ҺЬНӘК МӘРЬВ БАԜӘР ДЬКЬН кӧ Пʹадшатийа Хԝәде һәйә. Ле һьнәк жи дәрһәԛа ве йәке -щурʹә-щурʹә тьшт заньн. Ле һун чь дьфькьрьн, Пʹадшатийа Хԝәде һәйә? У һәрге һәйә, ԝи чахи кʹара мә чь йә?

КʹЬТЕБА ПИРОЗ ЧЬ ДЬБЕЖӘ?

«Хԝәдайе әʹзмана ԝе кʹьфш бькә пʹадшатикә кӧ тʹӧ щар кʹӧта набә. . . . Әԝ ԝе әԝан һʹәму пʹадшатийа [мәрьва] бьпʹьшьринә у кʹӧта кә» (Данйел 2:44, ДТʹ). Пʹадшатийа Хԝәде тьштәкә реали йә.

ДИСА ЧЬ ӘМ ПЕДЬҺʹӘСЬН ЖЬ КʹЬТЕБА ПИРОЗ?

• Пʹадшатийа Хԝәде жь әʹзмана сәрԝертийе дькә. (Мәтта 10:7; Луԛа 10:9).

• Хԝәде бь сайа ве Пʹадшатийе, тинә сери ԛьрара хԝә һьм ль сәр әʹзмана у һьм жи сәр әʹрде (Мәтта 6:10).

ҺУНЕ ЧЬ БЕЖЬН?

• Тʹӧ кәс ньзанә

• Зутьрәке ԝе бе

• Тʹӧ щар нәйе

КʹЬТЕБА ПИРОЗ ДЬБЕЖӘ:

«Әв Мьзгинийа Пʹадшатийе ԝе ль нав тʹәмамийа дьнйайе бе даннасинкьрьне, кӧ һʹәму мьләтарʹа бьбә шәʹдәти у һьнге хьлази ԝе бе» (Мәтта 24:14). Чахе мьзгинийа хере ԝе ль нав тʹәмамийа дьнйайе бе бәлакьрьне, һьнге Пʹадшатийа Хԝәде ԝе әве дьнйа зӧлм кʹӧта кә.

ДИСА ЧЬ ӘМ ДЬКАРЬН ПЕБЬҺʹӘСЬН ЖЬ КʹЬТЕБА ПИРОЗ?

• Тʹӧ кәс ньзанә кӧ Пʹадшатийа Хԝәде ԝе чь чах бе (Мәтта 24:36).

• Ль гора пʹехәмбәртийа Кʹьтеба Пироз, Пʹадшатийа Хԝәде зутьрәке ԝе бе (Мәтта 24:3, 7, 12).