Ԝәкә 800 сал пешда, ԛәбилед Маори жь гьравед Полинәзйайе бь океане һʹәзара километра дәрбаз бунә у ль Зәландайа Нуда щиԝар бун. Әв щи нә мина гьравед ԝанә Полинәзйайе бу, чьмки ль вьр гәләк чʹийа һәбун, бузед мәзьн, кани жь кʹижани кӧ ава гәрм дәрдькʹәт у һәла һе бәрф жи вьра дькʹәт. Диса мьләтәк жь Әԝропайа дур, ԝәкә пенщ ԛьрна пешда һатьбу ви щи. Иро һʹәчʹи зәʹф жь бьнәлийед Зеландайа Ну, ԛәбул дькьн һьм әрф-әʹдәтед ԛәбилед Англо-Саксона һьм йе Полинәзйайе. Ԝәкә 90 сәләф бьнәлийед ԝи щи, мәрьвед кӧ жь шәһәр дәрбаз бунә. Шәһәра Ԝелингтон щӧдә дьбә бь ԝе йәке, кӧ әв ль дьнйайеда пайтәхтәки мәзьн ә.

Вьра гәләк щурʹә-щурʹә щийед бәдәԝ һәнә, у әв щийәки башԛәкьрийә. Ле диса жи һәр сал Зәландайа Ну дина  мәрийа дькʹьшинә бәрбь хԝә у ԝәкә се милйон турист тенә ль вьр.

Зәландайа Ну навдар ә бь щурʹә-щурʹә шинкайа у һʹәйԝана. Ль вьр ӧса жи һәнә щурʹед чʹьвикед ӧса йед кӧ ль дьнйайеда ԝәк ԝан тʹӧнә, чьмки әв чʹьвик нькарьн бьфьрьн. Зәландайа Ну ӧса жи щики баш ә бона мәʹрәгиска бь наве туатара. Әв дькарә 100 сал зедәтьр бьжин! Ль вьр ӧса жи һәнә һьнә щурʹед шәвшәвока (мьшкед кӧ дьфьрьн) у һьнә һәйԝанед бәʹре, йед ӧса ча һут у дәлфин.

Шәʹдед Йаһоԝа ида 120 сал ә, ча ль Зәландайа Нуда бь хирәт хьзмәт дькьн. Әԝана ԝәкә ль сәр 19 зьмана Кʹьтеба Пироз мәрийа һин дькьн, нава кʹижанида кӧ дькʹәвьн зьманед Полинәзйайе, Ниуйе, Раротонга, Самоа у Тонга.