БЬРЕД ЩАБДАР Шьхöле ԝан бьра әԝ ә, кö али мә бькьн. Ләма жи, жь кʹәрәма хԝә бь тʹәмами тʹәви ԝан шьхöлкʹарийе бькьн у чь кö әԝана дьбежьн бькьн. Мәсәлә кʹидәре авта хԝә гәрәке бьдьнә сәкьнандьне, чаԝа тʹәрбәтийе хԝәй кьн, щийед хԝә бьгьрьн у диса тьштед дьн.

НЬХÖМАНДЬН Әԝед кö бенә ньхöмандьне, гәрәке рʹожа Шәмийе шәбәԛе щийед хԝә ԝедәре бьгьрьн, кʹидәре кö ԝанарʹа һатийә кʹьфшкьрьне, сәва кö гöһ бьдьнә готара ньхöмандьне. Һәр кәс жь ԝана гәрәке тʹәви хԝә пʹежгир у кʹьнще лайиԛ сәва ньхöмандьне бинә.

ԚÖРБАНКЬРЬН Ль сәр щьвата мәзьн епʹещә щийед сәва рʹуньштандьне һәнә, һащәтед дәнгбьһистьне у öса жи тьштед дьн. Әв һʹәму тьшт бь рʹасти жи хәрщава гьредайи нә. Бь ԝан тьшта әм һʹәмушк шабуне дьстиньн у әԝ йәк али мә дькә һе незики Йаһоԝа бьн. Ԛöтʹийед сәва ԛöрбанкьрьне һун дькарьн һеса дь ода щьвата мәзьнда бьвиньн, әԝана öса жи бь нишана һатьнә кʹьфшкьрьне. Һун дькарьн бь онлайн ԛöрбанкьрьна бькьн сәр малпәра мә donate.pr418.com. Һʹәму ԛöрбанкьрьнед ԝә пʹьр тенә ԛимәткьрьне. Кʹома Рʹебәрийе рʹазибуна хԝә һьндава ԝә һʹәмушка дьдә кʹьфше, ԝәки һун бь мәʹрдани пьштгьрийа шьхöле Пʹадшатийе дькьн.

АЛИКʹАРИЙА ПЕШЬН Жь кʹәрәма хԝә бира хԝәда хԝәй кьн, кö ль ԝьр тʹәне аликʹарийа бь ләз дьдьн.

ИДАРА ТЬШТЕД ÖНДАКЬРИ Һʹәму тьштед öндакьри, йед кö һатьнә дитьне, гәрәке биньн ве Идаре. Һәрге ԝә тьштәк öнда кьр, жь кʹәрәма хԝә ԝәрен ве Идаре у тьштед хԝә бьвиньн. Зарʹед кö һатьнә öндакьрьне, öса жи гәрәке биньн ве Идаре. Ләма жи сәва кö тʹö кәси әʹщьз нәкьн у нәкʹәвьнә стресе, жь кʹәрәма хԝә мьԛати зарʹед хԝә бьн у бьра әԝана тʹьме кʹеләка ԝә бьн.

ЩИЙЕ РʹУНЬШТАНДЬНЕ Жь кʹәрәма хԝә һьндава йед дьнена жи бәрбьһер бьн. Щи тʹәне сәва нәфәред мала хԝә бьгьрьн, тʹәви кʹе һун пе авте һатьн, әԝед кö тʹәви ԝә дьминьн, әԝед тʹәви кʹижана һун һинбуна Кʹьтеба Пироз дәрбаз дькьн. Жь кʹәрәма хԝә ль сәр щийе кʹеләка хԝә, тʹö тьшт нәһельн сәва кö йед дьнена бьвиньн, ԝәки әԝ щи вала йә у бькарьбьн хԝәрʹа щи бьгьрьн.

АЛИКʹАРИЙА РʹӘЗӘДЬЛИ Һәрге һун дьхԝазьн аликʹарийе бьдьнә шьхöле кö дәрбазкьрьна щьвата мәзьнва гьредайи йә, дькарьн незики Идара Әʹламәтийа у Ԛöльхийа Рʹәзәдьли бьн.