Һун дькарьн щаба ԝан пьрса бьдьн сәр һʹиме «Бьрща Ԛәрәԝьлийе» 2019?

Чь те һʹәсабе әԝ созе Хԝәде: «Ԛәт чʹәкед кӧ ль дьжи [мьԛабьли] тә һатьнә чекьрьн, ԝе жь тӧ кʹарирʹа нәбә»? (Иша. 54:17)

Әм дькарьн итʹбарийа хԝә Хԝәде биньн, ԝәки әԝ мә хԝәй кә чахе ордийед ԛәԝи кӧ мина «һьлма зордар» ьн, ԝе пәй мә кʹәвьн (Иша. 25:4, 5, ДТ). Дьжмьнед мә ԝе нькарьбьн зийанәкә ӧса бьдьнә мә, кӧ әм әʹмьре һʹәта-һʹәтайе нәстиньн (ԝ19.01, рʹупʹ. 6-7).

Ча ньһерʹандьна Хԝәде һьндава Кәнанийа у Исраелийед сәрһʹьшк, һәԛийа ԝи нишан дькә?

Хԝәде диԝана ԝан дькьр, йед кӧ кьред бенамусийә һʹәрам дькьрьн у жьн у зарʹа ԛӧрбан дькьрьн. Ле мәрьвед кӧ гӧрʹа ԝида бун у һьндава мәрьвада һәԛ бун, Хԝәде кʹәрәм дькьр (ԝ19.02, рʹупʹ. 22-23).

Әм чь гәрәке бькьн, һәрге мәрьве нәбаԝәр бәр мә дӧа дькә?

Әм дькарьн хԝә кәрʹ кьн у бь ԛәдьр бьн, ле нәбежьн «амин», йан жи бь ԛәйдед ԝан дәстед һәв нәгьрьн. Әм дькарьн дьле хԝәда хԝәрʹа дӧа бькьн (ԝ19.03, рʹупʹ. 31).

Зорбәтийа һьндава зарʹа чьԛас мәзьн ә?

Зорбәтийа һьндава зарʹа гӧнә йә бәр зарʹе, щьвате, сәрԝеред дәԝләте у Хԝәде. Ԝан щийада кʹидәре ԛанун дәʹԝа дькә, ԝәки әʹлам кьн дәрһәԛа зорбәтийе, рʹуспи гӧрʹа ве ԛануне дькьн (ԝ19.05, рʹупʹ. 9-10).

Чаԝа һун дькарьн һʹьш-аԛьле хԝә бьгӧһезьн?

Гавед сәрәкә әԝ ьн: Тʹәви Йаһоԝа дӧада хәбәр дьн. Чахе Кʹьтеба Пироз дьхуньн, пе ве нете бьфькьрьн, кӧ хԝә бьщерʹьбиньн. Бь билани һәвала хԝәрʹа бьжберьн (ԝ19.06, рʹупʹ. 11).

Әм чь дькарьн бькьн, сәва хԝә бона зерʹандьна һазьр кьн?

Әм гәрәке һәләԛәтийа хԝә тʹәви Йаһоԝа ԛәԝи кьн. Баԝәр кьн, кӧ әԝ мә һʹьз дькә у тʹӧ щар ԝе мә нәһелә. Һәр рʹож Кʹьтеба Пироз бьхуньн, у һәр гав дӧа бькьн. Дӧдьли нәбьн, ԝәки созед дәрһәԛа Пʹадшатийе, ԝе әʹсә бенә сери. Рʹезед жь Кʹьтеба Пироз у кʹьламед рʹӧһʹани әзбәри һин бьн (ԝ19.07, рʹупʹ. 2-4).

Әм чь дькарьн бькьн сәва мәрьвед мәйи незик хьлаз бьн?

Гәләк фәрз ә ԝәки әм дьлшәԝат бьн, пе рʹабун-рʹуньштьна хԝәйә баш шәʹдәтийе бьдьн, у һьндава ԝанда бь сәбьр у мәʹрифәт бьн (ԝ19.08, рʹупʹ. 15-17).

Ль гора созе Иса жь Мәтта 11:28, әм ча гәш дьбьн?

Сәркʹаред мә һәнә, йед кӧ мә һʹьз дькьн, һәвалхәбаткʹаред мә йед лапи баш ьн, у әм шьхӧле лапи баш дькьн (ԝ19.09, рʹупʹ. 23).

Чаԝа Хԝәде дькарә һьн хԝәстьне у һьн жи ԛәԝате бьдә мә, кӧ ԛьрара ԝи биньн сери? (Фили. 2:13)

Чахе әм Хәбәра Хԝәде дьхуньн у сәр дьфькьрьн, Хԝәде дькарә мә һелан кә кӧ хԝәстьне у ԛәԝате бьдә мә, ԝәки ԛьрара ԝи биньн сери. Рʹӧһʹе ԝийи пироз фәрәсәтед мә һе баш дькә (ԝ19.10, рʹупʹ. 21).

Пешийа сафикьрьна фәрз, әм гәрәке кʹижан гавед билани бавежьн?

Пенщ гав әԝ ьн: Рʹьнд леколина бькьн. Дӧа бькьн, ԝәки Хԝәде биланийе бьдә ԝә. Мәʹнийа сафикьрьна хԝә бьщерʹьбиньн. Нетед конкрет дайньн пешийа хԝә. Бь реали бьньһерʹьн сәр дәрәща хԝә (ԝ19.11, рʹупʹ. 27-29).

Гәло баԝәрийа ԛәлп дәрһәԛа рʹӧһʹе нәмьри, һьнге жь Шәйтʹан һат, чахе әԝи тʹәви Һеԝайе хәбәр да?

Те кʹьфше на. Шәйтʹан нәготә Һеԝайе, ԝәки әԝ ԝе бьмьрә, ле рʹӧһʹе ԝе щики бьжи. Һʹәму баԝәрийед ԛәлп ԝәʹде Селаве кʹӧта бун. Ләма ча  те кʹьфше баԝәри һьндава рʹӧһʹе нәмьри, бәла бу пешийа кӧ Хԝәде мәрьв бәла кьра, гава ԝана дьхԝәст Бабиледа бьрще ава кьн (ԝ19.12, рʹупʹ. 15).