Ԝә рʹьнд дина хԝә да готаред жь «Бьрща Ԛәрәԝьлийе» йед ве сале? Хԝә бьщерʹьбиньн, һәла һуне бькарьбьн щабед ван пьрса бьдьн:

Әм һьндава Мәсиһийед бьжарти гәрәке ча бьн?

Әм баԝәрийа ԝан ԛимәт дькьн, ле йәкә әм ԝана бьльнд һʹәсаб накьн у һӧрмәта зедә надьн ԝан. Әм хԝә жь «һʹьләкʹарийе» дур дьгьрьн (Щьһуд. 16). Әм пьрсед шәхси дәрһәԛа һевийа ԝан, жь ԝана напьрсьн (ԝ20.01, рʹупʹ. 29).

Чь гәрәке тә бьдә баԝәркьрьне кӧ Йаһоԝа хут дина хԝә дьдә тә?

Кʹьтеба Пироз әʹйан дькә кӧ гава тӧ һе зькмакийеда буйи, Хԝәде дина хԝә да тә. У әԝ дӧайед тә дьбьһе. Әԝ занә фькьред тә у дьле тәда чь йә, у кьред тә дькарьн йан дьле ԝи бешиньн йан жи ша кьн (1 Дир. 28:9; Мәтʹлк. 27:11). Әԝ хԝәха тә незики хԝә кьрийә (ԝ20.02, рʹупʹ. 12).

Кʹәнге ԝәхте хәбәрдане йә у кʹәнге ԝәхте һʹьшбуне йә?

Әм шабуне дьстиньн гава дәрһәԛа Йаһоԝа тʹәви мәрьва хәбәр дьдьн. Әм ӧса жи хәбәр дьдьн, гава дьвиньн кӧ кәсәк жь рʹийа рʹаст дур дькʹәвә. Рʹуспи жи гәрәке хԝә нәгьрьн хәбәр дьн гава кәсәки һʹәԝще ширәте йә. Ле әм хԝә жь хәбәрдане дьгьрьн у пьрса надьн ԝан хушк-бьрарʹа, йед кӧ ԝан ԝәлатада хьзмәт дькьн кʹидәре шьхӧле мә ԛәдәхәкьри йә. Әм ӧса жи тьштед конфиденсийал тʹӧ щар бәла накьн (ԝ20.03, рʹупʹ. 20-21).

Чаԝа кӧлийед жь кʹьтеба Йоԝел сәре 2-да, щӧдә дьбьн жь кӧлийед жь кʹьтеба Әʹйанти сәре 9?

Йоԝел 2:20-29 дьбежә, кӧ Хԝәде ԝан кӧлийа дур дьхә у соз дьдә ԝәки ԝе зьраре кӧ ԝана анийә вәгәрʹинә. У тʹәне паши ве йәке Хԝәде рʹӧһʹе хԝә дьрʹьжинә. Әԝ һәр тьшт ԝәʹде һʹьщумкьрьна Бабилонийа сәр Исраелийа һатә сери. Ле Әʹйанти 9:1-11-да дәрһәԛа ԝан Мәсиһийед бь рʹӧһʹе пироз бьжарти те готьне, йед кӧ бь симболик мина ԝан кӧлийа нә, кӧ ве дьнйа хьрабрʹа дәрһәԛа диԝана Хԝәде әʹлам дькьн, у пе ве әʹламәтийе мәрьвед ве дьнйайе әʹщьз дькьн (ԝ20.04, рʹупʹ. 3-6).

Иро пʹадше бакӧре кʹе йә?

Русийа у пьштгьред ԝе пʹадше бакӧре нә. Әԝана хут пәй щьмәʹта Хԝәде дькʹәвьн, кӧ шьхӧле бәлакьрьна мьзгине ԛәдәхә дькьн у әшкәрә әʹйан дькьн кӧ әԝана Шәʹдед Йаһоԝа нәфрʹәт дькьн. Әв пʹадше бакӧре ӧса жи тʹәви пʹадше башуре дькʹәвә ләще (ԝ20.05, рʹупʹ. 13).

Гәло нава «бәре рʹӧһʹе пирозда» тʹәне әв нәһ һʹӧнӧр дькʹәвьн, йед кӧ Галати 5:22, 23-да те готьне?

На. Рʹӧһʹе пироз али мә дькә кӧ һʹӧнӧред дьн жи нав хԝәда пешда биньн, бәʹса хәбәре әԝ али мә дькә әм бьбьнә мәрьвнә рʹаст у һәԛ (Әфәс. 5:8, 9) (ԝ20.06, рʹупʹ. 17).

Чь хоф һәйә гава әм шьклед хԝә у тьштед дьн дькьнә интернете?

Чь кӧ һун дькьнә интернете, мәрьварʹа дькарә бьдә кʹьфше кӧ һун хԝә ԛӧрʹә дькьн, нә кӧ мьлук ьн (ԝ20.07, рʹупʹ. 6-7).

Мәсиһи жь мәʹсигьра чь дькарьн һин бьн?

Мәʹсигьр дьхәбьтьн ԝи чахи у ԝи щийи, кʹидәре әԝана дькарьн мәʹси бьгьрьн. Әԝана ӧса жи тенә һинкьрьне кӧ кʹижан һащәта бьдьнә хәбате. У әԝана бь мерхаси бәрдәԝам дькьн дьхәбьтьн ԝәʹде дәрәщед чәтьнда жи. Әм хьзмәта хԝәда жи дькарьн ӧса бькьн (ԝ20.09, рʹупʹ. 5).

Кʹижан ьн һьнә метод кӧ дькарьн али хԝәндәкʹаред Кʹьтеба Пироз бькьн, ԝәки әԝана Йаһоԝа һʹьз бькьн?

Әм дькарьн ԝана һелан кьн кӧ һәр рʹож Кʹьтеба Пироз бьхуньн у сәр бьфькьрьн. У ӧса жи лазьм ә әм ԝана һин кьн кӧ чаԝа дӧа бькьн (ԝ20.11, рʹупʹ. 4).

Ве рʹезеда дәрһәԛа кʹе те готьне: «Һʹәмуйед жь Мәсиһ буйи ԝе сах бьн»? (1 Корн. 15:22)

Паԝлосе шанди нәдьгот кӧ һәр кәс ԝе бе сахкьрьне. Әԝи дьгот дәрһәԛа Мәсиһийед бь рʹӧһʹе пироз бьжарти, йед кӧ «бӧһӧрти- жьбарәбуйийед йәктийа Мәсиһ Исада» нә (1 Корн. 1:2; 15:18) (ԝ20.12, рʹупʹ. 5-6).

Гәло Мәсиһийед бьжарти ԝе чь бькьн гава әԝана «бенә гӧһастьне ньшкева, чаԝа чʹәʹве хԝә бьгьри-вәки, дәма борʹийа ахьрийе бе ледане»? (1 Корн. 15:51-53).

Әԝана ԝе тʹәви Мәсиһ пе шьвдара һʹәсьн шьвантийе мәрьва бькьн (Әʹйан. 2:26, 27) (ԝ20.12, рʹупʹ. 12-13).