Ле һьнә жьн-мер техноложийе нәрʹаст дьдьнә хәбате . . .

• әв ԝәʹде кӧ әԝана гәрәке тʹәвайи дәрбаз кьн, сәр техноложийе хәрщ дькьн.

• малда жи бәрдәԝам дькьн бьхәбьтьн.

• итʹбарийа хԝә һьндава һәвдӧ ӧнда дькьн у нәмамийа һәв жи дькьн.

ЧАХЕ ТʹӘВАЙИ НӘ

Мерәк бь наве Майкл, ӧса дьбежә: «Щарна чахе әз жьна хԝәва тʹәвайи нә, әԝ гӧһ надә мьн у әз те бежи тʹәне мә. Әԝ дькʹәвә тʹеле у дьбежә, ԝәки ԝәʹде ԝе ԛә тʹӧнәбу дина хԝә бьдә тʹеле». Мерәки дьн жи, бь наве Щонатан, гот ԝәки дәрәщед ӧсада рʹаст ә «жьн-мер бь физики тʹәвайи нә, ле те бежи һәр йәк щики йә».

БЬФЬКЬРӘ: Гава тә тʹәви һәвалзәԝаще хԝә хәбәр дьда, чьԛас щар зәнгьле тʹеле йан смса һун әʹщьз кьрьн у мәщал нәданә ԝә кӧ һун гӧһ бьдьнә һәв? (ӘФӘСИ 5:33)

ХӘБАТ

Һьнә мәзьнед хәбате жь хәбатчийед хԝә дәʹԝа дькьн, ԝәки тʹела ԝан 24 сьһʹәта вехьсти бә у әԝ һазьр бьн щаба тʹеле бьдьн. Ле һьнә мәрьв жи, хәбата кʹижана ве йәке дәʹԝа накә, паши хәбате малда хәбата хԝә бәрдәԝам дькьн. Мерәки бь наве Ли ӧса дьбежә: «Әв ԝәʹде кӧ әз вәдьԛәтиньм, ԝәки тʹәви жьна хԝә дәрбаз кьм, гәләк чәтьн ә хԝә контрол кьм у дина хԝә нәдьмә һʹәму зәнгьл у смсед хәбатева гьредайи». Жьнәкә бь наве Щой, дьбежә: «Әз жь мале дьхәбьтьм, ләма жи мьнрʹа сәрԝахти лазьм ә, ԝәки бьзаньбьм кʹәнге хәбата хԝә дәстпекьм у кʹәнге бьдьмә сәкьнандьне».

БЬФЬКЬРӘ: Гәло тӧ рʹьнд гӧһ дьди һәвалзәԝаще хԝә чахе әԝ тʹәви тә хәбәр дьдә? (ЛУԚА 8:18)

АМЬНИ

Жь ленколинкьрьнәке избат бу, ԝәки хәбьтандьна техноложийе буйә мәʹнийа сәрәкә бона шәрʹ-дәʹԝе ортʹа жьн-мера. Дәһә сәләф жь ԝан, йед кӧ ве леколинеда щаба хԝә дан, готьн ԝәки әԝана жь һәвалзәԝаще хԝә ван шьклед кӧ дькьнә интернете, вәдьшерьн.

Бь рʹасти техноложи һежа йә кӧ әв те навкьрьне «дәшта бомбе бона зәԝаще» у һәла һе «идара нәмамийе у бенамусийе» жи. Әʹщебмайи нинә кӧ ԛанунзанед һәвԛәтандьне дьбежьн, ԝәки интернет у техноложи сәбәбед сәрәкә нә кӧ жьн-мер жь һәв дьԛәтьн.

БЬФЬКЬРӘ: Гәло тӧ һәләԛәтийа хԝәйә тʹәви кәсәки жь һәвалзәԝаще хԝә вәдьшери? (МӘТʹӘЛОК 4:23)

ЧЬ ЙӘ ТЬШТЕ ҺӘРИ ФӘРЗ

Мәрьв кӧ хԝарьне нәхԝә, ԝе ԛьдум бькʹәвә у зийане бьдә сьһʹәт-ԛәԝата хԝә. Мина ԝе йәке мәрьве кӧ ԝәʹдә тʹәви һәвалзәԝаще хԝә дәрбаз накә, ԝе зийане бьдә зәԝаща хԝә (Әфәси 5:28, 29).

Жь ван ширәтед кӧ жере һатьнә дайине, кʹижан кӧ ԝе ԝәрʹа керһати бьн, хԝәрʹа бьжберьн у һьнәка жи хԝәха бьньвисьн, йед кӧ ԝе нәһельн, ԝәки техноложи зийане бьдә зәԝаща ԝә.

• Рʹоже һәма щарәке тʹәвайи нан бьхԝьн

• Сафи кьн кӧ кʹижан ԝәʹдәйи һащәтед әләктроник нәдьнә хәбате

• Ԝәʹдә кʹьфш кьн, ԝәки тʹәвайи бь романтик дәрбаз кьн

• Шәв пешийа кӧ рʹазен, һащәтед хԝәйә әләктроник весиньн йан жи дайньн отʹахәкә дьн

• Рʹоже һәма 15 дәԛа бе һащәтед әләктроник һәвдӧрʹа хәбәр дьн

• Ԝәʹдә кʹьфш кьн, кӧ һәр рʹож чь чах интернете весиньн