Дәрәща кӧ Ԛануна Дӧщари 22:25-27-да ньвисар ә, набежә, ԝәки гӧне мер гәрәке бьһата избаткьрьне, чьмки әԝ ида нәһәԛ дьһатә һʹәсабе. Әԝ ԛанун бона ԛиза нәгӧнәкʹар бу. Дина хԝә бьдьн контексте.

Рʹезед пешийа веда, те готьне дәрһәԛа мере кӧ «бажерда» ԛизькәкә нишанкьрирʹа сәре хԝә дани. Ве дәрәщеда әԝ мер зьнийеда дьһатә нәһәԛкьрьне, чьмки ԛизька нишанкьри ида меркьри дьһатә һʹәсабе. Ле дәрһәԛа ԛизе те готьне, ԝәки әԝ «бажерда буйә ле нәкьрийә һәԝар-гази». Һәрге әԝе бькьра һәԝар-гази, бажерда ԝе әʹсә кәсәки бьбьһиста ԛаринийа ԝе у әԝ хԝәй кьра. Ле әԝе нәкьрийә һәԝар-гази. Ләма әԝ жи ԛавийеда нәһәԛ бу, демәк һәрдӧ жи гӧнәкʹар бун (Ԛан. Дщр. 22:23, 24).

Ԛанунеда паше дәрһәԛа дәрәщәкә майин те готьне: «Ле һәгәр чоле мәрьвәк рʹасти ԛиза нишанкьри бе, ԝе бьгьрә у сәре хԝә ԝерʹа дайнә, бьра тʹәне әԝ мәрьве кӧ тʹәви ԝе сәре хԝә данийә бьмьрә. Ле дәст нәдә ԛизе, гӧне һежайи мьрьне ль сәр ԛизе тʹӧнәйә. Әв мина ԝе йәке йә гава йәк бьгьһижә ль сәр йәки дьн у бькӧжә. Чьмки әԝ чоле рʹасти ԝе һатийә, ԛиза нишанкьри кьрийә һәԝар-гази ле тʹӧ кәс ль ԝьр тʹӧнәбуйә кӧ ԝе хьлаз кә» (Ԛан. Дщр. 22:25-27).

Ве дәрәщеда һʹакьма баԝәрийа хԝә ԛизьке дьанин. Чьрʹа? Һʹакьм дьфькьрин, ԝәки әԝе «кьрийә һәԝар-гази ле тʹӧ кәс ль ԝьр тʹӧнәбуйә кӧ ԝе хьлаз кә». Ләма әԝ бенамусийеда нәдьһатә нәһәԛкьрьне. Ле мер хьрабкьрьнеда у ԛавийеда нәһәԛ бу, чьмки әԝи ԛизька нишанкьри гьрт у сәре хԝә ԝерʹа дани.

Демәк, әв ԛанун дәрһәԛа ԛизька нәнәһәԛ бу, ләма жи ве дәрәщеда мер дьһатә нәһәԛкьрьне бона хьрабкьрьне у зьнекʹарийе. Әм дькарьн дӧдьли нәбьн, ԝәки һʹакьма әв дәрәщә әʹнәнә дькьрьн у рʹьнд леколин дькьрьн, у ль гора ԛанун у принсипед Хԝәде сафи дькьрьн, кӧ Әԝи гәләк щара зәлал дьԝәкʹьланд (Ԛан. Дщр. 13:14; 17:4; Дәркʹ. 20:14).