Рʹуспи Чаԝа Дькарьн Бьред Дьн Һин кьн?
«Дәма һәр тьшти һәйә» (ԜАИЗ 3:1).
1, 2. Дь гәләк щьватада бәрпьрсийаред мьһале чь тʹәхмин кьрьн?
БӘРПЬРСИЙАРЕ мьһале ида хьлаз дькьр щьвата тʹәви рʹуспийа. Әԝи ԝан бьра дьньһерʹи у бал ԝи һʹьзкьрьна ԛайим пешда дьһат бона шьхӧлкʹарийа ԝанә гьран, у һьнәк бона ԝи ча бав бун. Ле дьле ԝида пьрсәкә фәрз һәбу, дәрһәԛа чь жи әԝ дьфькьри. Әԝи пьрси: «Бьрано, ԝә чь кьр бона һинкьрьна бьред дьн, ԝәки әԝана һе зедә щабдарийе һьлдьн дь щьватеда?» Ԝан рʹуспийа заньбун кӧ ԝәʹде сәрледана пешийа ԝе щаре, бәрпьрсийаре мьһале әԝана һелан кьрьбун, ԝәки һе зедә ԝәʹдә хәрщ кьн сәва кӧ бьред дьн һин кьн. Хьлазийе, рʹуспики щаба хԝә да у гот: «Мә гәләк һьндьк кьр». У һʹәму рʹуспи жи тʹәви ԝи ԛайил бун.
2 Һәрге тӧ рʹуспи йи, дьбәк тә жи щаба хԝә ӧса бьда. Бәрпьрсийаред мьһале тʹәхмин кьрьн, ԝәки гәләк рʹуспийарʹа лазьм ә епʹещә ԝәʹдә хәрщ кьн, сәва кӧ бьред щаһьл у әʹмьрда мәзьн һин кьн, ԝәки әԝана али щьвате бькьн. Ле әԝ йәк дькарә гәләк чәтьн бә. Чьрʹа?
3. а) Кʹьтеба Пироз ча нишан дькә ԝәки гәләк фәрз ә йед дьн һин кьн, у чьрʹа һәр кәс жь мә гәрәке мьжул бә ԝе һинкьрьнева? (Бьньһерʹә спартьн.) б) Чьрʹа һьнә рʹуспийарʹа дькарә чәтьн бә ԝәки йед дьн һин кьн?
3 Чаԝа рʹуспи, тӧ зани ԝәки фәрз ә ԝәʹдә хәрщ ки сәва кӧ бьра һин ки. a (Бьньһерʹә спартьн.) Тӧ зани ԝәки гәләк бьра лазьм ьн ԝәки али щьвата бькьн кӧ ԛәԝи бьминьн у ӧса жи паше али щьватед тʹәзә бькьн. (Бьхунә Ишайа 60:22.) Кʹьтеба Пироз дьбежә кӧ тӧ гәрәке йед «дьн һин» ки. (Бьхунә 2 Тимотʹейо 2:2.) Ле дькарә чәтьн бә ԝәки ԝәʹдә бьвини кӧ әԝе йәке бьки. Чьмки тӧ гәрәке бьхәбьти у һʹәԝщед малбәта хԝә рʹази ки. Тӧ ӧса жи хәм дьки дәрһәԛа һʹәԝщед щьвате у дәрһәԛа тьштед фәрзә дьн. Рʹаст ә гәләк тьшт һәйә ԝәки бькьн, ле ԝәрен шеԝьр кьн кӧ чьрʹа гәләк фәрз ә ԝәки ԝәʹдә бьвиньн, сәва кӧ йед дьн һин кьн.
ҺИНКЬРЬН ГӘЛӘК ФӘРЗ Ә
4. Щара рʹуспи чьрʹа паш дьхьн кӧ бьред дьн һин кьн?
4 Чьрʹа дькарә чәтьн бә ԝәʹдә хәрщ кьн ԝәки дь щьватеда бьред дьн һин кьн? Һьнәк ӧса дькарьн дьшьрмиш бьн: «Дь щьватеда һәнә тьштед дьһа фәрз, у гәрәке ләз бенә кьрьне. Һәрге әз ньһа бьред дьн һин нә кьм, әԝ ԝе сәр щьвате һʹӧкӧм нәбә». Гәло әԝ йәк рʹаст ә? Бона тьштед дьн жи лазьм ә ләз дина хԝә бьдейи. Ле һәрге тӧ һинкьрьна бьра пашхи, тӧ дькари бь рʹастийе зийане бьди щьвате.
5, 6. Әм чь дькарьн һин бьн жь мәсәла дәрһәԛа ажован, у ча әԝ мьԛатийе әʹрәбә хԝә дькә? Әм ча дькарьн әԝе мәсәле бәрамбәр кьн тʹәви һинкьрьне дь щьватеда?
5 Дьшьрмиш бә сәр ԝе мәсәле. Ажован занә кӧ сәва әʹрәбә бе хԝәйкьрьне, лазьм ә тʹьме рʹуне ԝе бьгӧһезә. Ле әԝ дькарә дьшьрмиш бә бәнзине (пәтрол) бәри әʹрәбе дә, әԝ йәк дьһа фәрз ә, сәва кӧ әʹрәбә нәсәкьнә. Әԝ ӧса жи дькарә дьшьрмиш бә кӧ һәрге әԝ бәтал нинә дькарә рʹун дәрәнг бьгӧһезә. Рʹаст ә әʹрәбә һьнә ԝәʹдә ԝе бьхәбьтә. Ле әԝ йәк дькарә гәләк хоф бә. Һәрге ажован ԝәʹдәда рʹун нәгӧһезә, ԝи чахи зу йан дәрәнг әʹрәбә ԝе хьраб бә. Ахьрийеда, ԝирʹа ԝе лазьм бә гәләк ԝәʹдә у пʹәрә хәрщ кә, ԝәки әʹрәбе чекә. Жь ве мәсәле әм чь дькарьн һин бьн?
6 Рʹуспи гәрәке дәрһәԛа тьштед фәрз зу хәм бькьн. Һәрге әԝана ӧса нәкьн, щьвате зийане бьстинә. Чаԝа ажован гәрәке тʹьме бәнзине бәри әʹрәбе дә, ӧса жи рʹуспи гәрәке «кʹижан һәрә ԛәнщ ә» бьжберә (Филипи 1:10). Ле һьнә рʹуспи дькарьн ӧса тьштед фәрзва гьредайи бьн, кӧ ԝәʹде ԝан тʹӧнә ԝәки йед дьн һин кьн. Әԝ дьбә мина ԝе йәке, кӧ рʹунбәрдана әʹрәбе пьшгӧһе хԝәва бавежи. Һәрге рʹуспи әʹглә дьбә кӧ бьра һин кә, зу йан дәрәнг щьватеда ԝе тʹӧнә бьн бьред һинбуйи, сәва хәм бькьн дәрһәԛа һʹәму тьштед кӧ гәрәке бенә кьрьне.
7. Әм ча гәрәке бьньһерʹьн сәр ԝан рʹуспийа, йед кӧ ԝәʹдә дьвиньн йед дьн һин кьн?
7 Демәк тʹӧ щар дьшьрмиш нәбә ԝәки йед дьн һин ки фәрз нинә. Рʹуспийед кӧ хәм дькьн дәрһәԛа ахьрийа щьвате у ԝәʹдә дьвиньн сәва кӧ йед дьн һин кьн, әԝана билан ьн у гәләк ԛимәт ьн бона хушк бьред хԝә. (Бьхунә 1 Пәтрус 4:10.) Ле чаԝа щьват кʹаре дьстинә?
ԜӘʹДӘ РʹАСТ БЬДӘ ХӘБАТЕ
8. а) Чь рʹуспийа һелан дькә ԝәки йед дьн һин кьн? б) Рʹуспийед кӧ ԛӧльх дькьн ԝедәре кʹидәре һʹәԝщәти зәʹф ә, чь щабдарийа ԝанә фәрз һәйә? (Бьньһерʹә чаргошә « Шьхӧла Фәрз».)
8 Һәла һе рʹуспийед щерʹьбанди жи гәрәке мьлук бьн у фәʹм бькьн кӧ чахе әԝана кал бьн, ԝе нькарьбьн һаԛаси бькьн чьԛаси ньһа дькьн (Миха 6:8). Ӧса жи рʹуспи гәрәке бьзаньбә кӧ «ԝәхт у дәм» дькарьн ньшкева чәтьнайе ӧса ԝанрʹа биньн, ԝәки чәтьн бә щабдарийа хԝә бьԛәдиньн (Ԝаиз 9:11, 12; Аԛуб 4:13, 14). Жь бо ве йәке кӧ рʹуспи щьмәʹта Йаһоԝа һʹьз дькьн у бона ԝан хәм дькьн, әԝана гәләк дьхәбьтьн ԝәки бьред щаһьл һин кьн, чь кӧ әԝана гәләк сала һин бунә. (Бьхунә Зәбур 71:17, 18.)
9. Жь бо кʹижан ԛәԝьмандьна ахьрийе, һинкьрьн һе фәрз ә?
9 Рʹуспийед кӧ йед дьн һин дькьн гәләк ԛимәт ьн, сәва ве йәке жи, кӧ бь сайа щәфе ԝан щьват ԛәԝи дьбә. Әԝ һинкьрьн гәләк али бьра дькьн ԝәки һазьр бьн али щьвате бькьн сәва кӧ щьват йәктийеда бьминә у амьн бә Хԝәдерʹа. Әԝ йәк ньһа ԝәʹде рʹожед ахьрийе лазьм ә, у ԝе гәләк фәрз бә ԝәʹде һатьна тәнгасийа мәзьн (Һәзәԛел 38:10-12; Миха 5:5, 6). Гәли рʹуспийед дәлал, рʹожа ирода дәстпекьри тʹьме ԝәʹдә бьвиньн, ԝәки йед дьн һин кьн.
10. Рʹуспи чь гәрәке бькә ԝәки бона һинкьрьне ԝәʹдә бьвинә?
10 Әм фәʹм дькьн ԝәки графика тә ида тʹьжә йә, чьмки тӧ хәм дьки дәрһәԛа тьштед щьватейә фәрз. Ләма тәрʹа лазьм ә, ԝәки һьнә ԝәʹде бона шьхӧле щьвате кем ки у хәрщ ки сәва һинкьрьна бьра (Ԝаиз 3:1). Һәрге тӧ ӧса бьки, те ԝәʹдә рʹаст хәрщ ки у ахьрийеда тӧйе кʹаре бини щьватерʹа.
ДЬЛЕ ШАГЬРТ ҺАЗЬР КӘ
11. а) Жь ширәтед кӧ рʹуспийед дь щурʹәщурʹә ԝәлатада дан, чь те кʹьфше? б) Ль гора Мәтʹәлок 15:22, чьрʹа фәрз ә ԝәки әм шеԝьр кьн дәрһәԛа ширәтед рʹуспийед дьн?
11 Ԝан пашԝәхтийа, жь һьнә рʹуспийед щерʹьбанди, йед кӧ бьра һин дькьн кӧ щьватеда һе зедә бькьн, пьрсин кӧ ча әԝана бьра һин дькьн. b (Бьньһерʹә спартьн.) Рʹаст ә әԝана щурʹә-щурʹә ԝәлата у щьватада бун, ле ширәта һʹәмуйа мина һәв бу. Әԝ йәк чь кʹьфш дькә? Әԝ нишан дькә кӧ һинкьрьна сәр һʹиме Кʹьтеба Пироз керһати йә «ль һәр дәра һʹәму щьвина» (1 Корьнтʹи 4:17). Дь ве тʹемайеда у дь тʹема дьнда әме шеԝьр кьн дәрһәԛа һьнә ширәтед ԝан рʹуспийа (Мәтʹәлок 15:22). Рʹуспийед кӧ һин дькьн әм нав кьн ча һинкʹар, ле әԝед кӧ һин дьбьн ча шагьрт.
12. Чь гәрәке һинкʹар бькә һʹәта кӧ дәстпекә һин кә у чьрʹа?
12 Йа пешийе, һинкʹар гәрәке дьле шагьрт һазьр кә. Ле чьрʹа әԝ йәк фәрз ә? Чаԝа кӧ йе дьчинә, пешийе әʹрд һазьр дькә паше тʹохьм дьрʹәшинә, һинкʹар жи гәрәке пешийе дьле шагьрт һазьр кә, паше тьштед тʹәзә ԝи һин кә. Ле чаԝа һинкʹар дькарә дьле шагьрт һазьр кә? Әԝ дькарә чʹәʹв бьдә һинкʹаре щерʹьбандийи бәре, пʹехәмбәр Самуйел.
13-15. а) Йаһоԝа чь готә Самуйел кӧ әԝ бькә? б) Самуйел ча Шаԝул һазьр кьр бона кʹьфшкьрьна ԝийә тʹәзә? (Бьньһерʹә шькьле әʹԝльн.) в) Чьрʹа мәсәла Самуйел дькарә рʹожа иройин бона рʹуспийа керһати бә?
13 Щарәке, 3 000 сал зедәтьр пашда, Йаһоԝа Самуйелрʹа кӧ әʹмьрда мәзьн бу гот: «Сьбе, дь ван ԝәхтанда жь ԝәлате Бәнйамин ԝе зьламәки жь тәрʹа бьшиньм у тӧйе ԝи ль сәр нәтәԝа [щьмәʹта] мьн Исраел, бона кӧ бьбә сәрок мәсһ [рʹун] бькә» (1 Самуйел 9:15, 16). Самуйел фәʹм кьр кӧ әԝ ида ԝе рʹебәрийе щьмәʹта Исраел нәкә, чьмки Йаһоԝа дьхԝазә ԝәки әԝ кәсәки дьн кʹьфш кә. У Самуйел сәва кӧ мәрьве тʹәзә һазьр кә, фькьри у план чекьр.
14 Рʹожа дӧда, Самуйел рʹасти Шаԝул һат, у Йаһоԝа готә ԝи: «А вай зьламе кӧ жь тәрʹа готьмә!» Дәрберʹа, Самуйел ӧса кьр чаԝа кӧ сафи кьрьбу. Әԝи мәщаләкә рʹьнд чекьр, ԝәки бькарьбә тʹәви Шаԝул хәбәрдә. Самуйел Шаԝул у ԛӧльхкʹаред ԝи тʹәглиф кьр сәр нанхԝарьне, у щийе лапи баш у хԝарьна лапә баш да ԝан. Самуйел гот: «А вай, йе кӧ дәст ле һатийә данин бьгьрә бәр хԝә у бьхԝә». Паши нанхԝарьне Самуйел Шаԝул тʹәглифи мала хԝә кьр. Рʹева ԝана бь һʹәԝас һәврʹа хәбәрдьдан. Чахе әԝана гьһиштьнә мала Самуйел, һьлкʹьшийанә сәр хани, у Самуйел «ль сәр хани бь Шаԝулрʹа ахьфи [хәбәрда]» һʹәта бьчуна рʹазана. Рʹожа дьн, Самуйел Шаԝул рʹун кьр, әԝ пач кьр, у гәләк ширәт да ԝи. Паши ве йәке, Шаԝул чу, чьмки әԝ һазьр бу бона дәрәщед кӧ ԝе бьԛәԝьмьн (1 Самуйел 9:17-27; 10:1).
15 Самуйел Шаԝул рʹун кьр ԝәки әԝ бьбә сәрԝере щьмәʹте. Рʹаст ә әԝ щӧда дьбә жь ԝе йәке чахе бьра һин дькьн кӧ щьватеда бьбьнә рʹуспи йан бәрдәстийед щьвате. Ле йәкә рʹуспи дькарьн гәләк дәрсед фәрз һин бьн, жь ԝе йәке кӧ чаԝа Самуйел дьле Шаԝул һазьр кьр. Ԝәрен хәбәрдьн дәрһәԛа дӧ дәрса.
ҺИНКʹАРЕД ТʹЬМЕ ҺАЗЬР У ҺӘВАЛЕД БАШ
16. а) Ча сәр Самуйел һʹӧкӧм бу, чахе исраелийа пʹадша хԝәстьн? б) Самуйел чь кьр чахе Йаһоԝа готә ԝи кӧ Шаԝул рʹун кә?
16 Тʹьме һазьр бә, әглә нәбә. Чахе Самуйел щара пешьн бьһист кӧ исраели дьхԝазьн ԝәки мәрьвәк бьбә пʹадша, әԝ бәрхԝәкʹәт у рʹази нәбу (1 Самуйел 8:4-8). Самуйел нәдьхԝаст пʹадша бьдә ԝан, у ләма Йаһоԝа се щара готә Самуйел кӧ гӧрʹа щьмәʹте бькә (1 Самуйел 8:7, 9, 22). Рʹаст ә Самуйел рʹази нибу, ле йәкә әԝи дәхәси нәкьр у һерс нәкʹәт сәр ԝи мәрьви, кʹе кӧ ԝе дәԝса ԝи бьбуйа сәркʹар. Чахе Йаһоԝа готә Самуйел ԝәки Шаԝул рʹун кә, әԝи хԝә әглә нәкьр. Әԝ һазьр бу гӧрʹа Хԝәде бькьра нә кӧ сәва борщдар бу, ле әԝи Йаһоԝа һʹьз дькьр.
Һинкʹарно, жь графика хԝәйә тʹьжә ԝәʹдә һьлдьн у сәр шагьрт хәрщ кьн
17. Рʹуспийед иро ча чʹәʹв дьдьнә Самуйел, у әԝана бона чь ша дьбьн?
17 Иро гәләк рʹуспийед щерʹьбанди һәнә, кӧ чʹәʹв дьдьнә Самуйел у бь һʹьзкьрьн йед дьн һин дькьн (1 Пәтрус 5:2). Әԝ рʹуспийед ԛәнщ, бь һазьрбуне йед дьн һин дькьн у натьрсьн щабдарийа хԝә ниви кьн тʹәви шагьртед хԝә. Дәԝсе, әԝана ԝана һʹәсаб дькьн ча һәвалԛӧльхкʹаред ԛимәт, йед кӧ ԝе кʹомәке бьдьн сәва һʹәԝщед щьвате (2 Корьнтʹи 1:24; Ибрани 13:16). Әԝ рʹуспийед һʹәлал, ша дьбьн чахе әԝ шагьрт фәрәсәтед хԝә дьдьнә хәбате, ԝәки али щьмәʹта Йаһоԝа бькьн (Кʹаред Шандийа 20:35).
18, 19. Рʹуспи чаԝа дькарә дьле шагьрт һазьр кә, у чьрʹа әԝ йәк фәрз ә?
18 Бьбә һәвал, нә кӧ тʹәне һинкʹар. Самуйел чахе рʹасти Шаԝул һат, әԝи дькарьбу дәрберʹа рʹун бәри сәр сәре ԝида у ӧса әԝ рʹункьра ча пʹадша. Пʹадше тʹәзә ԝе рʹункьри буйа, ле ԝе һазьр нибуйа рʹебәрийе щьмәʹта Хԝәде бькә. Дәԝсе, Самуйел ԝәʹдә хәрщ кьр сәва кӧ дьле Шаԝул һазьр кә бона щабдарийа ԝийә тʹәзә. Пешийа кӧ әԝи Шаԝул рʹункьра, ԝана тʹәвайи нан хԝар, гәрʹийан, гәләк ԝәʹдә тʹәви һәв хәбәрдан, у һәла һе һеса жи бун. Самуйел дьхԝаст ԝәʹде рʹастда пʹадше тʹәзә рʹун кә.
Дәстпекьрьна һинкьрьне гәрәке дәстпебә бь һәвалтийе (Бьньһерʹә абзаса 18, 19)
19 Иро жи ӧса нә. Пешийа кӧ рʹуспи дәстпекә бьра һин кә, әԝ гәрәке ԛәԝате хәрщ кә ԝәки ԝирʹа бьбә һәвал. Әԝ йәк кӧ рʹуспи чь бькә ԝәки шагьртарʹа һʹәԝас бә, гьредайийә тʹәви дәрәщә у културайе. Фьрԛи тʹӧнә тӧ кʹӧ дьжийи, һәрге тӧ ԝәʹдә һьлдьди жь графика хԝәйә тʹьжә у хәрщ дьки бона шагьрт, әԝ ԝе бьзаньбә кӧ әԝ бона тә фәрз ә. (Бьхунә Рʹомайи 12:10.) Шагьрт ԝе әʹсә жь тә гәләк рʹази бә, ԝәки тӧ бона ԝи хәм дьки у ԝәʹде хԝә бона ԝи хәрщ дьки.
20, 21. а) Бь тʹәхмина тә һинкʹаре щерʹьбанди гәрәке чь щурʹәйи бә? б) Дь тʹема дьнда әме чь пебьһʹәсьн?
20 Рʹаст ә һинкʹаре щерʹьбанди һʹьз дькә кӧ йед дьн һин кә. Ле әԝ ӧса жи гәрәке ԝи мәрьви һʹьз кә кʹижани һин дькә. (Бәрамбәр кьн Йуһʹәнна 5:20.) Чьрʹа әԝ йәк фәрз ә? Чахе шагьрт тʹәхмин дькә кӧ тӧ ԝи һʹьз дьки, әԝ ԝе бьхԝазә у һазьр бә ԝәки жь тә һин бә. Демәк рʹуспи гәрәке нә кӧ тʹәне ԛәԝате хәрщ кә сәва һин кә, ле ӧса жи гәрәке бьбә һәвале баш (Мәтʹәлок 17:17; Йуһʹәнна 15:15).
21 Паши һазьркьрьна дьле шагьрт, рʹуспи дькарә дәстпекә һин кә. Ле рʹуспи дькарьн кʹижан метода бьдьнә хәбате? Дь тʹема дьнда әм дькарьн пебьһʹәсьн.
a Әԝ тʹема бона рʹуспийа йә. Ле һәр йәк гәрәке әԝе информасийева мьжул бә. Чьрʹа? Әԝ йәк ԝе али һʹәму бьра бькә кӧ фәʹм бькьн ԝәки ԝанрʹа лазьм ә һин бьн, сәва кӧ щьватеда һе зедә бькьн. Чахе гәләк бьред щерʹьбанди һәнә кӧ али щьвате бькьн, щьватеда һәр кәс ԝе кʹаре бьстинә.
b Әԝ рʹуспи дьминьн ль Австралйайе, Бангладеше, Белжике, Бразилйайе, Франсайе, Гӧйана Франсийе, Жапонйайе, Корейайе, Мәксикайе, Намибйайе, Нижәрйайе, Реунйоне, Русйайе, Африкайа Башуре, у Дәԝләтед Йәкбуйи.
