Ihi Yamba o Bibidya Yalungu ni Diyala ni Muhatu Kutunga Kumoxi se Kukazala?
O Bibidya i tambwijila
O Bibidya yamba kwila o vondadi ya Nzambi yenyiyi “mulenga o undumbu.” (1 Tesalonika 4:3) Kala kizuwela o Bibidya o kizuwelu “undumbu” kya lungu ni kuta phanda, dyala mba muhatu kuzeka ni mukwa, ni dyala ni muhatu kuzeka kumoxi se kukazala.
Mukonda dyahi o maka alungu ni kukazala ala ni valolo bhu pholo ya Nzambi?
O ukaza ujitu wa Nzambi. Mwene wabhange kiki kyoso kya kazala o dyala ni muhatu wandyanga. (Dimatekenu 2:22-24) Mwene kamesena kwila o diyala ni muhatu atunge kumoxi se kukazala.
Nzambi wejiya o ima yabeta kota phala o athu. Mwene wabhange o ukaza phala kunangenena, wene watokala kubhita ngó diyala ni muhathu, phala kulanga ni kukwatekesa o athu ku mwiji. Tala o kifika kiki kya bhebhuluka. Kyoso ki tusumba kima, o kima kiki kiza ni kamukanda phala kutukwatekesa se kyebhi ki tukalakala ni kima kiki, kyene kimoxi we o milonga ya Nzambi itukwatekesa kwijiya kyebhi ki tu tena kukala ni ukamba wambote kumwiji. O milongi ya Nzambi ikwatekesa yo a ikumbidila.—Izaya 48:17, 18
Kyoso ki tusumba kima o kima kiki kiza ni kamukanda phala kutukwatekesa se kyebhi ki tukalakala ni kima kiki, kyene kimoxi we o milongi ya Nzambi itukwatekesa kwijiya kyebhi ki tutena kukala ni mwiji wambote
O kuzeka ni muthu se kukazala kutena kubheka ibhidi yavulu. Mukifika, kwimita se kumesena, mawuhaxi ijila mukonda dyakuzeka ni muthu, ni maka alungu ni kilunji.
Nzambi wabhange o ukaza phala o diyala ni muhatu atene kuvwala twana. Phala Nzambi o mwenyu kima kikola, o ufolo wakuvwala ujitu wadikota. Nzambi wamesena kwila tuxila o ujitu yu mu kubhana kijingu ku ujitu wa ukaza.—Jihebelewu 13:4.
Ihi twamba yalungu ni yo asola kutunga kumoxi se kukazala phala na tale se anda tena kukala kumoxi mba kana?
Phala kuditunda kyambote mu ukaza ki kubhingi kutunga ni muthu ande dya kukazala. Muveji dya kiki, o ukaza ukola dingi kyoso o diyala ni muhatu adikwatenena mu ukaza ni akalakala kumoxi phala kubatula o maka amoneka mu ukaza. a O ukaza ukwatekesa kudikwatenena dingi mudya.—Matesu 19:6.
Kyebhi o diyala ni muhatu kyatena kukala ni ukaza wambote?
Ki kwene ukaza wayuka. Maji o diyala ni muhatu atena kukala ni ukaza wambote mu kukayela o itendelesu ya Bibidya. Tala ifika:
Ta kupholo o ibhindamu ya kaza dyé.—1 Kolindu 7:3-5; Filipe 2:3, 4.
Mwatokala kudizola ni kudixila.—Efezu 5:25, 33.
Langa o dimi dyé.—Jisabhu 12:18.
Kala u mukwa mwanyu ni kuloloka ni lusolo.—Kolose 3:13, 14.
a Tala o milongi “Família feliz—Compromisso.”
Eye Nange Wandawabhela we o Maka Yá
IA LUNGU N’ETU
Bhinga Phala Kukukunda
Kuzwela yalungu ni kibhwidisu kya Bibidya mba kudilonga yalungu ni Jimbangi ja Jihova.