ЧЬМА ФӘРЗ Ә ԚӘДЬР БЬДЬНӘ КʹЬФШЕ ҺЬНДАВА ХԜӘДА

• Ль гора лекʹолинәке һатә кʹьфше, ԝәки әԝ мәрьвед кӧ хԝә ԛимәт накьн, зу хәмгин дьбьн, дькʹәвьнә депресийайе у нькарьн хԝарьне рʹьнд бьмәһʹиньн. Мәрьвед ӧса хԝә ичʹке у наркотикайева дьгьрьн.

• Әԝ мәрьв йед кӧ ԛәдьре хԝә заньн у хԝә бәрамбәри мәрьвед дьн накьн, һеса дькарьн тʹәви мәрьва бькʹәвьнә хәбәрдане у хԝәрʹа һәвала ԛазанщ кьн. Ле әԝ мәрьв, йед кӧ ԛәдьре хԝә ньзаньн у һәр тьштида кемасийа дьвиньн, дькарьн һәләԛәтийа хԝә тʹәви мәрьва хьраб кьн.

• Әԝ мәрьвед кӧ ԛәдьре хԝә заньн, ԝәʹде проблема диса жи ԛәԝи дьминьн; әԝана изьне надьн тʹӧ тьшт рʹийа ԝан бьгьрә, сәва бьгьһижьнә нетед хԝә. Ле мәрьвед кӧ чаԝа лазьм ә ԛәдьре хԝә ньзаньн, зу сьст дьбьн у дәсте хԝә бәржер дькьн, гава щәм ԝан тьштәк найе стандьне чаԝа кӧ ԝана ԝе бьхԝәста, у әԝ йәк бона ԝан дьбә проблемәкә мәзьн.

 ТӦ ЧЬ ДЬКАРИ БЬКИ

Һәвалед ӧса бьжберә йед кӧ ԝе тә ԛәԝи кьн. Тʹәви мәрьвед ӧса һәвалтийе бькә, йед кӧ ԛәдьре тә дьгьрьн, кʹара тә дьхԝазьн, баш сәр тә һʹӧкӧм дькьн у тә ԛәԝи дькьн.

Али кәсед дьн бькә. Тӧйе жь дайине шабунәкә мәзьн бьстини, һәрге һьндава мәрьвада ԝи чахи жи ԛәнщийе бьди кʹьфше, гава әԝана һьндава тәда ԛәнщ нибьн. У те һьнге жи шабуне бьстини һәрге тʹӧ кәс ԛәнщийа тә нәвинә.

Али зарʹед хԝә бькә, ԝәки ԛәдьре хԝә бьгьрьн. Мәсәлә, изьне бьде зарʹед хԝә, кӧ әԝана хԝәха бь щурʹе хԝә проблемед хԝә сафи кьн. Әв йәк ԝе али зарʹед тә бькә һин бьн хԝәха сафикьрьна бькьн у сәре хԝә жь чәтьнайа дәрхьн. Әԝ метод ԝе али зарʹед ԝә бькә, кӧ ԛәдьре хԝә бьгьрьн у гава әԝана мәзьн бьн жи ԝе кери ԝан бе.