Ԝә рʹьнд дина хԝә да сәр готаред жь «Бьрща Ԛәрәԝьлийе» йа ԝан пашԝәхтийа? Хԝә бьщерʹьбиньн, һәла һуне бькарьбьн щабед ԝан пьрса бьдьн:

Де-бав кӧ кʹочбәр ьн, чьрʹа гәрәке сафикьрьне бькьн дәрһәԛа зьман, сәва кӧ алийе рʹӧһʹанида али зарʹед хԝә бькьн?

Зарʹ дьбәкә мәкʹтәбеда у нав һәвалед хԝәда зьмане хәриб һин бьн. Бь рʹастийе зарʹ ԝе кʹаре бьстиньн һәрге 2 зьмана зедәтьр бьзаньбьн. Де-бав гәрәке дина хԝә бьдьне кӧ зарʹед ԝан рʹастийе сәр кʹижан зьмани һе рʹьнд фәʹм дькьн, ԝәки рʹӧһʹанида пешда һәрʹьн. Мәсәлә әԝана гәрәке сафи кьн, һәла щьвата кʹижан зьмани бьжберьн, йа зьмане хәриб йан йа зьмане де. Де-бав кӧ Мәсиһи нә, гәрәке рʹӧһʹанийа зарʹед хԝә жь хԝәстьнед хԝә бьльнд бьгьрьн (ԝ17.05, рʹупʹ. 9-11).

Чахе Иса жь Пәтрус пьрси: «Тӧ мьн жь ԝан зедәтьр һʹьз дьки», әԝи дәрһәԛа кʹе гот чахе гот «ԝан»? (Йуһʹн. 21:15, ДТʹ)

Ча те кʹьфше Иса дәрһәԛа мәʹсийа у хәбата нечʹирванийе гот. Паши мьрьна Иса Пәтрус диса вәгәрʹийа шьхӧле хԝәйи бәре, демәк нечʹирванийе. Жь ве йәке те кʹьфше кӧ Мәсиһи гәрәке хԝә бьщерʹьбиньн һәла дьле ԝанда хәбат чь щийи дьгьрә (ԝ17.05, рʹупʹ. 22-23).

Чьрʹа Бьраһим готә жьна хԝә, ԝәки әԝ бежә, кӧ әԝ хушка ԝи йә? (Дәстп. 12:10-13)

Бь рʹастийе Сәра у Бьраһим алийе баведа хушк-бьра бун. Һәрге Сәрайе бьгота кӧ әԝ жьна ԝи йә, Бьраһим ԝе бьһата кӧштьне, у ӧса зӧрʹәта кӧ Хԝәде соз да ԝи, ԝе ԝанрʹа нәбуйа (ԝp17.3, рʹупʹ. 14-15).

Елйас Һутер чь метод да хәбате сәва али ԝан мәрьва бькә, йед кӧ дьхԝәстьн зьмане Ибрани һин бьн?

Елйас дьхԝәст ԝәки әԝ мәрьв Кʹьтеба Пирозда бьвиньн фьрԛийа орʹта кʹокед хәбәред Ибрани у һәр пешгьр у пашгьра. Әԝи кʹока һәр хәбәре зәлал әʹйан кьр, ле пешгьр у пашгьр әԝи данә хәбате әʹламәтийа зедәда у ида бь һʹәрфед щӧдәкьри ньвиси. Метода ԝи щурʹәйи спартьнада һатийә хәбьтандьне, дь ԝәлгәрʹандьна «Nеԝ Ԝorld Translation of thе Holy Scripturеs—Ԝith Rеfеrеncеs» (ԝp17.4, рʹупʹ. 11-12).

Гәло Мәсиһирʹа изьнә тʹьвьнга ԝи һәбә бона хԝә хԝәй кә?

Ль ԝьр һәнә һьнә принсип: Бәр чʹәʹве Хԝәде әʹмьр пироз ә. Иса шагьртед хԝә һелан нәкьр, ԝәки шур һьлдьн сәва хԝә хԝәй кьн (Луԛа 22:36, 38). Әм гәрәке шуред хԝә бькьн һʹәсьнед ԛаньке (гисьн). Әʹмьр дьһа ԛимәт ә, нә кӧ тьштед материали. Әм ԛәдьре исафа мәрьвед дьн дьгьрьн у дьхԝазьн мәсәла баш бьн (2 Корн. 4:2) (ԝ17.07, рʹупʹ. 31-32).

Чьрʹа Мәтта у Луԛа сәрһатийа дәрһәԛа буйина Иса у бьчʹуктайа ԝи, мина һәв нә ньвисинә?

Мәтта ньвисара хԝәда дина хԝә һе зәʹф дьдә сәр Усьв, мәсәлә ча әԝи хԝә да кʹьфше чахе пеһʹәсийа кӧ Мәрйәм гьран ә, у ӧса жи чахе хәԝнеда мьлйакʹәт жерʹа гот кӧ бьрʹәвә Мьсьре у паше вәгәрʹә. Ле Луԛа һе зәʹф дина хԝә дьдә сәр Мәрйәме, мәсәлә чахе әԝ чу тʹәсәлийа Елизабете бькә, у әԝе ча хԝә да кʹьфше чахе Иса пʹарьстгәһеда ма (ԝ17.08, рʹупʹ. 32).

Чь чәтьнайада Кʹьтеба Пироз һатийә хԝәйкьрьне?

Фәʹмкьрьна хәбәр у гьлийед кӧ Кʹьтеба пирозда һатьнә хәбьтандьне, нава ԛьрʹна дьһатьнә гӧһастьне. Ӧса жи гӧһастьнед алийе политикида сәр зьмане щьмәʹте һʹӧкӧм дьбу. Һьн жи һәбун мәрьв кӧ мьԛабьл бун сәва Кʹьтеба Пироз нәйе ԝәлгәрʹандьне сәр ԝан зьмана кӧ щьмәʹте фәʹм дькьр (ԝ17.09, рʹупʹ. 19-21).

Гәло мәләкед мә һәнә кӧ мә хԝәй дькьн?

На. Иса дәрһәԛа шагьртед хԝә гот, кӧ мәләкед ԝан ль әʹзмана тʹьме рʹуйе Хԝәде дьвиньн (Мәт. 18:10). Әԝи бь ԝан гьлийа да кʹьфше кӧ мәләк дина хԝә дьдьн шагьртед ԝи, нә кӧ бь кʹәрәмәт һәр йәки жь ԝан хԝәй дькьн (ԝp17.5, рʹупʹ. 5).

Һʹьзкьрьна лапә бьльнд кʹижан ә?

Һʹьзкьрьна лапә бьльнд агапе йә, кʹижан кӧ сәр һʹиме принсипа йә. Нава ве һʹьзкьрьнеда ӧса жи назькайи у дьлгәрми йә. Әԝ һʹьзкьрьн принсипед бьльнд әʹйан дькә, мәсәлә нә кӧ кʹара хԝә дьгәрʹә ле кʹара йед майин (ԝ17.10, рʹупʹ. 7).