Паԝлос 2 Корьнтʹи 12:2, 3-да, дәрһәԛа мәрьвәки дьбежә, кʹижан кӧ «һʹәта әʹзмане сьсийа һатә һьлатьне». Гәло әԝ кʹе бу? Паԝлос нәʹма хԝәйә Корьнтʹийарʹа да кʹьфше, ԝәки Хԝәде ԝи чаԝа шанди дьда хәбате (2 Корн. 11:5, 23). Паши ве йәке, әԝи бәʹса «дитьн у әʹйантийа» кьр, йед кӧ Хӧдан нишани ԝи кьрьбу. Ве контекстеда Паԝлос бәʹса тʹӧ бьра нәкьр. Демәк, логики йә кӧ әԝи дәрһәԛа хԝә дьгот, йе кӧ хәԝн-хәйал у әʹйанти станд (2 Корн. 12:1, 5).

Демәк, әԝ Паԝлос бу йе кӧ «һʹәта әʹзмане сьсийа һатә һьлатьне» у «һʹәта бӧһьште һатә һьлатьне» (2 Корн. 12:2-4). Әԝи хәбәра «әʹйанти» да хәбате, чь кӧ дьдә кʹьфше, ԝәки жерʹа һатә әʹйанкьрьне кӧ ахьрийеда ԝе чь бьԛәԝьмә.

Ле «әʹзмане сьсийа» чь бу кӧ Паԝлос дит?

Кʹьтеба Пирозда әʹзман дькарә бе һʹәсабе әʹзмане физики (Дәстп. 11:4; 27:28; Мәт. 6:26). Ле хәбәра «әʹзман» щурʹәки майин жи те хәбьтандьне. Щара әԝ те һʹәсабе сәрԝертийа мәрьва (Дан. 4:20-22). Йан жи сәрԝерийа Хԝәде, мәсәлә сәрԝерти бь сайа Пʹадшатийа Хԝәде (Әʹйан. 21:1).

Паԝлос «әʹзмане сьсийа» дит. Әԝ чь те һʹәсабе? Кʹьтеба Пироз щарна тьштәки се щара дьԝәкʹьлинә, сәва әԝи тьшти рʹьнд кʹьфш кә, щӧдә кә йан жи ԛәԝата ԝе бьдә кʹьфше (Иша. 6:3; Һәзԛл. 21:27; Әʹйан. 4:8). Ча те кʹьфше, чахе Паԝлос дәрһәԛа «әʹзмане сьсийа» гот, әԝи дьда кʹьфше сәрԝертийа һәрә баш, бьльнд у гьринг, демәк Пʹадшатийа Мәсиһти, кʹижанеда Иса Мәсиһ у 144 000 ԝе сәрԝертийе бькьн (Бьньһерʹьн «Фәʹмкьрьна Ньвисаре», Пʹара 1, рʹупʹ. 1059, 1062). Чаԝа Паԝлос ньвиси, әм анәгори созе Хԝәде, һивийа «әʹзманед ну нә» (2 Пәт. 3:13).

Ле Паԝлос дәрһәԛа кʹижан «бӧһьште», демәк щьнәте дьгот?

Хәбәра «бӧһьшт» жи дькарә щурʹә-щурʹә тьшт бе һʹәсабе: 1) щьнәт, кӧ ԝе сәр әʹрде бә у пешийа мә йә. 2) Ӧса жи әԝ әʹдьлайи кӧ Хԝәде ԝе дьнйа тʹәзәда бьдә щьмәʹта хԝә. 3) Хенщи ве йәке, әԝ дькарә бе һʹәсабе һʹале пʹьрʹ баш сәр әʹзмана, «бӧһьшта Хԝәдеда», дәрһәԛа кʹижани Әʹйанти 2:7-да те готьне (Бьньһерʹьн «Бьрща Ԛәрәԝьлийе», йа 1 Тирмәһе, сала 2015, рʹупʹ. 13, абз. 8).

Паԝлос 2 Корьнтʹи 12:4-да дәрһәԛа хԝә гьли дькьр, дьԛәԝьмә дәрһәԛа ԝан һәрсек щурʹа жи дьгот.

Ԝәрә әм әԝан фькьра тʹәмам кьн:

Әʹзмане сьсийа дәрһәԛа кʹижани 2 Корьнтʹи 12:2–да те готьне, дьԛәԝьмә Пʹадшатийа Мәсиһити йә‚ кӧ дәсте Иса у 144 000–да йә, демәк «әʹзманед ну» (2 Пәт. 3:13).

Әw һәйә «әʹзмане сьсийа», чьмки әԝ Пʹадшати щурʹе сәрԝертийа һәрә бьльнд у мәхсус ә.

«Бӧһьшт», ль кʹидәре Паԝлос «һатә . . . һьлатьне» дьԛәԝьмә әԝ һәйә 1) Щьнәт кӧ ԝе сәр әʹрде бә, 2) щьнәта рʹӧһʹани кӧ ԝе дьһа мәзьн бә, нә кӧ ча ньһа, у нав тʹәмамийа дьнйайеда бә, у 3) «бӧһьшта Хԝәде» йа әʹзмана, кӧ ԝе ԝәʹде дьнйа тʹәзә бә, чаԝа щьнәта рʹӧһʹанийә сәр әʹрде.

Демәк, дьнйа тʹәзә әԝ ә, чахе һьн әʹзманед ну һьн жи әʹрде ну ԝе тʹәвайи һәбьн. Әԝ ԝе  сазкьрьна тʹәзә бә, демәк Пʹадшатийа әʹзмана у инсанәт, кʹижан кӧ ԝе сәр әʹрде щьнәтеда Йаһоԝарʹа хьзмәт кә.