1-2. а) Чь йә Йубил? (Бьньһерʹә чаргошә « Ԝәʹде Бәре Йубил Чь Бу?»). б) Чаԝа кӧ Луԛа 4:16-18-да ньвисар ә, Иса чь гот?

ҺЬНӘ ԝәлатада, щәжьнед мәхсус дәрбаз дькьн, чахе 50 салед сәрԝертийа пʹадша йан жьн-пʹадша тʹәмам дьбә. Әԝе щәжьне дькарьн рʹожәке, һʹәфтеки йан жи һе зедә ԝәхт дәрбаз кьн, ле чахе щәжьн хьлаз дьбә, ԝәʹдә шунда мәрьв ида әве йәке бир дькьн.

² Ле ве готареда әме шеԝьр кьн дәрһәԛа йубиләке, кʹижан кӧ дьһа баш ә, нә кӧ һәла һе йубила 50 салийе жи, кӧ щьмәʹта Исраеле бәре дәрбаз дькьр. Әԝ сала Йубиле щьмәʹта Исраелрʹа азайи дьани. Ле чьрʹа керһати йә кӧ әм дәрһәԛа ве йәке шеԝьр кьн? Чьмки әԝ сала Йубиле кӧ Исраелийа дәрбаз дькьрьн, тинә бира мә ԝәки Йаһоԝа бона мә чь кьр, сәва әм ида ньһада ве азайе бьстиньн, дәрһәԛа кʹижани Иса гот. (Бьхунә Луԛа 4:16-18.)

3. Ль гора Ԛануна Кʹаһинтийе 25:8-12, Исраелийа чь кʹар дьстандьн жь сала Йубиле?

³ Ԝәрә пешийе дәрһәԛа Йубила бәре шеԝьр кьн, кʹижан кӧ Хԝәде щьмәʹта хԝәрʹа гот ԝәки дәрбаз кьн. Ӧса әме һе рʹьнд фәʹм кьн гьлийед Иса дәрһәԛа азайе. Йаһоԝа готә Исраелийа: «Сала пенщи һун пироз кьн у ль сәр әʹрде бона һʹәму бьнәлийед сәр әʹрде азадийе әʹлам кьн. Әва ԝәрʹа бьбә сала рʹаԝастийе. Һәр кәс бьра вәгәр′ә һәр′ә ль сәр мьлк′е хԝә, һәр кәс бьра вәгәр′ә һәр′ә нава малбәта хԝә». (Бьхунә Ԛануна Кʹаһинтийе 25:8-12.) Готара пешийа веда мә шеԝьр кьр, кӧ чаԝа  Исраелийа кʹар дьстандьн кӧ һәр һʹәфти рʹожа Шәмийе хԝәй дькьрьн. Ле жь сала Йубиле ԝана чь кʹар дьстанд? Мәсәлә, бьдьн бәр чʹәʹве хԝә, ԝәки Исраелик бьн дәйнада бу, у әʹрде хԝә фьротьбу, сәва дәйне хԝә бьдә. Сала Йубиледа, әԝ әʹрд пашда жерʹа вәдьгәрʹийа. Ләма жи әԝи дькарьбу «вәгәрʹә һәрʹә ль сәр мьлкʹе хԝә», у мьлкʹе зарʹед ԝи ӧнда нәдьбу. Дәрәщәкә дьнда, Исраели сәва дәйне хԝә бьда, дьбәкә гәрәке зарʹа хԝә йан һәла һе хԝә жи бьфьрота дилтийе. Ле ԝәʹде сала Йубиле, хӧлам гәрәке вәгәрʹийа «нава малбәта хԝә». Ләма жи тʹӧ кәс нәдьбу хӧламе ӧса, кӧ тʹӧ щар азайи нәстанда. Рʹасти жи Йаһоԝа чьԛас хәм дькьр бона щьмәʹта хԝә!

4-5. Чьрʹа әм гәрәке шеԝьр кьн дәрһәԛа Йубила бәре?

⁴ Ле диса чьда сала Йубиле бона щьмәʹте керһати бу? Йаһоԝа шьровәкьр: «Ль нава тәда кʹәсиб гәрә тʹӧнәбә, чьмки Хӧдан ԝе әʹсә дӧа ль тә бькә ль сәр ԝи әʹрди, кӧ Хӧдан Хԝәдейе тә чаԝа мьлкʹ дьдә тә кӧ ԛазьнщ ки» (Ԛан. Дщр. 15:4). Ле дьнйа иройинда мәрьвед дәԝләти һе дәԝләти дьбьн, ле мәрьвед кʹәсиб һе кʹәсиб дьбьн! Рʹасти жи фьрԛикә чьԛас мәзьн ә!

⁵ Әм чаԝа Мәсиһи, бьн Ԛануна Мусада ниньн. Әԝ те һʹәсабе, ԝәки әм Йубила бәре дәрбаз накьн, кӧ азайи хӧламарʹа дьани, дәйн дьһатьнә бахшандьне у мьлкʹ дьһатьнә вәгәрʹандьне (Рʹом. 7:4; 10:4; Әфәс. 2:15). Ле йәкә мәʹнийа мә һәйә, ԝәки әм шеԝьр кьн дәрһәԛа сала Йубиле. Чьрʹа? Чьмки әԝ щәжьн тинә бира мә, ԝәки Йаһоԝа бона мә чь кьр.

6. Инсанәт жь чь гәрәке аза бә?

⁶ Һәр кәс жь мә һʹәԝще азайе йә, чьмки әм хӧламед гӧнә нә. Жь бо гӧнә әм кал-пир дьбьн, нәхԝәш дькʹәвьн, у дьмьрьн. Әԝе йәке мәрьв әшкәрә дьвиньн, чахе хԝә нәйнькерʹа дьньһерʹьн йан жи дьчьн бал һʹәким, сәва хԝә ԛәнщ кьн. Әм ӧса жи дьлтәнг дьбьн чахе гӧнә дькьн. Паԝлосе шанди ани сәр хԝә, ԝәки бьбу  «һесире ԛануна гӧна, йа кӧ нава [ԝида бу]». Әԝи паше гот: «Әз чь мәрьвәки һесир-бәләнгаз ьм! Кʹи ԝе мьн жь дәсте ви ԛальбе пʹучʹи-мьри хьлаз кә?» (Рʹом. 7:23, 24).

7. Ишайа дәрһәԛа кʹижан азайе пʹехәмбәрти кьр?

⁷ Чьԛас баш ә кӧ Хԝәде тьштәки ӧса кьр, ԝәки әм хьлаз бьн, демәк жь гӧнә аза бьн. Иса роләкә сәрәкә лист кӧ әм бькарьбьн ве азайе бьстиньн. Һʹәта кӧ Иса бьһата сәр әʹрде, 700 сали зедәтьр пешийа ве йәке, Ишайа пʹехәмбәрти кьр дәрһәԛа азайа мәзьн. Әԝ азайа мәзьн ԝе азайа дьһа баш у мәзьн бинә, нә кӧ ԝәʹде сала Йубила Исраелийа. Әԝи ньвиси: «Рʹӧһʹе Хӧдан, Йаһоԝа ль сәр мьн ә; чьмки Йаһоԝа әз бьжартьм, ԝәки дьлньмьзарʹа мьзгинийе әʹлам кьм. Әԝи әз шандьм сәва бьринед дьлшкәстийа бьпʹечʹьм, әʹлам кьм дәрһәԛа азайа дила» (Иша. 61:1, ДТʹ). Ле гәло әԝ пʹехәмбәрти дәрһәԛа кʹе йә?

8. Пʹехәмбәртийа Ишайада дәрһәԛа азакьрьне бона кʹе те готьне?

⁸ Әԝ пʹехәмбәртийа фәрз дәрһәԛа азайе, дәстпебу бе сери паши дәстпека хьзмәтийа Иса. Чахе Иса чу кʹьниште, шәһәре хԝә Ньсрәтеда, әԝи Щьһуйарʹа йед кӧ ԝедәре тʹоп бьбун, әв пʹехәмбәртийа Ишайа хԝәнд. Иса дәрһәԛа хԝә гот: «Рʹӧһʹе Хӧдан ль сәр мьн ә, чьмки әԝи әз бь рʹункьрьне кʹьфш кьрьм, ԝәки Мьзгинийе бьдьмә фәԛира, у әз шандьмә һесирарʹа бой сәрбәстийе у корарʹа бой дитьне даннасин кьм, азайийе бьдьмә бьндәста у сала Хӧданә рʹәʹме жи бьдьмә наскьрьне» (Луԛа 4:16-19). Ле Иса ча әԝ пʹехәмбәрти ани сери?

9. Гәләкед ԝәʹде Исада һивийа кʹижан азайе бун?

⁹ Азайи дәрһәԛа кʹижани Ишайа пʹехәмбәрти кьр, у кӧ Иса хԝәнд, ԛьрʹна йәкеда дәстпебу бе сери. Иса әв йәк избат кьр, чахе әʹлам кьр: «Әв ньвисара кӧ ԝә иро бьһист һатә сери» (Луԛа 4:21). Гәләкед кӧ бьһистьн чь кӧ Иса хԝәндьбу, дьбәкә һивийе бун азайа жь сәрԝертийа Рʹоме бьстиньн. Әԝана дьбәкә мина ԝан дӧ мера дьфькьрин, йед кӧ готьн: «Мә тʹьре әԝе Исраеле аза кә» (Луԛа 24:13, 21). Ле әм заньн, ԝәки Иса тʹӧ щар шагьртед хԝә һелан нәдькьр, ԝәки мьԛабьли Рʹоме дәркʹәвьн сәва жь сәрԝертийа ԝе  дәрен. Дәԝсе әԝи гот: «Йед Ԛәйсәр ьн бьдьнә Ԛәйсәр» (Мәт. 22:21). Ԝәки ӧса нә, ԝи чахи Иса чь азайи ани?

10. Иса щьмәʹтерʹа чь азайи ани?

¹⁰ Кӧрʹе Хԝәде һатә сәр әʹрде, сәва дӧ щурʹә азайи бинә. Йа пешьн, Иса али щьмәʹте кьр кӧ аза бьн жь һинкьрьнед сәрԝеред рʹелигийа, кӧ баре гьран бун. Гәләк Щьһу хӧламед әʹйд-ԛәйд у баԝәрийед ԛәлп бун (Мәт. 5:31-37; 15:1-11). У әԝед кӧ йанчь алийе рʹӧһʹанида али щьмәʹте дькьрьн, ча бежи кʹор бун, чьмки хԝәха рʹаст Хԝәдерʹа хьзмәт нәдькьрьн. Ԝана Мәсиһ у һинкьрьна рʹӧһʹани кӧ әԝи дьда, инкʹар кьрьн, ләма тәрийеда у нава гӧнада ман (Йуһʹн. 9:1, 14-16, 35-41). Ле Иса тьштед рʹаст һин дькьр у мәсәла баш бу, у бь ԝе йәке әԝи мәрьвед мьлукрʹа әʹйан кьр, кӧ чаԝа әԝана дькарьн жь һинкьрьнед ԛәлп аза бьн (Марԛ. 1:22; 2:23–3:5).

11. Иса чь щурʹәйи азайа дӧда ани?

¹¹ Азайа дӧда, кӧ Иса ани, әԝ һәбу азайа инсанәте жь хӧламтийа гӧнә. Бь сайа ԛӧрбана Иса, Хԝәде дькарьбу гӧне ԝан бьбахшанда, йед кӧ пе кьред хԝә баԝәри дьданә кʹьфше һьндава ве кʹьрʹине (Ибрн. 10:12-18). Иса гот: «Һәгәр Кӧрʹе Хԝәде ԝә аза кә, һуне рʹасти аза бьн» (Йуһʹн. 8:36). Әԝ азайи һе мәзьн бу нә кӧ азайа ԝәʹде сала Йубиле. Мәсәлә, мәрьве кӧ ԝәʹде Йубиле жь дилтийе аза дьбу, паше диса дьбәкә бьбуйа хӧлам, у йәкә ахьрийеда ԝе бьмьра ча һʹәму мәрьв. Ле азайа кӧ Иса тинә, ԝе һʹәта-һʹәтайе бьминә.

12. Кʹе бун йед пешьн кӧ азайи стандьн, дәрһәԛа кʹижани Иса әʹлам кьрьбу?

¹² Рʹожа Пенщийе Һʹәсабе сала 33 Д.М., Йаһоԝа пе рʹӧһʹе пироз шанди у жьн меред дьнә амьн бьжарт. Әԝи ԝана кьрә ча кӧрʹед хԝә, сәва кӧ ахьрийеда әԝана жь мьрьне рʹабьн, ԝәки сәр әʹзмана тʹәви Иса сәрԝертийе бькьн (Рʹом. 8:2, 15-17). Әԝана йед пешьн бун, кӧ әв азайи стандьн, дәрһәԛа кʹижане Иса кʹьништа Ньсрәтеда әʹлам кьр. Әԝ мәрьв ида хӧламед һинкьрьнед ԛәлп нибун кӧ сәрԝеред Щьһуйа бәла дькьрьн, у ӧса жи хӧламед ԝан әʹдәта нибун, йед кӧ мьԛабьли Хәбәра Хԝәде бун. Хԝәде ӧса жи һʹәсаб дькьр, кӧ әԝана жь гӧнә аза бунә, кʹижан кӧ мьрьне тинә. Йубила симболик кӧ сала 33 Д.М.-да дәстпебу пе бьжартьна шагьртед Мәсиһ, ԝе хьлаз бә хьлазийа Һʹәзарсалийа Сәрԝертийа Иса. Ле нава ԝи ԝәʹдәйида ԝе чь бьԛәԝьмә?

13-14. Хенщи Мәсиһийед бьжарти, кʹе диса дькарә азайе бьстинә, йа кӧ Иса әʹлам кьр?

¹³ Иро, бь милйона мәрьва жь һʹәму мьләта дькʹәвьнә нава «пәзед . . . дьн» (Йуһʹн. 10:16). Әԝана нәһатьнә бьжартьне ԝәки тʹәви Иса сәр әʹзмана сәрԝертийе бькьн. Дәԝсе, һевийа ԝан һәйә, кӧ сәр әʹрде һʹәта-һʹәтайе бьжин. Һевийа тә жи әԝ ә?

¹⁴ Һәла һе иро жи һун ԝан кʹәрәма дьстиньн, йед кӧ Мәсиһийед бьжарти дьстиньн. Бь сайа баԝәрийа һьндава хуна Иса, кӧ бона мә һатә рʹетьне, һун дькарьн бахшандьна гӧнә бьстиньн. Ахьрийа ве йәке әԝ ә, кӧ һун бәр чʹәʹве Хԝәде рʹаст тенә һʹәсабе у исафа ԝә бәр ԝи тʹәмьз ә (Әфәс. 1:7; Әʹйан. 7:14, 15). Ӧса жи бьфькьрьн сәр ԝан кʹәрәма кӧ һун дьстиньн, чьмки аза бунә жь һинкьрьнед ԛәлп. Иса гот: «Һуне рʹастийе нас кьн у рʹастийе ԝә аза кә» (Йуһʹн. 8:32). Әм чьԛас бәхтәԝар ьн, кӧ азайа мәйә ӧса һәйә!

15. Әм дькарьн ахьрийеда кʹижан азайи у кʹәрәма бьстиньн?

¹⁵ Ле азайа мәзьн һе пешийа мә йә. Зутьрәке, Иса ԝе ԛьрʹа рʹелигийа ԛәлп у сәрԝертийед мәрьвайә хьраб бинә. Хԝәде ԝе «әʹлаләтәкә мәзьн» кӧ жерʹа хьзмәт дькә, хьлаз кә, у паше әԝана ԝе щьнәтеда сәр әʹрде кʹәрәмарʹа ша бьн (Әʹйан. 7:9, 14). Гәләк мәрьв ԝе жь  мьрьне рʹабьн у ԝе мәщала ԝан һәбә аза бьн жь һʹәму зийанед кӧ жь гӧне Адәм пешда һатьнә (Кʹар. Шанд. 24:15).

16. Кʹижан азайа мәзьн һивийа инсанәте йә?

¹⁶ Ԝәʹде Һʹәзарсалийа Сәрԝертийе, Иса у йед кӧ тʹәви ԝи сәрԝертийе бькьн, ԝе али инсанәте бькьн кӧ ԛазанщ кьн сьһʹәт-ԛәԝата бекемаси у һәләԛәтийа беԛьсур тʹәви Хԝәде. Әԝ гӧһастьн у азайи ԝе мина Йубила Исраеле бә. Һʹәмуйед сәр әʹрде кӧ бь амьни Хԝәдерʹа хьзмәт дькьн, ԝе бьбьнә беԛьсур, у жь гӧнә аза бьн.

17. Ишайа 65:21-23 дәрһәԛа щьмәʹта Хԝәде чь пʹехәмбәрти кьрийә? (Бьньһерʹә шькле рʹуйе журнале.)

¹⁷ Ахьрийеда жийина сәр әʹрде ԝе ӧса бә, ча Ишайа 65:21-23-да (Бьхунә.) һатийә пʹехәмбәртикьрьне. Ле әме ԝедәре бешьхӧл нибьн. Кʹьтеба Пироз әʹйан дькә, ԝәки ԝи чахи щьмәʹта Хԝәде ԝе шьхӧләки керһати бькә, кʹижан кӧ ԝе шабуне бинә. Хьлазийа Һʹәзарсалийе, әм дькарьн ида дӧдьли нәбьн, кӧ «әʹфьрине хԝәха жи жь ԝе хӧламтийа пʹучʹ аза бьн у тʹәви азайи у рʹумәта зарʹед Хԝәде бьн» (Рʹом. 8:21).

18. Чьрʹа әм дькарьн дӧдьли нәбьн, ԝәки ахьрикә баш һивийа мә йә?

¹⁸ Чаԝа кӧ Йаһоԝа ӧса организә кьр, ԝәки ԝәʹде Исраелийа һәбә һьн бона хәбате у һьн жи бона һесабуне, әԝ ԝе ӧса жи ԝәʹде Һʹәзарсалийа Сәрԝертийа Мәсиһ ӧса бькә. Ԝедәре ԝе ԝәʹде мә һәбә, ԝәки шьхӧлед рʹӧһʹани жи бькьн. Сәва әм иро бәхтәԝар бьн, әм гәрәке Хԝәде бьһәбиньн, у дьнйа тʹәзәда жи ԝе ӧса бә. Бәле, һʹәму мәрьвед амьн ԝәʹде Һʹәзарсалийа Сәрԝертийа Мәсиһ ԝе әʹмьре хԝәрʹа ша бьн, чьмки гьшк ԝе Йаһоԝа бьһʹәбиньн у шьхӧлед баш бькьн.