ЧАԜА НӘФРʹӘТИЙЕ ЖЬ ДЬЛЕ ХԜӘ ДӘРХЬН?
1 | Фьрԛийе Нәкә Ортʹа Мәрьва
Һинкьрьна Кʹьтеба Пироз:
«Әз ньһа фәʹм дькьм, ԝәки Хԝәде рʹасти жи фьрԛийе накә нава мьләта. Ле жь нав һәр мьләтида, [һәр кәсе] кӧ жь ԝи хоф дькә у рʹастийе дькә ль ԝи ԛәбул ә» (КʹАРЕД ШАНДИЙА 10:34, 35).
Әԝ Чь Те Һʹәсабе:
Йаһоԝа * Хԝәде ль гора мьләт, бәрәк, рʹәнге чʹәрм у културайе, мә сущдар накә. Дәԝсе әԝ дина хԝә дьдә ԝе йәке, кӧ әм дьлда мәрьвнә чь щурʹәйи нә. Кʹьтеба Пирозда жи те готьне, ԝәки «мьров ль рʹу дьньһерʹә, ле бәле Хӧдан ль дьл дьньһерʹә» (1 Самуйел 16:7, ИМ).
Әԝ Һинкьрьн Ча Дькарә Али Тә Бькә:
Рʹаст ә әм нькарьн бьвиньн кӧ дьле мәрьвада чь йә, ле әм дькарьн чʹәʹв бьдьнә Хԝәде у фьрԛийе нәкьнә ортʹа мәрьва. Дина хԝә бьдьне кӧ фьлан мәрьв хԝәха чь щурʹәйи йә, нә кӧ мьләт йан бәрәка ԝи. Һәрге тӧ дәрһәԛа мәрьва жь бо мьләт йан бәрәка ԝан, хьраб дьфькьри, жь Хԝәде аликʹарийе бьхԝазә, ԝәки бькарьби фькьред ӧса кʹокева жь дьле хԝә дәрхи (Зәбур 139:23, 24). Гава тӧ бь дьл жь Хԝәде ԛәԝате дьхԝази, ԝәки фьрԛийе нәки нава мәрьва, тӧ дькари баԝәр би ԝәки әԝ ԝе әʹсәйи гӧһ бьдә дӧайе тә у али тә бькә (1 Пәтрус 3:12).
^ абз. 6 Йаһоԝа, наве Хԝәде йә (Зәбур 83:18).
«Пешийа ве йәке әз ԛә тʹәви мәрьве чʹәрмәсьпи әʹдьлайеда . . . рʹунәньштьбум. Ле ньһа әз ида пʹара бьратийа һʹәмдьнйайе бум» (ТИТО).
Дьбәкә Wәрʹа Һʹәwас бә
Һ′ЬШЙАР БЬН!
Тӧ Фьрԛийе Дьки Ортʹа Мәрьва?
Кʹижан һьнә нишан һәнә, чь кӧ әʹйан дькьн ԝәки дьле мәда нәфрʹәти һәйә?
