1, 2. а) Шьровәкьн кӧ чьрʹа ньхӧмандьн гавәкә фәрз ә. б) Әԝе кӧ дьхԝазә бе ньхӧмандьне, чьда гәрәке баԝәр бә, у чьрʹа?

ҺӘРГЕ тӧ щаһьл и, у дьхԝази бейи ньхӧмандьне, әԝ те һʹәсабе кӧ ԛәдьрәки мәзьн һивийа тә йә. Чаԝа кӧ тʹема дьнда һатә готьне, ньхӧмандьн гавәкә гәләк фәрз ә. Чьмки әԝ те һʹәсабе кӧ тӧ хԝә тʹәсмили Йаһоԝа дьки, демәк ԝирʹа соз дьди кӧ тӧйе һʹәта-һʹәтайе ԝирʹа хьзмәт ки. Һьн жи, тӧ соз дьди кӧ тӧйе жийина хԝәда жь һʹәму тьшти ԛьрара ԝи дайни щийе пешийе. Фәʹмдари йә, кӧ тӧ гәрәке бейи ньхӧмандьне, чахе епʹещә гьһишти йи кӧ әԝе сафикьрьне бьки. Хенщи ве йәке, әԝ гәрәке хԝәстьна тәйә шәхси бә, у тӧ гәрәке фәʹм бьки чь те һʹәсабе тʹәсмилбуйин.

² Ле һәрге тӧ дӧдьли дьби кӧ һазьр и бейи ньхӧмандьне? Йан жи һәрге тӧ дьхԝази бейи ньхӧмандьне, ле де-баве тә дьбежьн кӧ һе зу йә, дьбәкә сәва кӧ тӧ һе щерʹьбанди би? Һәрдӧ дәрәщада жи, бәрхԝә нәкʹәвә. Дәԝсе, әԝи ԝәʹдәйи чаԝа мәщал бьдә хәбате, сәва кӧ һе пешда һәрʹи, у зутьрәке бькарьби бейи ньхӧмандьне. Тӧ дькари нете дайни пешийа хԝә кӧ пешда һәрʹи ԝан тьштада: 1) баԝәрийа хԝәда, 2) кьред хԝәда, у 3) рʹазибунеда.

3, 4. Щаһьл чь дькарьн һин бьн жь Тимотʹейо?

³ Бьфькьрә һәла тӧйе ча щаба хԝә бьди сәр ԝан пьрса: Чьрʹа әз баԝәр дькьм кӧ Хԝәде һәйә? Чь мьн дьдә баԝәркьрьне кӧ Кʹьтеба Пироз Хәбәра Хԝәде йә? Чьрʹа әз дьфькьрьм кӧ бьжим пе принсипед Хԝәде һе кʹар ә, нә кӧ бьжим бь ԝи щурʹәйи чаԝа әв дьнйа дьжи? Әԝ пьрс нә бона ве йәке нә, кӧ тӧ хԝәда дӧдьли би. Дәԝсе, әԝ пьрс дькарьн али тә бькьн кӧ пәй ве ширәта Паԝлос һәрʹи: «Избат бьн чь йә ԛьрара Хԝәде, кӧ ԛәнщи, хԝәши у кʹамьли йә» (Рʹом. 12:2, ДТʹ). Ле чьрʹа гәрәке тӧ избат би ве йәкеда?

⁴ Ԝәрә әм шеԝьр кьн мәсәла Тимотʹейо. Тимотʹейо Ньвисар рʹьнд заньбу. Әԝ «жь зарʹотийе» жь дийа хԝә у пирька хԝә һатә һинкьрьне. Ле йәкә Паԝлос ԝи ширәт кьр у готә ԝи: «Нава ԝан тьштада бьминә, чь кӧ һин буйи у чьда избат буйи» (2 Тимтʹ. 3:14, 15, ДТʹ). Тимотʹейо хԝәха «избат» бу кӧ рʹасти дитийә. Әԝи рʹасти ԛәбул кьр нә жь бо ве йәке, чьмки дийа ԝи у пирька ԝи ԝирʹа готьн кӧ ԛәбул кә, ле әԝ дьфькьри сәр ԝан тьшта чь кӧ педьһʹәсийа у ԝан тьштада избат дьбу. (Бьхунә Рʹомайи 12:1, ДТʹ.) *

5, 6. Чьрʹа фәрз ә кӧ тӧ щаһьлтийеда һин би бьфькьри?

⁵ Дьбәкә тӧ ида гәләк ԝәхт рʹастийед Кʹьтеба Пироз зани. Һәрге ӧса йә, ԝе керһати бә кӧ тӧ хԝәрʹа нете дайни, ԝәки һе кʹур леколин бьки кӧ чь мәʹни һәнә ԝәки тӧ рʹастийед Кʹьтеба Пироз баԝәр дьки. Чахе тӧ ӧса бьки, тӧйе һе баԝәрийа хԝә ԛәԝи ки. Хенщи ве йәке, әԝ йәк ԝе али тә бькә кӧ нәкʹәви бәр байе щаһьлед ве дьнйайе, ӧса жи пропаганда ве дьнйайе, йан жи һәстед хԝәйә шәхси.

⁶ Чахе тӧ щаһьлтийеда һин би кӧ бьфькьри, те һазьр би кӧ щабед хԝә бь аԛьлайи бьди сәр пьрсед щаһьлед дьнена, мәсәлә сәр ԝан пьрса: «Тӧ чьрʹа баԝәри кӧ Хԝәде һәйә? Чьрʹа Хԝәдейе һʹьзкьрьн дьһелә кӧ зӧлми һәбә? Ча дькарә ӧса бә кӧ Хԝәде тʹьме һәбуйә?» Чахе тӧ һазьр и, пьрсед ӧса ԝе нә кӧ баԝәрийа тә сьст кьн, ле тӧйе һелан би һе зедә леколинкьрьна шәхси бьки.

7-9. Гьли кьн кӧ чаԝа рʹебәри бона леколинкьрьне «Чь Һин Дькә Кʹьтеба Пироз?» йа онлайн, дькарә али ԝә бькә кӧ баԝәрийа хԝәда ԛәԝи бьн.

⁷ Һәрге тӧ кʹур һинбуна хԝәйә шәхси бьки, әԝ йәк ԝе али тә бькә, кӧ щаба хԝә бьди сәр пьрса, һʹәму шькед дьле хԝәда кʹӧта ки, у баԝәрийа хԝә ԛәԝи ки (Кʹар. Шанд. 17:11). Гәләк әʹдәбйәтед мә һәнә, кʹижан кӧ дькарьн ве йәкеда али тә бькьн. Гәләкарʹа керһати бу кӧ леколин бькьн әʹдәбйәтед кӧ шьровәдькьн дәрһәԛа Әʹфьрандар у әʹфринед ԝи. Хенщи ве йәке, гәләк щаһьла хԝәш те у кʹар стандьнә жь дәрхьстьна онлайн «Чь Һин Дькә Кʹьтеба Пироз?» Әԝ рʹебәрийа леколинкьрьне дькарьн сәр jԝ.org. бьвиньн. Бьньһерʹьн ҺИНКЬРЬНЕД КʹЬТЕБА ПИРОЗ > ЩАҺЬЛ. Әԝ рʹебәри бона леколинкьрьне һатә чекьрьне, сәва ԛәԝи кә баԝәрийа ԝә һьндава һинкьрьнед Кʹьтеба Пироз.

⁸ Тӧ ида зани Кʹьтеба Пироз, у ләма дьбәкә тӧ дәрберʹа щаба хԝә бьди сәр һьнә пьрсед ве рʹебәрийа леколинкьрьне. Ле чьрʹа тӧ дь ԝан щабада сәд сәләфи баԝәр и? Әԝ рʹебәрийа леколинкьрьне тә һелан дькә, кӧ бьфькьри сәр щурʹә-щурʹә рʹезед Кʹьтеба Пироз у паше бьньвиси фькьред хԝә дәрһәԛа ԝан рʹеза. Әԝ йәк дькарә али тә бькә кӧ һазьр би, чаԝа шьровәки йед дьненарʹа кӧ тӧ чь баԝәр дьки. Әԝ дәрхьстьна онлайн «Чь Һин Дькә Кʹьтеба Пироз?» али гәләк щаһьла дькә, кӧ баԝәрийед хԝәда дӧдьли нәбьн.  Ԝе гәләк керһати бә кӧ әԝ рʹебәрийа леколинкьрьне һинбуна хԝәйә шәхсида жи бьди хәбате.

⁹ Чахе тӧ баԝәрийа хԝәда избат дьби, әԝ йәк дьбә гавәкә фәрз пешийа ньхӧмандьне. Хушкәкә щаһьл гот: «Пешийа кӧ мьн сафи кьр ԝәки бемә ньхӧмандьне, мьн Кʹьтеба Пироз леколин кьр у мьн дит кӧ әԝ рʹелигийа рʹаст ә. У ве йәкеда әз һәр рʹож жийина хԝәда һе ԛәԝи избат дьбьм».

10. Чьрʹа жь Мәсиһийе ньхӧманди те дәʹԝакьрьне кӧ баԝәрийа хԝә бь шьхӧла избат кә?

¹⁰ Кʹьтеба Пироз дьбежә: «Ӧса жи баԝәри, һәгәр кьред ԝе тʹӧнәбьн, бь тʹәне мьри йә» (Аԛуб 2:17). Һәрге тӧ баԝәрийа хԝәда ԛәԝи йи, фәʹмдари йә кӧ тӧйе әԝе йәке пе кьред хԝә бьди кʹьфше. Ле әԝ кьр кʹижан ьн? Кʹьтеба Пироз дьбежә дәрһәԛа «кьред пироз» у «амьнийе Хԝәдерʹа». (Бьхунә 2 Пәтрус 3:11, ДТʹ.) *

11. Шьровәкьн чь те һʹәсабе әв гьли: «кьред пироз».

¹¹ Сәва кӧ «кьред пироз» тʹьме бьки, тӧ гәрәке фькьред хԝәда у намусийеда тʹәмьз би. Ве йәкеда дәрһәԛа хԝә тӧ чь дькари бежи? Мәсәлә, бьфькьрә сәр шәш мәһед пашԝәхтийе. Тә ча дайә кʹьфше кӧ тӧ һин буйи рʹастийе у хьрабийе жь һәв дәрхи? (Ибрн. 5:14). Тӧ дькари дәрәщед ӧса бини бира хԝә, чахе тӧ нәкʹәти бәр байе щерʹьбандьнәке, йан жи бәр байе щаһьлед дьн? Рʹабун-рʹуньштьна тәйә мәкʹтәбеда әʹйан дькә баԝәрийа тә? Тӧ Йаһоԝарʹа амьн дьмини, йан дьхԝази бьби мина һәвалед хԝәйә дәрсхане, чьмки нахԝази кӧ әԝана ԛәрфа тә бькьн? (1 Пәт. 4:3, 4). Бәле, әм гьшк жи гӧнәкʹар ьн. У һәла һе әԝед кӧ гәләк сал Йаһоԝарʹа хьзмәт дькьн, дькарьн щара шәрм кьн бәр һʹәмуйа бежьн дәрһәԛа баԝәрийа хԝә. Ле йәкә, мәрьве кӧ хԝә тʹәсмили Йаһоԝа кьрийә, ԝе фьрнаԛ бә кӧ наве Хԝәде сәр ԝи йә, у әԝе йәке ԝе пе кьред хԝә бьдә кʹьфше.

12. Бь кʹижан шьхӧла тӧ дькари бьди кʹьфше «амьни Хԝәдерʹа», у тӧ ча гәрәке сәр ван шьхӧла бьньһерʹи?

¹² Чь те һʹәсабе «амьни Хԝәдерʹа»? Әԝ те һʹәсабе кʹаркьрьн щьватеда, мәсәлә чуйина сәр щьвине у бәлакьрьна мьзгине. Ӧса жи, әԝ те һʹәсабе тьштед рʹӧһʹани кӧ йед дьн нькарьн бьвиньн. Мәсәлә, дӧайед тә у һинбуна тәйә шәхси. Кәсе кӧ әʹмьре хԝә тʹәсмили Йаһоԝа кьрийә, тʹӧ щар ԝан тьшта ча баргьрани һʹәсаб нәкә. Дәԝсе, әԝе мина Даԝьд Пʹадша бьфькьрә, кʹижани кӧ гот: «Йа Хԝәдайе мьн, жь кьрьна хԝәстьна тә, әз зәԝԛә дьгьрьм» (Зәб. 40:8).

13, 14. Чь дькарә али тә бькә кӧ бь шьхӧла «амьнийе Хԝәдерʹа» бьди кʹьфше, у ча һьнә щаһьла жь ве йәке кʹар стандьнә?

¹³ Сәва кӧ бь шьхӧла «амьнийе Хԝәдерʹа» бьдьнә кʹьфше, ԝе керһати бә кӧ сәр һьнә пьрса бьфькьри. Мәсәлә: «Дӧайед тә чьԛас конкрет ьн? Әԝ дӧайед тә ча әʹйан дькьн һʹьзкьрьна тә һьндава Йаһоԝа? Чь дькʹәвә нава һинбуна тәйә шәхси? Тӧ бәрдәԝам дьки хьзмәт ки, һәрге жи де-баве тә хьзмәт накьн?» ^[1][7] Хԝәрʹа щабед пьрсед ԝан щурʹа бьньвисә. Чьмки әԝ йәк ԝе али тә бькә, кӧ хԝәрʹа нете дайни кӧ һе баш ки дӧайед хԝә, һинбуна хԝәйә шәхси, у бәлакьрьна мьзгине.

¹⁴ Гәләк щаһьлед кӧ дьхԝазьн бенә ньхӧмандьне, щабед пьрсед ԝи щурʹәйи хԝәрʹа ньвисинә, у кʹарәкә мәзьн стандьнә. Хушкәкә щаһьл Тилда гот, кӧ чахе әԝе щабед сәр ԝан пьрса хԝәрʹа дьньвиси, әве йәке али ԝе кьр кӧ нета дайнә пешийа хԝә. Әԝе нет пәй нета дьани сери, у саләке шунда ида һазьр бу  бона ньхӧмандьне. Бьраки Щаһьл Патрик жи жь ԝе йәке кʹар стандийә. Әԝ гьли дькә: «Рʹаст ә мьн ида заньбу кӧ нетед мьн чь нә, ле мьн әԝ нет ньвисин, у әԝе йәке әз һелан кьрьм, кӧ һʹәта мьн һәйә ԝан нета биньм сери».

 15. Шьровәкьн кӧ чьрʹа тʹәсмилкьрьн сафикьрьна шәхси йә.

¹⁵ Пьрсәкә лапә фәрз әԝ ә: «Тӧйе ԝи чахи жи хьзмәт ки Йаһоԝарʹа, һәрге де-баве тә йан һәвалед тә ида хьзмәт нәкьн?» Бира хԝәда хԝәй кә, чахе тӧ хԝә тʹәсмили Йаһоԝа ки у бейи ньхӧмандьне, ида те хԝәха бәр Хԝәде щаба хԝә бьди. У ләма хьзмәткьрьна тә Йаһоԝарʹа мәрьвед дьнва гьредайи нинә, нә жи жь де-баве тәва. Кьред тәйә пироз у амьни Хԝәдерʹа избат дькьн кӧ тә хԝәха рʹастийа Хԝәде ԛәбул кьрийә у дьхԝази пе принсипед ԝи бьжийи. У зутьрәке тӧйе бьгьһижи ньхӧмандьне.

16, 17. а) Чь гәрәке мәрьва һелан кә кӧ бьбә Мәсиһи? б) Рʹазибуна һьндава ԛӧрбане тʹәви чь дькарьн бәрамбәр кьн?

¹⁶ Мәрьвәки кӧ рʹьнд заньбу Ԛануна Муса, жь Иса пьрси: «‹Ԛанунеда кʹижан ә тʹәмийа һәрә мәзьн?› Иса готә ԝи: ‹Хӧдан Хԝәдейе хԝә һʹьз бькә бь тʹәмамийа дьле хԝә, бь тʹәмамийа щанийа хԝә у бь тʹәмамийа һʹьше хԝә›» (Мәт. 22:35-37). Бь ԝан гьлийа Иса да кʹьфше, кӧ һʹьзкьрьна һьндава Йаһоԝа гәрәке мә һелан кә кӧ бьбьнә Мәсиһи у бенә ньхӧмандьне. Тӧ дькари һʹьзкьрьна хԝә һьндава Йаһоԝа ԛәԝи ки, һәрге бьфькьри сәр пʹешкʹешәкә ԝийә мәзьн, демәк ԛӧрбана Кӧрʹе ԝи. (Бьхунә 2 Корьнтʹи 5:14, 15; 1 Йуһʹәнна 4:9, 19.) Чахе тӧ бьфькьри сәр ве ԛӧрбане у ӧса жи кӧ әԝ чь те һʹәсабе бона тә, тӧйе һелан би кӧ Хԝәдерʹа рʹазибуне бьди кʹьфше.

¹⁷ Рʹазибуна тә һьндава ве ԛӧрбане дькарә бәрамбәри ве мәсәле бә: Бьдә бәр чʹәʹве хԝә кӧ тӧ нӧԛи аве буйи у кәсәки тӧ хьлаз кьри. Паши ԝе йәке, гәло ԝе рʹаст бә кӧ тӧ һәрʹи мал, хԝә зьһа ки, у бир ки кӧ әԝи кәси бона тә чь кьр? Һьлбәт на! Тӧйе әʹсә хԝә дәйндaре ԝи һʹәсаб ки. Бь рʹастийе тӧ бь әʹмьре хԝә дәйндаре ԝийи! Ле әм һе зедә дәйндaре Йаһоԝа у Иса нә. Бейи ве ԛӧрбане, һәр кәс жь мә ԝе нӧԛи нава гӧнә у мьрьне буйа. Ле жь бо ве һʹьзкьрьна мәзьн, мәщәла мә һәйә кӧ һʹәта-һʹәтайе бьжин щьнәтеда сәр әʹрде!

18, 19. а) Чьрʹа һун гәрәке нәтьрсьн кӧ хԝә тʹәсмили Йаһоԝа кьн? б) Ча хьзмәткьрьна Йаһоԝарʹа жийина ԝә баш дькә?

¹⁸ Тӧ рʹази йи кӧ Йаһоԝа бона тә чь кьрийә? Һәрге әре, тӧйе һелан би кӧ  әʹмьре хԝә тʹәсмили Хԝәде бьки у бейи ньхӧмандьне. Ча ида һатә готьне, кӧ тʹәсмилбуйина тә ӧса жи әԝ ә, кӧ тӧ соз дьди Йаһоԝа кӧ чь жи бьԛәԝьмә, тӧйе ԛьрара ԝи бини сери һʹәта-һʹәтайе. Ле гәло лазьм ә бьтьрси кӧ тӧйе әԝи сози нькарьби бини сери? На! Бира хԝәда хԝәй кә, ԝәки Йаһоԝа тәрʹа ԛәнщийе дьхԝазә, у әԝ «ԝе ԝан хәлат кә, кʹижан кӧ ль ԝи дьгәрʹьн» (Ибрн. 11:6). Тʹәсмилбуйин у ньхӧмандьн жийина тә ԝе нә кӧ чәтьн кә, ле дәԝсе тӧйе бәхтәԝар би у хԝәйкьри би. Бьраки щаһьл кӧ 24 сали йә, һатә ньхӧмандьне чахе һе 13 сали нибу, дьбежә: «Һәрге әз мәзьн бума у паше бьһатама ньхӧмандьне, дьбәкә занәбуна мьн һе гәләк буйа, ле чьмки мьн сафи кьр ԝәʹде щаһьлтийе хԝә тʹәсмили Йаһоԝа кьм, бь ԝе йәке мьн хԝә жь хԝәстьн у нетед ве дьнйайе хԝәй кьр».

¹⁹ Бь рʹастийе ча Йаһоԝа жь Шәйтʹан щӧдә дьбә. Шәйтʹан дәрһәԛа ԝә ԛә хәм накә! Һәрге һун пәй ԝи һәрʹьн, әԝ нькарә ԝә хәлат кә йан тьштед баш бьдә ԝә. Әԝ ԝе ча бькарьбә ԝан тьшта бьдә, чь кӧ бал ԝи тʹӧнә? Нә мьзгина баш щәм ԝи һәйә, нә жи ахьрийа баш. Әԝ тʹәне ахьрийа хьраб дькарә бьдә, кʹижан кӧ һивийа ԝи йә! (Әʹйан. 20:10).

20. Щаһьл пешийа тʹәсмилбуйине у ньхӧмандьне чь дькарьн бькьн сәва кӧ һе пешда һәрʹьн? (Бьньһерʹә чаргошә « Сәва кӧ Рʹӧһʹанида Мәзьн би ԝе Тәрʹа Бьбә Аликʹари.»)

²⁰ Әʹйан ә, кӧ хԝә тʹәсмили Йаһоԝа кьн сафикьрьна рʹаст ә. Ле тӧ һазьр и әве гаве бавежи? Һәрге әре, паш нәхә. Алики дьнва жи, һәрге тәрʹа лазьм ә һе зедә ԝәʹдә, ширәтед ве тʹемайе бьдә хәбате сәва кӧ һе пешда һәрʹи. Паԝлос Филипийарʹа ньвиси: «Әм гьһиштьнә чь дәрәще, анәгори ԝе йәке бьжин» (Фили. 3:16). Һәрге тӧ пәй ԝан ширәта һәрʹи, зутьрәке тӧйе бьхԝази хԝә тʹәсмили Йаһоԝа ки у бейи ньхӧмандьне.