Ԝә рʹьнд дина хԝә да готаред жь «Бьрща Ԛәрәԝьлийе» йа ԝан пашԝәхтийа? Хԝә бьщерʹьбиньн, һәла һуне бькарьбьн щабед ԝан пьрса бьдьн:

Ньвисаред Пирозда чь те готьне дәрһәԛа дьлшәԝатийа Хԝәде һьндава мә?

Чахе щьмәʹта Исраелейә бәре дилтийа Мьсьреда бу, Хԝәде заньбу у фәʹм дькьр дәрд у еша ԝан (Дәркʹ. 3:7; Иша. 63:9). Әм дьлԛе Хԝәдеда һатьнә әʹфьрандьне, ләма әм жи мина ԝи дьлшәԝатийе дькарьн бьдьнә кʹьфше. Әԝ һәла һе һьнге жи дьлшәԝатийе һьндава мәда дьдә кʹьфше, гава әм хԝә нә һежайи һʹьзкьрьна ԝи тʹәхмин дькьн (ԝp18.3, рʹупʹ. 8-9).

Һинкьрьнед Иса ча али мәрьва дькьн, ԝәки фьрԛийе нәкьнә ортʹа һәвдӧ?

Гәләк Щьһу ԝәʹде Исада фьрԛи дькьрьнә ортʹа мәрьва. Иса да кʹьфше кӧ мьлукти гәләк фәрз ә, у ԝан йед кӧ мьләтед хԝәрʹа ԛӧрʹә дьбун, сущдар кьр. Әԝи пәйчуйед хԝә һелан дькьр, ԝәки һәвдӧ ча хушк-бьра һʹәсаб кьн (ԝ18.06, рʹупʹ. 9-10).

Әм чь һин дьбьн жь ԝе йәке, кӧ чьрʹа Хԝәде нәһишт ԝәки Муса бькʹәвә Әʹрде Создайи?

Һәләԛәтийа Муса тʹәви Йаһоԝа гәләк незик бу (Ԛан. Дщр. 34:10). Ԝәкә 40 сал дәрбаз бу чахе рʹеԝитийа Исраелийа бәрʹийеда ида хьлаз дьбу, ԝедәре ԝана диса бона аве кьрьнә кӧтә-кӧт. Хԝәде готә Муса ԝәки ԛәйайерʹа хәбәр дә. Ле дәԝса ԝе йәке, Муса ԛәйайе хьст. Йаһоԝа дьбәкә сәр Муса һерс кʹәт, чьмки әԝи пәй рʹебәрийед Ԝи нәчу, йан жи чьмки Муса һӧрмәт нәда Хԝәде, йе кӧ әԝ кʹәрәмәт кьр (Жьмар 20:6-12). Әԝ йәк мә һин дькә ԝәки гәләк фәрз ә әм гӧрʹа Йаһоԝа бькьн у ԝи һӧрмәт-рʹумәт кьн (ԝ18.07, рʹупʹ. 13-14).

Һәрге әм ль гора дитьна чʹәʹвед хԝә мәрьва сущдар дькьн, әм чь шашийа дькарьн бәрʹдьн?

Һәнә се дәрәщә, кʹидәре кӧ мәрьв гәләк щар ль гора дитьна чʹәʹвед хԝә мәрьва башԛә дькьн: әԝ һәйә чахе фьрԛи дькьнә ортʹа мьләта, ортʹа мәрьвед дәԝләти у кʹәсиб, у анәгори салийед мәрьва фьрԛийе дькьн. Ле бона мә гәләк фәрз ә әм сәр йед дьн ӧса бьньһерʹьн, ча Йаһоԝа, чьмки әԝ фьрԛийе накә ортʹа мәрьва (Кʹар. Шанд. 10:34, 35). (ԝ18.08, рʹупʹ. 8-12).

Чь щурʹә Мәсиһийед әʹмьрда мәзьн дькарьн аликʹарийе бьдьнә йед дьн?

Мәсиһийе амьн, йе кӧ щабдарийед хԝә дьдә кәсәки дьн, диса жи бәр чʹәʹве Хԝәде ԛимәт ә у дькарә гәләк аликʹарийе бьдә мәрьвед майин. Әԝ дькарә али меред нәбаԝәр бькә, йан аликʹарийе бьдә хушк-бьред кӧ рʹӧһʹанида сьст бунә, һинбунед Кʹьтеба Пироз дәрбаз кә, у хьзмәтийеда һе зедә бькә (ԝ18.09, рʹупʹ. 8-11).

Бал Мәсиһийа кʹижан Һащәтед Сәрәкә бона Һинбуне һәнә?

Әԝ һәнә картед малпәра мә, тʹәглифкьрьн, һʹәйшт бәлавок кӧ һеса нә бьдьнә хәбате, журнала «Бьрща Ԛәрәԝьлийе» у «Һʹьшйар Бьн!». Чәнд брошур жи дькʹәвьнә нава ԝан һащәта, ӧса жи дӧ кʹьтебед бона һинбуне у чар видео, мәсәлә «Чьрʹа Һин бьн Кʹьтеба Пироз?» (ԝ18.10, рʹупʹ. 16).

Ль гора Мәтʹәлок 23:23-да, Мәсиһи ча дькарә «рʹастийе бькʹьрʹә»?

Сәва рʹастийе ԛазанщ кьн, мәрʹа пʹәрә нәлазьм ә. Ле әм гәрәке ԝәʹдә у ԛәԝата хԝә хәрщ кьн сәва рʹастийе ԛазанщ кьн (ԝ18.11, рʹупʹ. 4).

Әм чь һин дьбьн жь Һосәйа, кӧ әԝ ча бу тʹәви жьна хԝә Гомәре?

Гомәре ԛави дькьр, ле Һосәйа дьбахшандә ԝе у диса жи тʹәви ԝе зәԝащеда дьма. Һәрге жьн йан мере Мәсиһи бенамуси кьрийә, әԝ дькарә ԝи йан жи ԝе бьбахшинә. Чахе әԝ тʹәви ԝи йан ԝе диса дькʹәвә һәләԛәтийа сексуали, әԝ те һʹәсабе ԝәки ида мәʹнийа сәр һʹиме Кʹьтеба Пироз тʹӧнә кӧ һәв бьԛәтьн (ԝ18.12, рʹупʹ. 13).