Бьһе: Ль гора фәрһәнгәке, хәбәра Йунани ньвисар ә 2 Корьнтʹи 1:22-да, кʹижан кӧ һатийә ԝәлгәрʹандьне ча «бьһе», әԝ «термина ԛануни у комерси» бу. Әԝ термин дьһатә һʹәсабе «дайина әʹԝльн, дайина пʹарәкә жь һәԛ, йан пешдайин». Демәк, чахе мәрьв пешда пʹарәкә жь һәԛ дьдә сәва пәймана гьредайи ԛануни кә, у сәва пәйман бькʹәвә ԛәԝате. Дәрһәԛа рʹункьрийа жи 2 Корьнтʹи 5:1-5-да те готьне, кӧ әԝана ԝе һәԛе хԝәйи тʹәмам, демәк хәлата хԝә бьстиньн, чахе ԝанрʹа бәдәна рʹӧһʹани бе дайине. Хәлата ԝан ӧса жи әԝ ә кӧ әԝана ԝе жийина һʹәтаһʹәтайе бьстиньн (1 Корн. 15:48-54).

Зьмане Йунанийә модернда гьли кӧ незики гьлийе бьһе йә, те хәбьтандьне ча гӧстила нишани. Әԝ гьли рʹьнд әʹйан дькә рʹункьрийа, демәк йед кӧ ԝе бь симболик бьбьнә пʹара жьна Мәсиһ (2 Корн. 11:2; Әʹйан. 21:2, 9).

Мор: Бәреда, мор дьһатә хәбьтандьне чаԝа ԛол, сәва һәбука шәхси, ԛайилбуне, йан пәймане избат кьн. Рʹункьри бь симболик һатьнә «моркьрьне» бь рʹӧһʹе пироз, чаԝа һәбуна Хԝәде (Әфәс. 1:13, 14). Әԝ мор йа хьлазийе нинә, чьмки мора хьлазийе әԝана ԝе бьстиньн тʹәне пешийа мьрьне, һәрге амьн бьминьн, йан һьнәки пешийа дәстпебуна тәнгасийа мәзьн (Әфәс. 4:30; Әʹйан. 7:2-4).