ЧӘТЬНАЙИ: Гәләк сәрԝеред политике у религийайе, кʹомева тʹоп дьбун, сәва кӧ мьԛабьли әʹламәтийа жь Кʹьтеба Пироз дәрен. Гәләк щара ԝана һʹӧкӧмти у навдарийа хԝә дьданә хәбате, сәва кӧ кәсәк нькарьбә Кʹьтеба Пироз тʹәрщьмә бькә, нәшьр кә йан жи щәм хԝә хԝәй кә. Ԝәрен әм дӧ мәсәла бьньһерʹьн:

• Незики сала 167 Б.Д.М.: Пʹадше Сәләӧкийа бь наве Антиохос Епифанәс, хԝәст религийа Йунанийа бькә йа Щьһуйа. У сәва ԝе йәке әԝи фәрман да кӧ һʹәму копийед Ньвисаред Пирозә Ибранийа бенә кʹӧтакьрьне. Тʹәрихзан Һенри Гретс дәрһәԛа бәрдәстийед ԝи пʹадшайи ӧса ньвиси: «Әԝана һʹәму щийа кʹидәре кӧ кʹьтебед гӧломатккьри йа Ԛануне дьдитьн, дьԛәльшандьн у дьшәԝьтандьн. Ӧса жи ԝана дькӧшт мәрьвед кӧ Ньвисаред Пироз дьхԝандьн у ԛәԝат у бәрдьли дьстандьн жь хԝәндьна хԝә».

• Ԝәкә 800 сал пешда: Һьнә сәрԝеред Католика, бәрхԝә дькʹәтьн кӧ һьнә мәрьв, дәԝса кӧ һинкьрьна Католика бәла кьн, әԝана дәрһәԛа әʹламәтийа жь Кʹьтеба Пироз даннасин дькьрьн. У һәрге щәм ԝан мәрьва һәбун пʹьртукед Кʹьтеба Пироз, нә кӧ Зәбуред Латини йа Католика, әв мәрьв дьһатьнә нәһәԛкьрьне у ль сәр ԝан дьготьн һеретик. Дерәке фәрманәкә ӧса дәрхьст, ԝәки мәрьвед ԝан, «тʹьме рʹьнд у бь амьни һеретика бьгәрʹьн . . . у сәва ве йәке әԝана гәрәке бькʹәтана һʹәму мала у щийед ԝәшарти, кʹидәре бь тʹәхмина ԝан Кʹьтебед Пироз һәбун. . . . Әԝ мал, кʹидәреда һеретик дьдитьн, ԝеран дькьрьн».

Һәрге ви шьхӧлида дьжмьнед Кʹьтеба Пирозрʹа һәв бьһата, әʹламәтийа жь ве кʹьтебе ԝе ӧнда буйа.

ЧАԜА КʹЬТЕБА ПИРОЗ ҺАТӘ ХԜӘЙКЬРЬНЕ: Пʹадша Антиохос, чʹәʹве хԝә дабу сәр Исраеле, ле Щьһуйа кʹомед хԝә дь гәләк щийед дьнда жи организә кьрьн. Хенщи ԝе йәке, зандар һатьн сәр ԝе нете, ԝәки ԛьрʹна йәкеда Д.М.-да, 60 сәләфи зедәтьр Щьһу жь Исраеле дәр дьжитьн. Кʹьништед хԝәда, Щьһу копийед Ньвисаред Пироз хԝәй дькьрьн. Нава ԝан копийада ӧса жи һәбун Ньвисаред Пирозә ӧса, йед кӧ ньсьла тʹәзә жи дьданә хәбате, һәла һе Мәсиһийа жи (Кʹаред Шандийа 15:21).

Нава Сәрдәма Навинда, әԝед кӧ Кʹьтеба Пироз һʹьз дькьрьн, бь мерхаси бәр пәйкʹәтьна тәйах кьрьн у бәрдәԝам кьрьн Ньвисаред Пироз тʹәрщьмә бькьн у бәрбьгьрьн. Пʹаред Кʹьтеба Пироз, ортʹа ԛьрʹна 15-да, ль сәр ԝәкә 33 зьмана зедәтьр һәбун. У ԝи чахи һәла һе нәшьрханә кӧ дьһатьнә щигӧһастьне, тʹӧнә бун! Паши ԝе йәке, Кʹьтеба Пироз пʹьрʹ зу дьһата тʹәрщьмәкьрьне у нәшьркьрьне.

ЧЬ ӘМ ПЕҺʹӘСИЙАН: Пʹадшед ԛәԝи у кʹаһинед дәрәԝин, бона Кʹьтеба Пироз гәләк чәтьнайи пешда дьанин, ле йәкә әв кʹьтеб нава тʹәрихийеда кʹьтебәкә зәʹф бәлабуйи у тʹәрщьмәкьри йә. Хенщи ԝе йәке, әв Кʹьтеб, һʹӧкӧм буйә ль сәр ԛанун у зьмане һьнә ԝәлата, ӧса жи сәр жийина бь милйона мәрьва.