Ԝә рʹьнд дина хԝә да готаред жь Бьрща Ԛәрәԝьлийе йед ве сале? Хԝә бьщерʹьбиньн, һәла һуне бькарьбьн щабед ван пьрса бьдьн:

Әм чаԝа дькарьн «һʹьш-аԛьле хԝә ну кьн»? (Рʹомайи 12:2)

«Һʹьш-аԛьле хԝә ну кьн», нә тʹәне те һʹәсабе ԝәки әм жийина хԝәда кьред ԛәнщ бькьн, ле ӧса жи әм гәрәке бенә гӧһастьне, ԝәки чьԛас дькарьн ль гора принсипед Хԝәде бьжин (ԝ23.01, рʹупʹ. 8-9).

Әм чаԝа дькарьн сәр тьштед кӧ дьнйайеда дьԛәԝьмьн, ньһерʹандьна рʹаст хԝәй кьн?

Әм дьхԝазьн пебьһʹәсьн һәла тьштед кӧ ньһа дьнйайеда дьԛәԝьмьн, чаԝа нишан дькьн кӧ пʹехәмбәртийа жь Кʹьтеба Пироз те сери. Ле әм гәрәке фькьред хԝә дәрһәԛа ван ԛәԝьмандьна бәла нәкьн, һәрге әԝ фькьр сәр һʹиме әʹдәбйәтед мә ниньн, чьмки әм нахԝазьн бь гьлийед хԝә йәктийа щьвате хьраб кьн. Дьһа баш ә ԝәки готьнед мә сәр һʹиме ван әʹдәбйәта бьн, йед кӧ тʹәшкиләта Йаһоԝа нәшьр дькә (1 Корьнтʹи 1:10) (ԝ23.02, рʹупʹ. 16).

Ньхӧмандьна Иса чаԝа жь йа шагьртед ԝи щӧдә дьбу?

Һʹәԝщә нибу кӧ Иса жийина хԝә тʹәсмили Йаһоԝа кьра, чьмки әԝ нава мьләтәки ӧсада һатьбу буйине, кʹижан кӧ ида жийина хԝә тʹәсмили Йаһоԝа кьрьбу. Әԝ бе гӧнә бу, ләма жи һʹәԝщә нибу кӧ әԝ сәва гӧнед хԝә тʹобә кьра (ԝ23.03, рʹупʹ. 5).

Әм чаԝа дькарьн али кәсед дьн бькьн, кӧ әԝана щьватеда щаба хԝә бьдьн?

Һәрге щабед мә кьн бьн, әме мәщале бьдьнә кәсед дьн, ԝәки щаба хԝә бьдьн. Ӧса жи һәрге әм щарәкерʹа һʹәму фькьра нәбежьн, мәрьвед дьн жи ԝе бькарьбьн щаба хԝә бьдьн (ԝ23.04, рʹупʹ. 23).

Рʹийа Пироз, дәрһәԛа кʹижани Ишайа 35:8-да те готьне, чь те һʹәсабе?

Әв рʹийа симболик пешийе дәрһәԛа рʹийа Щьһуйа һатә готьне. Әв рʹе жь Бабилоне дьчу ԝәлате ԝан, Исраеле. Бь ԛьрʹна пешийа сала 1919-да, бона һазьркьрьна ве рʹе, шьхӧл дьһатьнә кьрьне, мәсәлә ԝәлгәрʹандьн у нәшьркьрьна Кʹьтеба Пироз. Чахе әм сәр ве рʹе дьмәшьн, әв йәк али мә дькә, ԝәки әм тʹьме Йаһоԝа бьһʹәбиньн у бьгьһижьнә ван кʹәрәма, йед кӧ Хԝәде ԝе бь сайа Пʹадшатийа хԝә бьдә мә (ԝ23.05, рʹупʹ. 15-19).

Мәтʹәлок сәре 9 бәʹса кʹижан дӧ жьнед симболик дькә, у әм чь дәрсе дькарьн хԝәрʹа һьлдьн?

Кʹьтеба Мәтʹәлок дьбежә, кӧ тʹәглифа жьнәкә «бефәʹм» дьбә бәрбь мьрьне, ле тʹәглифа жьнәкә «билан», дьбә бәрбь «рʹийа билантийе» у жийине (Мәтʹәлок 9:1, 6, 13, 18) (ԝ23.06, рʹупʹ. 22-24).

Хԝәде чаԝа мьлукти у сәрԝахтийа хԝә нишани Лут кьр?

Йаһоԝа Лутрʹа гот, ԝәки әԝ гәрәке жь Содоме бьрʹәвә һәремәкә чʹийайи. Ле Лут дәԝса кӧ һәрʹә чʹийе, жь Хԝәде һиви кьр ԝәки һәрʹә бажаре Соһаре. Хԝәде хԝәстьна Лут ԛәбул кьр (ԝ23.07, рʹупʹ. 21).

Һәрге мере тә порнографийайе дьньһерʹә, тӧ дькари чь бьки?

Хԝә сущдар нәкә. Дина хԝә бьдә достийа хԝә тʹәви Хԝәде. Кʹьтеба Пироз бәʹса сәрһатийед ван кʹӧлфәта дькә, дәрдед кʹижана гьран бу, у те готьне кӧ Хԝәде дьлбини дьда ԝан. Сәрһатийед ԝан бьхунә у сәр ԝан кʹур бьфькьрә. Али мере хԝә бькә кӧ әԝ хԝә жь дәрәщед хоф дур бьгьрә (ԝ23.08, рʹупʹ. 14-17).

Әм чаԝа дькарьн щаба ԝи мәрьви бьдьн, йе кӧ дьхԝазә баԝәрийа мә бькә бьн шьке?

Пьрса мәрьв әшкәрә дькә, кӧ әԝ чаԝа дьфькьрә, йан жи чь баԝәр дькә. Бь сайа пьрсед ԝи тӧйе бькарьби дәрһәԛа ньһерʹандьн у хәмед ԝи пебьһʹәси. У әԝ йәк ԝе али тә бькә, ԝәки бь нәрми рʹьнд щаба ԝи бьди (ԝ23.09, рʹупʹ. 17).

Әм дькарьн жь Мәрйәме чь һин бьн, сәва кӧ ԛәԝате бьстиньн?

Гава Мәрйәм пеһʹәсийа кӧ әԝе бьбә дийа Мәсиһ, әԝе бь сайа кәсед дьн ԛәԝат станд. Мәләк Щьбрайил у Елизабете, пе Ньвисаред Пироз дьле ԝе ԛәԝи кьрьн. Әм жи дькарьн жь хушк-бьра ԛәԝате бьстиньн (ԝ23.10, рʹупʹ. 15).

Йаһоԝа чаԝа щаба дӧайед мә дьдә?

Әԝ соз дьдә кӧ әԝе дӧайед мә бьбьһе у дина хԝә дьде, кӧ хԝәстьнед мә ча тʹәви ԛьрара ԝи гьредайи нә (Йерәмйа 29:12). Йаһоԝа дьбәкә щарна щаба хԝәстьнед мина һәв бь щурʹә-щурʹә метода бьдә, ле йәкә әԝе һәртʹьм али мә бькә (ԝ23.11, рʹупʹ. 21-22).

Рʹомайи 5:2 бәʹса «гӧмане» дькә, ле чьрʹа рʹеза 4-да әԝ диса бәʹса ве йәке дькә?

Кәсе кӧ гӧһ дьдә мьзгинийе, дьбә хԝәйе гӧмана жийина һәрһәйи йа сәр әʹрде. Ле гава әԝ рʹасти тәнгасийа те, сәбьр дькә у дьвинә кӧ Хԝәде жь ԝи рʹази йә, гӧмана ԝи һе ԛәԝи дьбә (ԝ23.12, рʹупʹ. 12-13).