhu. Kana muthu u bhixila kua Tata, ua kambe kuijila ko kuami.” (Nzuá 14:6) Jezú muéne ngó a mu solo kua Nzambi phala ku tu diondela kua muéne.—Jihebeleu 7:25.
O kuila tu tena ku samba kua Nzambi bhu kaxi ka jisandu?
Ku dikuinhi dia ijila, Nzambi uixi: “Eme Jihova, Nzambi ié, ng’ene ngi Nzambi ia difuba.” (Makatukilu 20:5) Mu ukexilu uebhi Jihova “Nzambi ia difuba?” Saí Bibidia i zuela kuila, o velusu íii ilombolola kuila Nzambi “u bhinga kuila o athu a mu bheze ngó muene.” Kienhiki, muéne ua mesena kuila o athu a samba ngó kua muéne.—Izaia 48:11.
Nzambi u divua kia iibha ku muxima kioso ki tu sambela muthu uéngi, katé ku jisandu mba ji-anju. Kioso poxolo Nzuá kia mesenene ku fukamena anju, o anju ienii ia mu fidisa mu kuzuela: “Kana ku ki bhanga! Eme ue ngi selevende ni mukuenu, nga sokela ni phange jé oso a kuata umbangi ua kidi kia Jezú. Bheza Nzambi!”—Dijingunuinu 19:10.
Eye Nange Wandawabhela we o Maka Yá
IBHWIDISU YA BIBIDYA YO TAMBWIJILE
Mukonda Dyahi Twa Tokala ku Samba mu Dijina Dya Jezú?
Di longe kyebhi o ku samba mu dijina dya Jezú ku ximanesa Nzambi ni kyebhi ki tu tena ku mu bhana kijingu.
O MULANGIDI
O Kuila Tua Tokala ku Samba ku Jisandu?
Ima izwela o Bibidya yalungu ni kusamba ku jisandu kubhinga kutambwijiila o kitambwijilu kiki : O kwila watokala kukala ni woma wakuzukama kwa Nzambi?
MILONGI YA BIBIDYA
Fikisa Kudilonga o Bibidya N’etu
Dilonge o Bibidya ni kikwatekesu kya mulongexi, eye kubhingi kufuta kitadi.