«ӘЗ ПАНЗДӘҺ сали бум чахе һатьмә ньхöмандьне. Паши ньхöмандьне, шәш мәһа мьн ча пешәнге кʹомәкдар хьзмәт дькьр. Ле саләк шунда әз бумә пешәнге һәртʹьм. Паши wе йәке ча мьн мәкʹтәб хьлаз кьр, мьн хwәст хьзмәт кьм wи щийи, кʹидәре кö һʹәwщәти һәбу. Мьн хwәст дәрбази шәһәрәки дьн бума, сәва кö тʹәви пирька хwә нәжита, йа кö Шәʹде Йаһоwа нибу. Ле чахе бәрпьрсийаре мьһале мьнрʹа гот, wәки әз гәрәке шәһәре хwәда бьминьн у wедәре хьзмәт кьм, әз гәләк дьлтәнг бум. Ле мьн хwә öса да кʹьфше wәки әw тʹәхмин нәкә, кö әз дьлтәнг бум. Мьн сәре хwә кьрә бәр хwә, әз дәркʹәтьм у дьшьрмиш бум сәр гьлийед wи. Мьн готә һәвала хwәйә хьзмәтийеда: ‹Әз хwә мина Уньс дьдьмә кʹьфше. Ле йәкә хьлазийе Уньс чу Нәйноwайе. Демәк әз жи гәрәке хьзмәт кьм wедәре, кʹидәре кö әз һатьмә кʹьфшкьрьне›».

«Әwа ида чар сал ә әз ча пешәнг хьзмәт дькьм wәлате хwәда, у дьбиньм wәки чьqас билани бу кö мьн гöһ да рʹебәрийе. Проблема сәрәкә әw бу, кö әз нәрʹаст дьфькьрим. Ле ньһа әз шабунәкә мәзьн дьстиньм. Нав мәһәкеда, мьн тʹәви 24 мәрьва һинкьрьна Кʹьтеба Пироз дәрбаз кьр. Зәʹф рʹази мә жь Йаһоwа, кö мьн һәла һе тʹәви пирька хwә жи дәстпекьр һинкьрьна Кʹьтеба Пироз, йа кö бәре мьqабьли мьн бу».

Жьнькәк жь Фижи кö Кʹьтеба Пироз һин дьбә, бәр бьжартьне бу. Әw гәрәке бьчуйа йан сәр щьвата мәзьн, йан жи тʹәви мере хwә бьчуйа сәр рʹожа буйина мәрьве wан. Мере wе qайил бу кö әw һәрʹә сәр щьвата мәзьн. У жьне wи гот кö паши щьвата мәзьн, әw жи wе бе щәм мәрьвед wан сәр рʹожа буйине. Чахе әw жь щьвата мәзьн вәгәрʹийа мале, әwе тʹәхмин кьр wәки wе нәаqьлайи бә кö һәрʹә wе дәре, чьмки рʹöһʹанида wе хьраб һʹöкöмбуйа сәр wе. Ләма әwе сафи кьр кö нәчә.

Ле мере wе готьбу мәрьвед хwә, кö чахе «щьвата Шәʹдед Йаһоwа» хьлаз бә, жьна wи жи wе бе. Ле мәрьвед wи жерʹа готьбун: «Әw wе нәйе, чьмки Шәʹдед Йаһоwа рʹожа буйине дәрбаз накьн!» *

Мере wе qöрʹә дьбу кö жьна wи исафа хwә у баwәрийа хwә хwәй кьр. Амьнийа wе, жерʹа рʹе вәкьр кö мере хwәрʹа у мәрьвед дьнрʹа шәʹдәтийе бьдә. Гәло әw йәк чь кʹар жерʹа ани? Мере wе дәстпекьр Кʹьтеба Пироз һин бә, у ньһа тʹәви жьна хwә те сәр щьвате.