Ԝә рʹьнд дина хԝә да сәр тʹемед жь «Бьрща Ԛәрәԝьлийе» йа ԝан пашԝәхтийе? Хԝә бьщерʹьбиньн, һәла һуне бькарьбьн щабед ԝан пьрса бьдьн:

Мәтта 18:15-17-да, Иса дәрһәԛа кʹижан гӧнә дьгот чахе тʹәми дьда?

Иса дьгот дәрһәԛа чәтьнайа ортʹа мәрьва, кʹижан кӧ дькарьн хԝәха нав һәвда сафи кьн. Ле һәрге ԝана ортʹа һәвда сафи нәкьрийә, ԝи чахи әԝ дькарә бе һʹәсабе гӧнәки ӧса, жь бо кʹижани әԝ мәрьве нәһәԛ жь щьвате дькарә бе дәрхьстьне. Мәсәлә, гӧнә дькарә бӧхдан бә, йан жи фелбази бә (w16.05, рʹупʹ. 7).

Һун ча дькарьн жь хԝәндьна Кʹьтеба Пироз һе зедә кʹаре бьстиньн?

Һун дькарьн ԝан тьшта бькьн: Бьхуньн бь нета рʹаст, у дәрса хԝәрʹа бьвиньн кʹижан кӧ ԝәрʹа ԝе кʹаре биньн. Пьрсед ӧса бьдьнә хԝә: «Әз ча дькарьм әве информасийе бьдьмә хәбате сәва али йед дьн бькьм?». Ӧса жи ԝәʹде хԝәндьне бьдьнә хәбате һʹәму һʹащәтед сәва леколинкьрьне (w16.05, рʹупʹ. 24-26).

Гәло әԝ йәк нәрʹаст ә һәрге Мәсиһи шине дькә чахе баԝәр дькә ԝәки мьри ԝе рʹабьн?

Әԝ баԝәри кӧ мьри ԝе рʹабьн, нькарә әԝе еше кʹӧта кә, кʹижан кӧ Мәсиһи тʹәхмин дькә чахе мәрьве ԝийи незик дьмьрә. Бьраһим жи шина Сәрайе дькьр (Дәстп. 23:2). Ԝәʹдә чахе дәрбаз бә, әԝ еш ԝе һе кем бә (wp16.3, рʹупʹ. 4).

Кʹе бь симболик те һʹәсабе мере бь һащәте ньвискʹарийе, у шәш мере бь чʹәка, кӧ Һәзәԛел сәре 9-да те готьне?

Гьлийед Һәзәԛел әм дькарьн фәʹм кьн һәрге бьдьнә бәр чʹәʹве хԝә әʹфринед әʹзмана кʹижан кӧ тʹәви һьлшандьна Оршәлиме бун у йед кӧ ԝе шәрʹ бьвьн ԝәʹде Һармәгәдоне. Рʹожа иройин әԝ те һʹәсабе, кӧ мере бь һащәте ньвискʹарийе әԝ һәйә Иса, йе кӧ нишана датинә сәр ԝан йед кӧ ԝе бенә хьлазкьрьне ԝәʹде Һармәгәдоне (w16.06, рʹупʹ. 16-17).

Жь кʹижан хофа Кʹьтеба Пироз хьлаз бу?

Әԝ хьлаз бу кӧ 1) нәһатә хьрабкьрьне жь бо ԝан материала сәр кʹижана әԝ дьһатә ньвисаре, мәсәлә папирус у пергамент; 2) жь бо пәйкʹәтьнед жь сәрԝеред дәԝләте у сәрԝеред рʹелигийед ԛәлп, йед кӧ дьхԝастьн әԝе кʹьтебе кʹӧта кьн; у 3) дьхԝастьн әʹламәтийа ве бьгӧһезьн у хьраб кьн (wp16.4, рʹупʹ.4-7).

Чь щурʹәйи Мәсиһи дькарә әʹмьре хԝә һеса кә?

Хԝәрʹа башԛә бьньвисә һʹәԝщед хԝәйә фәрз, сәр тьштед нәлазьм пʹәра хәрщ нәкә. Сафи кә кӧ һәр һʹәфти йан мәһ чь тәрʹа лазьм ә бькʹьрʹи, у чьԛас пʹәрә тӧ дькари хәрщ ки. Тьштед кӧ тәрʹа нәлазьм ьн бьфрошә, бавежә йан кәсәкирʹа бьдә, у һʹәму дәйне хԝә бьдә. Бьфькьрә һәла тӧ дькари кем бьхәбьти, у пешда бьфькьрә кӧ ча тӧ дькари һе зедә хьзмәт ки (w16.07, рʹупʹ. 10).

Кʹьтеба Пироз чь нав дькә жь зерʹ-зив ԛимәттьр?

Ибо 28:12, 15 дьдә кʹьфше ԝәки биланийа жь Хԝәде жь зерʹ-зив ԛимәттьр ә. Чахе һун әԝе биланийе ԛазанщ кьн, бьхәбьтьн сәр хԝә ԝәки мьлук бьминьн у баԝәрийа хԝә ԛәԝи хԝәй кьн (w16.08, рʹупʹ. 18-19).

Гәло щайиз ә ԝәки бьра сәррʹуйе хԝә бәрдә?

Һьнә културада сәррʹу тʹәбийәти йә у йед дьн налькʹӧминә ԝәки мьзгинийе ԛәбул кьн. Йәкә һьнә бьра дькарьн сафи кьн ԝәки сәррʹуйе хԝә һьлдьн (1 Корн. 8:9). Һьнә култур у ԝәлатед дьнда, сәррʹу нәщайиз ә бона Мәсиһийа (w16.09, рʹупʹ. 21).

Чьрʹа әм дькарьн дӧдьли нәбьн, ԝәки сәрһатийа Даԝьд у Голиатʹ, кӧ Кʹьтеба Пирозда те гьликьрьне, бь рʹастийе ԛәԝьмийә?

Бәжна Голиатʹ һьмбәри бәжна мәрьве кӧ рʹожед мәда лапи бьльнд бу, тʹәне сәр 15 сантиметра зедә бу. У Даԝьд бь рʹастийе дьжит, у манускрипта бәре әԝе йәке избат дькә. Ве манускриптеда ньвисибу дәрһәԛа мала Даԝьд, кӧ Иса гот. Кʹьтеба Пироз дьбежә кӧ Даԝьд тʹәви Голийатʹ кʹидәре шәрʹ кьр, у әԝ щи жи избат дькә ԝәки әԝ сәрһати бь рʹастийе ԛәԝьмийә (wp16.5, рʹупʹ. 13).

Ча занәбун, фәʹмкʹари, у билани жь һәв щӧдә дьбьн?

Мәрьве кӧ занәбуна ԝи һәйә, әԝ информасийайе занә, йан жи избаткьрьна. Мәрьве фәʹмкʹар дькарә бьвинә кӧ чаԝа избаткьрьн һәвва гьредайи нә. Ле мәрьве кӧ биланийа ԝи һәйә, занәбуна ԝи у фәʹмкʹарийа ԝи һәйә, у әԝ дькарә ԝан һәр дӧда жи рʹаст бьдә хәбате (w16.10, рʹупʹ. 18).