ЩАРА әре. Дина хԝә бьдьн мәсәләке. Ԛануна Дӧщари 24:14, 15-да те готьне: «Һәгәр тӧ кʹәсиб-кʹусибе жь бьрайед хԝә, йан хәрибе ль нава әʹрд у бажаре хԝәда кʹьре ки, ԝи нәешини. . . . Нәбә ԝәки әԝ һәԝара хԝә Хӧдан бинә бона тә у гӧнә ль сәр тә бә».

Ԛәԝьмадьнәк һәбу кӧ һатийә ньвисаре сәр кӧдӧре жь щер ԛьрʹна һʹәфтада Б.Д.М., кʹижан кӧ дьбәкә бь хԝәстьна хәбатчики һатийә ньвисаре. Әԝ кӧдӧр һатьбу дитьне незики шәһәре Ашдод. Ча те кʹьфше шәрʹ авитьнә ԝи хәбатчи, йанчь әԝи гәньм һаԛас нәани чьԛас лазьм бу у ләма әԝи сәрԝеррʹа ньвиси: «Чахе хӧламе тә [хәбатчийе кӧ газьне хԝә дькә] чәнд рʹож пешда тʹопкьрьна гәньме хьлаз кьр, Һошәйашу кӧрʹе Шобай һат у кʹьнща мьн һьлда. . . . Һʹәму һәвалхәбатчийед мьн, йед кӧ тʹәви мьн ԛьжә-ԛьжа гәрмеда гәньме тʹоп дькьрьн, ԝе избат кьн . . . кӧ әз рʹаст дьбежьм. Әз нәһәԛ ниньм. . . . Әз жь тә сәрԝер, аликʹарийе дьхԝазьм сәва тӧ али хӧламе хԝә бьки, ԝәки әԝ һәма жь дьлшәԝатийе бьра кʹьнща мьн пашда вәгәрʹинә. Тӧ гәрәке хԝә кәрʹ нәки, чьмки хӧламе тә бе кʹьнщ майә».

Тʹәрихзан бь наве Симон Шама, дьбежә кӧ «әв газьн дьдә кʹьфше нә кӧ тʹәне ве йәке кӧ хәбатчи дьхԝәст кʹьнща хԝә вәгәрʹинә, ле әԝ ӧса жи әʹйан дькә ԝәки әԝи заньбу дәрһәԛа ԛануна Кʹьтеба Пироз. Илаһи әԝи заньбу тʹәмийед жь Ԛануна Кʹаһинтийе у жь Ԛануна Дӧщари, кʹижан кӧ ԛәдәхә дькьн ԝәки һьндава мәрьве кʹәсиб берʹәʹм бьн».