ЧАԜА НӘФРʹӘТИЙЕ ЖЬ ДЬЛЕ ХԜӘ ДӘРХЬН?
2 | Һʹәйфе Һьлнәдә
Һинкьрьна Кʹьтеба Пироз:
«Жь бәр хьрабийева хьрабийе ль тʹӧ кәси нәкьн. . . . Чьԛас жь дәст ԝә те, тʹәви һʹәму мәрьва әʹдьлайийеда бьн. Һʹәйфе һьлнәдьн, . . . чьмки ньвисар ә: ‹Һʹәйфһьлдан дәсте мьн ә, әзе һʹәйфе һьлиньм, Хӧдан дьбежә›» (РʹОМАЙИ 12:17-19).
Әв Чь Те Һʹәсабе:
Һәрге кәсәк дьле мә дешинә, һәмьки әм һерс дькʹәвьн, ле Хԝәде нахԝазә ԝәки әм һʹәйфе һьлдьн. Дәԝсе әԝ дьхԝазә ԝәки әм сәбьр кьн, чьмки соз дьдә кӧ зутьрәке ԝе һʹәму нәһәԛийа бьдә һьлдане (Зәбур 37:7, 10).
Әԝ Һинкьрьн Ча Дькарә Али Тә Бькә:
Чахе мәрьве гӧнәкʹар һʹәйфе һьлдьдә, әԝ дьһа зедә нәфрʹәтийе пешда тинә. Һәрге кәсәки тӧ дайи хәйдандьне, кʹине нәжо. Һәстед хԝә контрол бькә у хԝәгьрти бә. Щарна дькарә һеса бә чʹәʹве хԝә сәр һьнә дәрәща дади (Мәтʹәлок 19:11). Ле щарна жи дьбәкә дьһа баш бә дәрһәԛа дәрәще әʹлами һʹӧкӧмәте бьки. Мәсәлә, һәрге кәсәк тә тʹалан кә у зийане бьдә тә, тӧ дькари дәрһәԛа ве йәке әʹлами полиса йан жи һʹӧкӧмәтед дьн бьки.
Мәрьве кӧ һʹәйфе һьлдьдә, зийане дьдә хԝә
Тӧ чь дькари бьки, һәрге проблема тә бь әʹдьлайи сафи набә? Йан жи, дьбәкә тә ида һәр тьшт кьр, сәва кӧ проблеме бь әʹдьлайе сафи ки, ле диса жи әв сафи нәбу. Һʹәйфе һьлнәдә, чьмки әв йәк дькарә дәрәще дьһа хьраб кә. Ԝе баш бә нәфрʹәтийе жь дьле хԝә дәрхи. Тӧ дькари баԝәр би, ԝәки Хԝәде ԝе бь щурʹе дьһа баш әве проблеме сафи кә. Хԝә бьсперә Хԝәде у әԝ ԝе рʹийа тә рʹаст кә (Зәбур 37:3-5).
Дьбәкә Wәрʹа Һʹәwас бә
КʹЬТЕБА ПИРОЗ ЖИЙИНА МӘРЬВА ДЬГӦҺЕЗӘ
Гәло Һʹәзкьрьн Дькарә Нәфрʹәтийе Алт кә?
Чәтьн ә нәфрʹәтийе жь дьле хԝә дәрхьн. Бьньһерʹьн кӧ чаԝа мәрьвәки Щьһу у йәки Әʹрәб карьбун әве йәке бькьн.
ПЬРСЕД К′ЬТЕБА ПИРОЗВА ГЬРЕДАЙИ
Кʹьтеба Пироз Дәрһәԛа Һʹәйфһьлдане Чь Дьбежә?
Ширәтед Кʹьтеба Пироз али гәләк мәрьва кьрьнә, ԝәки хԝәстьна һʹәйфһьлдане жь дьле хԝә дәрхьн.
