Чьма Ԛәдьр Кем Буйә Һьндава Әʹмьр?

ВЕХӘ

ЧЬМА ФӘРЗ Ә ԚӘДЬР БЬДЬНӘ КʹЬФШЕ ҺЬНДАВА ӘʹМЬРДА

Чахе тӧ тьштед ӧса дьки, чь кӧ зийане дьдә сьһʹәт-ԛәԝата тә, әв йәк дьдә кʹьфше, ԝәки тӧ әʹмьре хԝә у әʹмьре мәрьвед дьн ԛимәт наки.

Кʹьшандьна щьхаре нә тʹәне кʹансәре пешда тинә, ле һьм жи бәдәне ӧса сьст дькә, кӧ әԝ нькарә пешбәри нәхԝәшийе шәрʹ бькә. Ԝәкә 90 сәләф кʹансәра пʹьшька щәм ԝан мәрьва пешда те, йед кӧ щьхаре дькʹьшиньн у щәм ԝан йед кӧ кʹеләка ԝан ьн.
Гӧләкьрьн мәкʹтәбада һәр сал еша емосийали пешда тинә. Занингәһа Станфорде ӧса дьбежә: «Ль гора лекʹолинәке әʹйан бу, ԝәки зарʹед кӧ ԝәʹде гӧләкьрьна мәкʹтәбеда әʹмьре хԝә хьлаз дькьн жи, йәкә жь еша емосийали гәләк сала дьчәрчьрьн».
Мәрьвед кӧ ичке вәдьхԝьн йан жи наркотикайе дьдьнә хәбате у паше авте дажон, һьм сәр рʹе хофийе пешда тиньн, һьм жи кʹеләка рʹе кʹидәре мәрьв дьчьн-тен. Чахе мәрьв әʹмьр ԛимәт накьн, мәрьвед нәнәһәԛ зийане дьстиньн йан жи дьчәрчьрьн.

ТӦ ЧЬ ДЬКАРИ БЬКИ

Мьԛати сьһʹәт-ԛәԝата хԝә бә. Тʹӧ щар дәрәнг нинә тʹәрка щьхаре, ичке у наркотикайе бьди. Әв тьшт зийане дьдьнә әʹмьре тә у дьдьнә кʹьфше, ԝәки тӧ ԛәдьре мәрьвед дор-бәре хԝә у малбәта хԝә нагьри.

«Жь һʹәму кʹьретийа ԛальб … хԝә паԛьж кьн» (2 Корьнтʹи 7:1).

Фәсал бә. Сәва кӧ тӧ зийане нәстини, мала тәда гәрәке һәр тьшт чекьри бә. Мьԛати әʹрәба хԝә бә у фәсал бажо. Нәһелә ԝәки кәсәк зоре тә бькә кӧ тьштед ӧсава мьжул би, чь кӧ дькарә зийане бьдә тә йан жи әʹмьре тә жь тә бьстинә.

«Гава тӧ мала ну чеки, сәр бани дора ԝе сурәкә ньмьз чекә, ԝәки тӧ хуне нәйни ль сәр мала хԝә, гава йәк жь сәр бан бькʹәвә» (Ԛануна Дӧщари 22:8). a

Мәрьварʹа һʹәйф бә. Һʹәчʹи зәʹф зордари у шәрʹ жь бо нәфрʹәтийе пешда тен. Чахе әм ԛәдьр дьдьнә кʹьфше һьндава әʹмьр, әв йәк те һʹәсабе кӧ әм һʹәму мьләтарʹа, бәрәкарʹа, дәԝләмәнд у кʹәсибарʹа һʹәйф ьн.

«Дә бьра һәр тәʹлайи, һерс, бәрзәԛи, ԛарʹә-ԛарʹ у кʹьфьри-зьфьри жь ԝә дур бьн тʹәви һәр щурʹә кʹин-бохийева. У һәврʹа ширьн у дьлшәԝат бьн» (Әфәси 4:31, 32).

ШӘʹДЕД ЙАҺОԜА ЧЬ ДЬКЬН

Шәʹдед Йаһоԝа һин дькьн кӧ мьԛати сьһʹәт-ԛәԝата хԝә бьн. Һинбуна Кʹьтеба Пироз йа кӧ әм дәрбаз дькьн али мәрьва дькә, кӧ тʹәрка тьштед ӧса бьдьн, чь кӧ зийане дьдә әʹмьре ԝан.

Әм гӧһ дьдьнә рʹебәрийед бона бехофийе сәр проектед авакьрьне. Әԝед кӧ бь рʹәзәдьли аликʹарийе дьдьн бона авакьрьна одед щьвата у авайед кӧ бона мәкʹтәбед сәр һʹиме Кʹьтеба Пироз дәрбаз дьбьн, рʹьнд тенә һинкьрьне ԝәки зийане нәстиньн. Авайед мә тʹьме тенә щерʹьбандьне ль гора ԛануна бехофийе йа ԝи ԝәлати, кʹидәре әԝана тенә авакьрьне.

Әм ԝәʹде ԛәзийа аликʹарийе дьдьн. Нава 12 мәһед пашԝәхтийеда сәр тʹәмамийа дьнйайе ԝәкә 200 ԛәзи ԛәԝьмин у сәва кӧ аликʹарийе бьдьнә ԝан йед кӧ зийан стандьбун, мә ԝәкә 12 милйон доларед ԛӧрбанкьри хәрщ кьр.

Чахе жь бо нәхԝәшийа Әбола Африкайа Рʹоавайеда (сала 2014) у Кʹомара Конгойа Демократикда (сала 2018) дәстпебу ԛьрʹа мәрьва бе, мә мәрьв һин дькьрьн кӧ чь бькьн, ԝәки әԝ нәхԝәшийа кӧ мьрьне пешда тинә бәла нәбә. Мә бьред щабдар шанд, ԝәки мәрьварʹа готара бь наве «Гӧһдарикьрьн Жийине Дьпарезә» бьхуньн. Һʹәму одед щьватада мә щийе бона дәстшуштьне чекьр у мә шьровәкьр, кӧ чьма фәрз ә дәсте хԝә бьшон, ӧса жи ԝан тьшта бькьн, чь кӧ наһельн нәхԝәши бәла бә.

Сиерра-Леонеда пе радиойе, пʹайе Шәʹдед Йаһоԝа дан у готьн кӧ ԝана һьм али баԝәрмәндед хԝә дькьрьн, һьм жи али нә Шәʹдед Йаһоԝа, кӧ пешбәри нәхԝәшийа Әбола шәрʹ бькьн.

Щийе дәстшуштьне Ода Щьватеда, сала 2014 ԝәʹде нәхԝәшийа Әбола, Либәрйайеда.

a Бәре Рʹоһьлата Навинда, әв дәʹԝакьрьна билани хәмкьрьн дьда кʹьфше бона бехофийа нәфәред мале у мәрьвед дьн.

Һ′ЬШЙАР БЬН!