5 Гәло Кӧл-Дәрдед Мә ԝе Бенә Һьлдане?
Чьма Әв Йәк Фәрз ә
Һәрге бәле, демәк һевийа мәйә ӧса һәйә, кӧ дькарә ньһерʹандьна мә сәр жийине дьһа баш кә у али мә бькә әм незики Хԝәде бьн.
Дәрһәԛа ве йәке Бьфькьрьн
Гәләк мәрьв дьхԝазьн кӧл-дәрдед хԝә кем кьн, ле жь ԛәԝата ԝан дәр ә әве йәке бькьн. Дина хԝә бьдьне:
Рʹаст ә, медисина пешда дьчә, ле диса жи . . .
-
Нәхԝәшийа дьльк мәʹнийа лапә бәлабуйи йә, жь бо чь жи мәрьв дьмьрьн.
-
Жь бо нәхԝәшийа кʹансәр һәр сал бь милйона мәрьва дьмьрьн.
-
Ньвискʹар Даԝьд Блум, журналеда «Frontiers in Immunology» ӧса ньвисийә: «Һʹәта ньһа диса жи нәхԝәшийед һʹал у ӧса жи йед тʹәзә дәртен».
Рʹаст ә, алийе аборийеда ԝәлат пешда дьчьн, ле диса жи . . .
-
Һәр сал бь милйона зарʹ дьмьрьн у һʹәчʹи зәʹф ԝедәре, кʹидәре кӧ кʹәсибийеда дьжин.
-
Ԝәкә 4.5 милйон мәрьв һʹаләки ӧсада дьжин, ԝәки мәщала ԝан тʹӧнә тʹәмьзайе хԝәй кьн.
-
Щәм сәда милйона мәрьва ава тʹәмьз тʹӧнә.
Рʹаст ә, мафед мәрьва иро һе зедә тенә парьстьне, ле диса жи . . .
-
Гәләк ԝәлатада мәрьва дьфьрошьн. Чаԝа кӧ һʹәсабе Мьләтед Йәкбуйи дьбежә, әԝед кӧ щабдар ьн әве проблеме сафи кьн, те бежи әве йәке «навиньн, йан жи жь ԛәԝата ԝан дәр ә әве дәрәще рʹаст кьн».
ҺЕ ЗЕДӘ ПЕБЬҺʹӘСЬН
Бьньһерʹьн видео, «Чь йә Пʹадшатийа Хԝәде?», кӧ сәр малпәра jw.org һәйә.
Кʹьтеба Пироз Чь Дьбежә
Хԝәде бона мә хәм дькә.
Әԝ бетʹалаш нинә, һьндава еш у дәрде мә.
«[Хԝәде] пьшт нәда йе тʹәнгәзар, бәләнгазийа ԝи беһӧрмәт нәкьр, рʹуйе Хԝә Әԝи жь ԝи вәнәшарт, гава ԝи һәԝар кьр, Хԝәде бьһист» (ЗӘБУР 22:24).
«Һʹәму хәмед хԝә бавежьнә сәр ԝи, чьмки әԝ бона ԝә хәм дькә» (1 ПӘТРУС 5:7).
Кӧл-дәрд ԝе бенә һьлдане.
Кʹьтеба Пироз соз дьдә, кӧ ԛьрара Хԝәде бона инсанәте, ԝе әʹсәйи бе сери.
«Әԝе [Хԝәде] жь чʹәʹвед ԝан һʹәму һесьред ԝан паԛьж кә у иди мьрьне тʹӧнәбә, нә шин, нә гьри, нә еш-ешук, чьмки тьштед бәре дәрбаз бун» (ӘʹЙАНТИ 21:3, 4).
Хԝәде ԝе сәбәбед кӧл-дәрде мә бьдә һьлдане.
Хԝәде ԝе бь сайа Пʹадшатийа хԝә әве йәке бькә, у Кʹьтеба Пироз дьбежә кӧ әԝ сәрԝерти реали йә.
«Хԝәдайе әʹзмана ԝе пʹадшатийе кʹьфш кә, йе кӧ ԝе тʹӧ щар кʹӧта нәбә. У әв пʹадшати мьләте майинрʹа ԝе нәйе дайине. . . . Әԝ ԝе . . . һʹәта-һʹәтайе бьминә» (ДАНИЙЕЛ 2:44, ДТʹ).
