Ԝә рʹьнд дина хԝә да готаред жь «Бьрща Ԛәрәԝьлийе» йед ве сале? Хԝә бьщерʹьбиньн, һәла һуне бькарьбьн щабед ван пьрса бьдьн:

Һәрге әм ԝәʹдә вәԛәтиньн, ԝәки тʹәви Йаһоԝа хәбәр дьн, гӧһ бьдьнә ԝи у дәрһәԛа ԝи бьфькьрьн, әме чь кʹаре бьстиньн?

Әме сафикьрьнед дьһа баш бькьн, бьбьнә дәрсдаред дьһа баш, баԝәрийа мә ԝе дьһа ԛәԝи бә, у әме Йаһоԝа һе зедә һʹьз бькьн (ԝ22.01, рʹупʹ. 30-31).

Чьма фәрз ә кӧ әм итʹбарийа хԝә Йаһоԝа биньн у ӧса жи ԝан бьра, йед кӧ әԝи кʹьфш кьрийә?

Гәрәке әм ньһада һин бьн кӧ итʹбарийа хԝә сафикьрьнед Йаһоԝа биньн у нәкʹәвьнә шьке һәла рʹебәрийа рʹуспийа рʹаст ә йан на. Ԝи щурʹәйи, ԝәʹде тәнгасийа мәзьн, һәрге һьнә рʹебәрийед әʹщеб бенә дайине йан нәлогики бенә кʹьфше жи, әме һазьр бьн гӧһ бьдьнә ԝан (ԝ22.02, рʹупʹ. 4-6).

Гәло мәләк чьма Зәкәрйа пʹехәмбәррʹа бәʹса «бәньке пиване» кьр? (Зәкәрйа 4:8-10, ИМ)

Әве хәԝн-хәйале нишани хьзмәткʹаред Хԝәде кьр, ԝәки пʹарьстгәһ чьԛас жи һьнәкарʹа бәдәԝ нәйе кʹьфше, әԝе ль гора хԝәстьн у стандартед Йаһоԝа бе авакьрьне (ԝ22.03, рʹупʹ. 16-17).

Әм чаԝа дькарьн «хәбәрданеда» бьбьнә мәсәлә? (1 Тимотʹейо 4:12)

Ԝәʹде хьзмәтийе бь нәрми у бь ԛәдьр хәбәр дә, кʹьлама бь дьл у щан бьстьре, сәр щьвата щаба бьдә, рʹастийе бежә, бь гьлийед хԝә мәрьва ԛәԝи кә у хԝә жь хәбәрдана хьраб дур бьгьрә (ԝ22.04, рʹупʹ. 6-9).

Рʹәнг-рʹуйе чар щәʹнәԝьред (демәк пʹадшатийед) кӧ кʹьтеба Данийел сәре 7 бәʹса ԝан дькә, чьма Әʹйанти 13:1, 2-да гьшк щәʹнәԝьрәкида һәнә?

Щәʹнәԝьре кӧ кʹьтеба Әʹйанти сәре 13 бәʹса ԝи дькә, бь симболик тʹәне пʹадшатик, мәсәлә Рʹом, найе һʹәсабе. Әв щәʹнәԝьр бь симболик һʹәму ԛәԝатед политики те һʹәсабе, йед кӧ сәр инсанәте һʹӧкӧм дькьн (ԝ22.05, рʹупʹ. 9).

Әм чаԝа дькарьн нишан кьн, кӧ әм хԝә дьсперьн һәԛийа Хԝәде?

Һәрге кәсәки дьле мә ешандийә йан мьԛабьли мә гӧнә кьрийә жи, гәрәке әм кʹин у һерсе бәрʹдьн у әв проблем бьдьнә дәсте Йаһоԝа. Әԝе зьрара кӧ жь бо гӧнә пешда һатийә бь тʹәмами бьдә һьлдане (ԝ22.06, рʹупʹ. 10-11).

Гава бьрак сәр щьвате дӧа дькә, гәрәке әԝ чь бир нәкә?

Әԝ гәрәке дӧайе хԝәда ширәте нәдә у тьштәки әʹлам нәкә. Илаһи дәстпека щьватеда, нә лазьм ә кӧ бьра дӧайе хԝә дьреж бькә у «пʹьрʹхәбәр» нибә (Мәтта 6:7) (ԝ22.07, рʹупʹ. 24-25).

Әԝ готьн чь тенә һʹәсабе: «Йед кӧ хьраби кьрьнә бона диԝане» ԝе рʹабьн? (Йуһʹәнна 5:29)

Әԝана ԝе сәр һʹиме кьред хԝәйә бәре нәйенә диԝанкьрьне, ле ԝе ль гора рʹабун-рʹуньштьна хԝә у ньһерʹандьна хԝәйә паши рʹабуна жь мьрьне бенә диԝанкьрьне (ԝ22.09, рʹупʹ. 18).

Илоне сала 1922 сәр щьвата мәзьн, бьре Рутерфорд чь гот?

Сәр щьвата мәзьн Сидар Поинтеда, (Оһайо), әԝи бь дәнгәки бьльнд гот: «Пʹадша ида һʹӧкӧм дькә! Мьзгинванед ԝи һун ьн. Ләма жи дәрһәԛа Пʹадша у Пʹадшатийа ԝи әʹлам бькьн, әʹлам бькьн, әʹлам бькьн!» (ԝ22.10, рʹупʹ. 3-5).

Ль гора кʹьтеба Ишайа сәре 30, Йаһоԝа бь кʹижан се щурʹа али мә дькә, ԝәки әм нава тәнгасийада сәбьр кьн?

Әв сәри нишан дькә кӧ Йаһоԝа (1) дӧайед мә дьбьһе у щаба ԝан дьдә, (2) рʹебәрийа мә дькә у (3) мә һьм ньһа һьм жи ахьрийеда ԝе кʹәрәм бькә (ԝ22.11, рʹупʹ. 9).

Әм чьрʹа дькарьн бежьн кӧ готьнед Зәбур 37:10, 11, 29 ԝәʹде бәре һатьбун сери у ԝе ахьрийеда жи бенә сери?

Бь ван готьна, Даԝьд нишан кьрьбу кӧ һʹале ԝәлате Исраеледа ԝе чаԝа бә, мәсәлә бьн сәрԝертийа кӧрʹе ԝи Сьлеманда. Гава Иса Мәсиһ дәрһәԛа щьнәта ахьрийе хәбәр да, әԝи бәʹса рʹеза 11 кьр (Мәтта 5:5; Луԛа 23:43) (ԝ22.12, рʹупʹ. 8-10, 14).