Гәло тӧ дьхԝази жь лекʹолина шәхси һе зедә кʹаре бьстини? Һәрге әре, дина хԝә бьдә ԝан чәнд ширәта:

• Щики баш бьжберә. Һәрге дәст дьдә, щики ӧса бона лекʹолина шәхси бьжберә, кʹидәре кӧ тʹәмьз, рʹьһʹәт у рʹонкайи йә. Мәсәлә, тӧ дькари бәр сьфьрәке рʹунейи у лекʹолине бьки, йан жи дәрва хԝәрʹа щики рʹьһʹәт бьвини.

• Щики хәԝлә бьвинә. Иса «рʹабу чу щики ӧса, кʹидәре тʹӧ кәс тʹӧнә бу у дәстпекьр дӧа бькә» (Маркос 1:35). Һәрге найе стандьне ԝәки тӧ тʹәне малда бьмини, ԝи чахи нәфәред малерʹа йан жи ԝанрʹа, тʹәви кʹе тӧ дьжийи, бежә кӧ чьчах тӧ дьхԝази лекʹолине дәрбаз ки, ԝәки әԝана тә әʹщьз нәкьн.

• Бьра дина тә нәчә сәр тʹӧ тьшти. Һәрге тӧ бь сайа телефоне йан жи планшете лекʹолин дьки, дәнге ве весинә йан жи режима тәйаре вехә. Һәрге ԝәʹде лекʹолине бькʹәвә бира тә, кӧ тӧ гәрәке шьхӧләки бьки, хԝәрʹа кʹьфш кә, ԝәки паше ве йәке бьки. Һәрге фькьред тә дьчьн сәр тьштәки дьн, һьнәк һәрʹә-ԝәрә.