Һәрге на, һәмьки ԝә дитийә кӧ мәрьв ча бь щурʹә-щурʹә һәв нәфрʹәт дькьн. Жь нучәйа әм гәләк щар дьбьһен, ԝәки мәрьв жь бо мьләт у ԝәлате хԝә, йан жи жь бо ԝе йәке кӧ әԝана һомосексуал ьн, тенә нәфрʹәткьрьне. Ләма жи дәԝләт мәщбур дьбьн ԛанунед ӧса дәрхьн, ԝәки зӧлмийа жь бо нәфрʹәтийе бьдьнә сәкьнандьне.

Нәфрʹәти һе зедә нәфрʹәтийе пешда тинә. Мәрьвед кӧ һатьнә нәфрʹәткьрьне, һʹәйфе һьлдьдьн у жь бо ԝе йәке һе зедә зӧлми у нәфрʹәти пешда те.

Дьԛәԝьмә ԝә хԝәха жи тʹәхмин кьрийә кӧ кәсәки фьрԛи кьрийә ортʹа ԝә у мәрьвед дьн, һун беһӧрмәт кьрьнә, рʹәзил кьрьнә у данә тьрсандьне. Хенщи ԝан тьшта нәфрʹәткьрьн дькарә һе зедә зӧлмийе пешда бинә. Әв гәләк щар әʹйан дьбә бь шәрʹ-дәʹԝа, кʹӧтане, хьрабкьрьн у һьлшандьна тьшта, хьрабкьрьна мәрьва, кӧштьне у һәла һе геносиде жи.

Әв журнал ԝе щаба ԝан пьрса бьдә у нишан кә, кӧ ча мәрьв дькарьн нәфрʹәтийе жь дьле хԝә дәрхьн:

• Чьма һаԛас нәфрʹәти һәйә?

• Чаԝа нәфрʹәтийе жь дьле хԝә дәрхьн?

• Гәло ԝе бе ԝәʹдәки ӧса, кӧ мәрьв ида тʹӧ щар һәв нәфрʹәт нәкьн?