МӘРЬВ ЧЬ ДЬБЕЖЬН?

Гәләк мәрьв хӧмарбазийеда тьштәки хьраб навиньн, илаһи һәрге ԛанун изьне дьдә. Һьнә щурʹә хӧмарбази бь ԛануни нә, мәсәлә латарейа. Пʹәред кӧ жь ԝан латарейа тенә ԛазанщкьрьне, дәԝләт бона кʹара щьмәʹте дьдә хәбате.

КЬТЕБА ПИРОЗ ЧЬ ДЬБЕЖӘ?

Кʹьтеба Пирозда дәрһәԛа хӧмарбазийе рʹастә-рʹаст тьштәки найе готьне. Ле һәнә принсип, йед кӧ ньһерʹандьна Хԝәде дәрһәԛа хӧмарбазийе дьдьнә кʹьфше.

Нета ԝан листька әԝ ә, кӧ пʹәра ԛазанщ ки бь сайа ве йәке, гава кәсәк дьдә дәр. Әԝ йәк мьԛабьли тʹәмийа жь Кʹьтеба Пироз ә, кʹижан кӧ дьбежә ԝәки жь һʹәму щурʹә «тьмайе» хԝә дур бьгьрьн (Луԛа 12:15). Бь рʹасти һʹәма тьмайи мәрийа һелан дькә, ԝәки хӧмарбазийева мьжул бьн. Мәрьв ӧса дьхԝазьн дәԝләти бьн, кӧ пʹәред ԛальм датиньн сәр ԝан листька. Щийе листька пе щекпотед мәзьн, дина мәрийа дькʹьшиньн бәрбь хԝә. Ле бь рʹасти әԝана мәрьварʹа навежьн кӧ мәщалед ԝан гәләк һьндьк ьн, сәва кӧ пʹәра ԛазанщ кьн.

Хԝәстьна һәр листькванәки әԝ ә, ԝәки ԝан пʹәра ԛазанщ кьн, кʹижан кӧ мәрьвед дьн ӧнда дькьн. Кʹьтеба Пирозда те готьне: «Нәбә кӧ йәк кʹара хԝә бьгәрʹә, ле йа һәвале хԝә» (1 Корьнтʹи 10:24). У тʹәмик жь дәһә тʹәмийа ӧса дьбежә: «Дьлһавьжийа . . . тьште тʹӧ кәси» нәки (Дәркʹәтьн 20:17). Чахе мәрьв дьхԝазә пʹәре ԛальм ԛазанщ кә, әԝ ча бежи дьхԝазә ԝәки кәсәк пʹәре хԝә ӧнда кә.

Хенщи ԝе йәке, Кʹьтеба Пироз дьбежә, ԝәки хоф ә баԝәр бькьн кӧ бәхт әԝ ԛәԝата жорьн ә, кʹижан кӧ рьсԛ тинә. Ԝәʹде бәре баԝәрийа һьнә Исраелийа сьст бу у ԝана дәстпекьр ча бежи «сьфьре Хԝәдайе Бәхтрʹа вәкьн». Ле гәло Хԝәде әве йәке ԛәбул дькьр? На. Әԝи готә ԝан: «Ԝә йа дь чʹәʹве мьнда хьраб ә кьр у йа кӧ бь дьле мьн нә хԝәш ә һьлбьжарт» (Ишайа 65:11, 12, ИМ).

Һьнә ԝәлатада пʹәред кӧ жь хӧмарбазийе ԛазанщ дькьн, дьдьнә хәбате бона пешдачуйина һинбуне, економикайе у тьштед дьн. Рʹаст ә әԝ пʹәрә бона тьштед баш тенә хәбьтандьне, ле әԝ найе һʹәсабе кӧ ԛазанщкьрьна ԝан пʹәра бь ԝи щурʹәйи, әԝ тьштәкә баш ә, чьмки хӧмарбази мәрийа бәрбь тьмайе у хԝәһʹьзийе һелан дькә.

«Дьлһавьжийа . . . тьште тʹӧ кәси» нәки (Дәркʹәтьн 20:17).

КʹЬТЕБА ПИРОЗ ЧЬ ДЬБЕЖӘ

Кʹьтеба Пироз дьбежә: «Ле әԝед кӧ дьхԝазьн дәԝләти бьн, тенә щерʹьбандьне, дькʹәвьнә тʹәләка у гәләк тәмед ахмах у зийанкʹар, кʹижан мерьв нӧԛи миратʹийе у ԝеранбуне дькьн» (1 Тимотʹейо 6:9). Һʹиме хӧмарбазийе тьмайи йә у әв һʹӧнӧрәкә ӧса хьраб ә, кӧ Кʹьтеба Пирозда әԝ тʹәви ԝан шьхӧла те ньвисаре, кʹижан кӧ Хԝәде сущдар дькә (Әфәси 5:3).

Мәрьвед кӧ хӧмарбазийе дьлизьн, дьфькьрьн кӧ әԝана һеса дькарьн дәԝләти бьн, ле әв йәк һʹьзкьрьна мәрьва һьндава пʹәрада пешда тинә. У Кʹьтеба Пироз дьбежә: «Пʹәрәһʹьзи каникә һәр щурʹә хьрабийе йә». Пʹәрәһʹьзи дькарә һеса мәрьва зәфти хԝә кә у мәрьв дькарә һьм рʹьһʹәтийа дьл ӧнда кә, һьм жи баԝәрийа ԝи һьндава Хԝәде ԝе сьст бә. Кʹьтеба Пирозда ньвисар ә, ԝәки мәрьвед пʹәрәһʹьз «хԝә кьрьнә хԝәйе кӧл у дәрда» (1 Тимотʹейо 6:10).

Чахе тьмайи кʹока хԝә дьле мәрьвада бәрдьдә, мәрьв ида әʹмьре хԝәрʹа нәԛайил ә у һьм жи шабуна хԝә ӧнда дькә. Кʹьтеба Пирозда ньвисар ә: «Кәсе кӧ жь пʹәра һʹьз дькә, жь пʹәра тʹер набә», у йе кӧ дәԝләмәндти һʹьз дькә, әԝ жи тʹер набә (Ԝаиз 5:10, ИМ).

Гәләк мәрьв һини хӧмарбазийе бунә у әԝана кʹәтьнә тʹәлька ԝе. Листькед хӧмарбазийе бунә проблемәкә мәзьн. Мәсәлә, ль гора һʹәсабәке, Дәԝләтед Йәкбуйида бь милйона мәрьв хӧмарбазийева һатьнә гьредане у нькарьн тʹәрка ве йәке бьдьн.

Кʹьтеба Пироз дьбежә: «Әԝ мьлкʹе кӧ пешда бь ләзо-бәз һатийә дәстхьстьн, ԝе ахьрийеда дӧайе ле ԝе нәйе кьрьн» (Мәтʹәлок 20:21). Жь бо ван листька мәрьв дькʹәвьнә дәйна, у бьн дькʹәвьн, гәләк жь ԝана хәбате ӧнда дькьн, һәвала у нәфәред хԝә жи. Ле һәрге мәрьв принсипед Кʹьтеба Пироз бьдьнә хәбате, ԝе хԝә жь ԝан тьштед хьраб дур бьгьрьн, кʹижан кӧ жь бо хӧмарбазийе пешда тен.

«Ле әԝед кӧ дьхԝазьн дәԝләти бьн, тенә щерʹьбандьне, дькʹәвьнә тʹәләка у гәләк тәмед ахмах у зийанкʹар, кʹижан мерьв нӧԛи миратʹийе у ԝеранбуне дькьн» (1 Тимотʹейо 6:9).