Нав тʹәмамийа дьнйайе гәләк мәрьв һʹәԝще хԝарьн у щи-сьтʹаре нә. Һевийа һьнә мәрьва жи тʹӧнә кӧ ахьри ԝе баш бә. Ле чахе әм али мәрьвед ӧса дькьн, Хԝәде чь кʹәрәма дьдә мә?

«Йе кӧ аликʹарийа кʹәсиб дькә, әԝ дәйн дьдә Хӧдан у Хӧдане жь бәр дайина ԝива, ԝи хәлат кә» (МӘТʹӘЛОК 19:17).

Иса дәрһәԛа мәрьвәки мәсәләк гьли кьр, кӧ ԛачаха һʹьщуми сәр ԝи кьрьн у нивкӧшти һиштьн чун (Луԛа 10:29-37). Мәрьвәки хәриб рʹева әԝ мәрьве бьриндар дит у али ԝи кьр. Рʹаст ә әԝ мәрьв жь мьләтәки дьн бу, ле һазьр бу аликʹарийе бьдә ԝи.

Әԝ мәрьве ԛәнщ нә кӧ тʹәне бьринед ԝи гьреда у материалида аликʹари дайе, ле ӧса жи бәр дьле ԝида һат у һәр тьшт кьр, кӧ әԝ зу рʹабә сәр ньга.

Жь ԝе мәсәле әм чь һин дьбьн? Иса да кʹьфше, ԝәки әм чьԛас дькарьн, гәрәке али мәрьвед бәләнгаз бькьн (Мәтʹәлок 14:31). Ньвисаред Пирозда те готьне, ԝәки зутьрәке Хԝәде ԝе кʹәсибийе у кӧл-дәрда бьдә һьлдане. Бал мә дькарә пьрс пешда бе, гәло чь щурʹәйи у кʹәнге Хԝәде ԝе әԝе йәке бькә? Готара дьнда әме шеԝьр кьн, кӧ Әʹфьрандаре мәйи бь һʹьзкьрьне тʹьжә, ԝе ахьрийеда чь кʹәрәма сәр мәда бьбаринә.