Ԝә рʹьнд дина хԝә да готаред жь Бьрща Ԛәрәԝьлийе йед ве сале? Хԝә бьщерʹьбиньн, һәла һуне бькарьбьн щабед ван пьрса бьдьн:

Йаһоԝа чь мәсәлә һиштийә, кӧ һьндава жьнада чаԝа бьн?

Әԝ фьрԛийе накә ортʹа жьн у мерада. Хԝәде гӧһ дьдә жьна, һәстед ԝан һьлдьдә һʹәсаб у бона ԝан хәм дькә. Ӧса жи әԝ итʹбарийа хԝә ԝан тинә у шьхӧле хԝә тʹәсмили ԝан дькә (w24.01, рʹупʹ. 15-16).

Әм ча дькарьн ль гора ве ширәте һәрәкʹәт бькьн, йа кӧ Әфәси 5:7-да һатийә ньвисаре: «Һун тʹәви йед ӧса нәбьн»?

Паԝлосе шанди гот, ԝәки әм гәрәке тʹәви кәсед кӧ дькарьн бьбьнә сәбәб, ԝәки әм ԛанунед Йаһоԝа пʹепәс кьн, һәвалтийе нәкьн. Хенщи ԝан мәрьва, йед кӧ әм рʹу бь рʹу дьвиньн, әм гәрәке тʹәви кәсед кӧ әм бь сайа малпәред сосйал хәбәр дьдьн жи фәсал бьн (w24.03, рʹупʹ. 22-23).

Гәрәке әм хԝә жь чь щурʹә сәрһатийед дәрәԝ бьпʹарезьн?

Дьбәкә һәвалед мә бь нетәкә баш һьнә сәрһатийед нәизбаткьри мәрʹа бьшиньн. Йан жи, дьбәкә мәрьвед кӧ әм нас накьн мәрʹа емаила бьшиньн. Щарна кәсед кӧ бәре Шәʹдед Йаһоԝа бун, ле бунә рʹабәр, дькарьн хԝә ӧса бьдьнә кʹьфш кӧ те бежи әԝана дьхԝазьн дәрһәԛа рʹастийе һе зедә пебьһʹәсьн (w24.04, рʹупʹ. 12).

Дәрһәԛа диԝана Йаһоԝа һьндава Сьлеман Пʹадша у мәрьвед кӧ Тофанеда у Содом у Гоморайеда мьрьбун, әм чь заньн у чь ньзаньн?

Әм ньзаньн Йаһоԝа дәрһәԛа ԝан чь сафи кьрийә, әԝана ԝе жь мьрьне рʹабьн, йан на. Ле әм заньн кӧ әԝ һәр тьшти занә у рʹәʹма ԝи гәләк мәзьн ә (w24.05, рʹупʹ. 3-4).

Әԝ йәк кӧ Хԝәде «Ԛәйа йә», мә чьда дьдә баԝәркьрьне? (Ԛануна Дӧщари 32:4)

Йаһоԝа сьтʹара мә йә, әԝ бь итʹбар ә, у әԝ созед хԝә тʹьме тинә сери. Ӧса жи әԝ тʹӧ щар найе гӧһастьне, демәк һʹӧнӧр у нетед ԝи жи (w24.06, рʹупʹ. 26-28).

Тӧ ча дькари һини щьватәкә тʹәзә би?

Хԝә бьсперә Йаһоԝа. Чаԝа кӧ әԝи ԝәʹде бәре али хьзмәткʹаред хԝә дькьр, әԝе али тә жи бькә. Щьвата хԝәйә тʹәзә бәрамбәри щьвата бәре нәкә. Щьвата тʹәзәда хирәт бә у хԝәрʹа һәвалед тʹәзә бьвинә (w24.07, рʹупʹ. 26-28).

Әм дькарьн чь һин бьн жь се мәсәлед кӧ Мәтта сәре 25-да һатьнә ньвисаре?

Мәсәла пәз у бьзьна нишан дькә кӧ гәрәке әм Йаһоԝарʹа амьн бьминьн. Мәсәла ԛизед сәрԝахт у бефәʹм нишан дькә, кӧ гәрәке әм һазьр у һʹьшйар бьминьн. У мәсәла тәланта нишан дькә, кӧ гәрәке әм хирәт у сәрхԝә бьн (w24.09, рʹупʹ. 20-24).

Гәло бьльндайа әйԝана пʹарьстгәһа Сьлеман чьԛас бу?

Мәсәлә 2 Дирок 3:4-да, һьнә дәстньвисаред кәвьн дьбежьн кӧ бьльндайа әйԝане «120 әʹнишк» бу, демәк ԝәкә 53 метр. Ле һьнә дәстньвисаред дьн дьбежьн, кӧ бьльндайа ԝи «20 әʹнишк бу», демәк ԝәкә 9 метр. Ԛальмайа диԝаред пʹарьстгәһе дьдә кʹьфше, кӧ әʹламәтийа дӧда рʹаст ә (w24.10, рʹупʹ. 31).

Чь те һʹәсабе кӧ бәрдәстийе щьвате «гәрәке мере жьнәке бә»? (1 Тимотʹейо 3:12)

Әԝ гьли те һʹәсабе кӧ гәрәке әԝ тʹәне жьнәке бьстинә у гәрәке әԝ зьнекʹарийе нәкә. Ӧса жи әԝ гәрәке бь щурʹәки нәщайиз жьнед дьн нәньһерʹә (w24.11, рʹупʹ. 19).

Әм жь кʹӧ заньн ԝәки Йуһʹәнна 6:53 набежә кӧ ԝәʹде Шива Хӧдан чь гәрәке бьһата кьрьне?

Ль гора Йуһʹәнна 6:53, лазьм ә кӧ мәрьв бәдәна Иса бьхԝә у хуна ԝи вәхԝә. Иса әв йәк сала 32 Д.М.-да ль Щәлиле готьбу. Гӧһдаред ԝи Щьһу бун у ԝана һе баԝәрийа хԝә ԝи нәанибу. Ле Шива Хӧдан саләк шунда ль Оршәлиме щара пешьн һатә дәрбазкьрьне. Ԝедәре Иса тʹәне тʹәви кәсед кӧ ԝе тʹәви ԝи ль әʹзмана сәрԝертийе бькьн, хәбәр да (w24.12, рʹупʹ. 10-11).