Wә рʹьнд дина хwә да сәр тʹемед жь «Бьрща Qәрәwьлийе» йа wан пашwәхтийе? Хwә бьщерʹьбиньн, һәла һуне бькарьбьн щаба wан пьрса бьдьн:

Чьрʹа Йаһоwа qәбул дькьр шәрʹед Исраела бәре?

Йаһоwа Хwәдейе һʹьзкьрьн ә. Щара, сәва кӧ щьмәʹта хwә жь хьрабийе у зорбәтийе хwәй кә, әwи изьн дьда кӧ әwана шәрʹ бькьн. Ле тʹәне Хwәде сафи дькьр кӧ кʹе у кʹәнге wе шәрʹ бькә (w15 1/11, рʹупʹ. 4-5).

Ча де-бав дькарьн али зарʹед хwә бькьн, сәва кӧ әwана Йаһоwарʹа хьзмәт кьн?

Гәләк фәрз ә кӧ де-бав зарʹед хwә һʹьз бькьн у мьлук бьн, сәва зарʹ чʹәʹв бьдьнә wан. Ӧса жи, гәләк фәрз ә кӧ де-бав зарʹед хwәйи щаһьл, фәʹм бькьн (w15 15/11, рʹупʹ. 9-11).

Чьрʹа әм гәрәке һʹәсаб нәкьн кӧ поп щигьре Пәтрус ә, демәк щийе wи дьгьрә?

Мәтта 16:17, 18 набежә кӧ Пәтрусе шанди гәрәке бьбуйа сәре щьвата Мәсиһи. Кʹьтеба Пироз дьдә кʹьфше кӧ Иса йә кәвьре әʹнишке, нә кӧ Пәтрус (1 Пәт. 2:4-8) (w15 1/12, рʹупʹ. 12-14).

Пешийа кӧ әм тьштәки бежьн, әм гәрәке дәрһәqа чь бьфькьрьн?

Сәва кӧ зьмане хwә бона qәнщийе бьдьнә хәбате, әм гәрәке бира хwәда хwәй кьн 1) кʹәнге хәбәрдьн (Wаиз 3:7), 2) чь бежьн (Мәтʹлк. 12:18), у 3) ча хәбәрдьн (Мәтʹлк.25:15) (w15 15/12, рʹупʹ. 19-22).

Жь кʹижан кьред нәрʹаст у qәлп Мәсиһи гәрәке хwә дур бьгьрә?

Мәсиһийед рʹаст, хwә дур дьгьрьн жь дәрәwа, жь бӧхдана. Әwана ӧса жи информасийа нәрʹаст бәла накьн, сәва наве кәсәки хьраб кьн, нә жи фелбазийе у дьзийе дькьн (wp16.1, рʹупʹ. 5).

Кʹе бун «сәрәкед кʹаһина», дәрһәqа кʹижана Кʹьтеба Пирозда те готьне?

«Сәрәкед кʹаһина», ча те кʹьфше әw сәрокед кʹаһина бун, ӧса жи сәрәккʹаһинед бәре, йед кӧ ида кʹаһинти нәдькьрьн (wp16.1, рʹупʹ. 10).

Әм ча гәрәке һьндава wан бьн, йед кӧ сәр Биранине симбола дьхwьн?

Мәсиһи wана рʹумәт накьн. Әwе кӧ рʹасти рʹункьри йә, һивийе нинә кӧ wи һӧрмәт кьн. Әw нә жи дьхwазә кӧ бәр һʹәмушка әʹйан кә, кӧ әw рʹункьри йә (Мәт. 23:8-12) (w16.01, рʹупʹ. 23-24).

Әм чь дькарьн һин бьн жь ве йәке, кӧ ча Бьраһим бу досте Хwәде?

Дьqәwьмә кӧ Бьраһим дәрһәqа Йаһоwа жь Сәм пеһʹәсийа. Бьраһим баwәрийа хwә qәwи дькьр, чахе дьдит кӧ Хwәде ча бу һьндава wи у малбәта wи. Әм жи дькарьн Хwәде нас кьн у бьвиньн кӧ әw һьндава мә ча нә (w16.02, рʹупʹ. 9-10).

Кʹьтеба Пироз ча һатә пʹарәвәкьрьне сәр сәри у рʹеза?

Qьрʹна 13-да, хьзмәткʹаре дере Стефан Лангтон, Кʹьтеба Пироз пʹарәвәкьр сәр сәрийа. Ньвисаред Ибрани Щьһуйед бәргьр пʹарәвәкьрьнә сәр рʹеза, у qьрʹна 16-да, зандар Роберт Естиен Ньвисаред Йунани пʹарәвәкьр (wp16.2, рʹупʹ. 14-15).

Гәло Шәйтʹан бь реали Иса бьрә пʹарьстгәһе, сәва wи бьщерʹьбинә?

Әм сәд сәләфи нькарьн әве йәке бежьн. Ль гора Мәтта 4:5 у Луqа 4:9 дькарә бе һʹәсабе кӧ Шәйтʹан дитьнокеда wи бьрә пʹарьстгәһе, йан бьльндщийа територийа пʹарьстгәһе (w16.03, рʹупʹ. 31-32).

Чь щурʹәйи хьзмәтийа мә дькарә бьбә мина авийе?

Ави гәш дькә у жийине дьдә. Рʹасти жи, ави кʹәрәм ә жь Хwәде (Qан. Дщр. 33:13). У шьхӧле кӧ щьмәʹта Хwәде тʹәвайи дькьн, һәма мина авийе йә (w16.04, рʹупʹ. 4).