Жь бо кʹәсиббуне һәр сал бь милйона мәрьв дьмьрьн, чьмки кемасийа хԝарьна ԝан һәйә у нәхԝәшийа ԝан. Рʹаст ә дьнена гәләк ԝәлатед дәԝләти һәнә, ле йәкә дьнйайеда һʹәчʹи зәʹф мәрьв кʹәсиббунеда дьжин. Кʹьтеба Пироз дьдә кʹьфше кӧ нава мәрьвада проблема кʹәсиббуне тʹьме һәбу. (Бьхунә Йуһʹәнна 12:8.)

Сәва кӧ кʹәсиббун тʹӧнә бә лазьм ә сәрԝертик сәр тʹәмамийа дьнйайерʹа. Ԛәԝата ԝе сәрԝертийе гәрәке бьгьһиже, кӧ һьм ресурсед дьнйайе рʹаст пʹаравәкә, һьм жи шәрʹа бьдә һьлдане, чьмки дьһа зәʹф мәʹнийа кʹәсиббуне шәрʹ ьн. Хԝәде һәма сәрԝертикә ӧса соз дайә. (Бьхунә Данийел 2:44.)

Хԝәде Кӧрʹе хԝә, Иса Мәсиһ жьбарт, сәва кӧ әԝ сәрԝертийе сәр һʹәму мәрьва бькә (Зәбур 2:4-8). Иса ԝе кʹәсибба хьлаз кә, у хьлазийа зӧлмийе у нәһәԛийе бинә. (Бьхунә Зәбур 72:8, 12-14.)

Чаԝа кӧ һатә пʹехәмбәртикьрьне, «Мире Әʹдьлайе», демәк Иса, ԝе әʹдьлайе у хԝәйкьрьне бинә сәр дьнйайе. Паши ве йәке, ԝе мала һʹәму мәрьва һәбә, хәбата пʹьрʹ һʹәԝас, у хԝарьна тʹер-тʹьжә. (Бьхунә Ишайа 9:6, 7; 65:21-23.)