Зандаред Кʹьтеба Пироз тʹәви ԝе йәке рʹази нә, кӧ Пәймана Кәвьнә орижиналеда наве Хԝәде бь Тетраграматон (יהוה) ԝәкә 7 000 щар һатийә ньвисаре. Ле жь ԝан һʹәчʹи зәʹф һʹәсаб дькьн, кӧ Пәймана Нуйә орижиналеда тʹӧнәбуйә наве Хԝәде. Ләма жи, гәләк ԝәлгәрʹандьнед Кʹьтеба Пирозә иройинда, «Пәймана Нуда» наве Хԝәде тʹӧнә. Гәләк ԝәлгәрʹа, чахе жь Пәймана Кәвьн рʹезед ӧса ԝәлдьгәрʹандьн, кʹидәре кӧ Тетраграматон һәбу, дәԝса наве Хԝәде сәрнавед ԝийә ӧса дьданә хәбате ча «Хӧдан».

Ле ԝәлгәрʹандьна «Дьнйа Тʹәзә» бь ви ԛәйдәйи нәһатийә чекьрьне. Ԝәлгәрʹа, Пәймана Нуда 237 щара наве Хԝәде «Йаһоԝа» данә хәбате. Ԝана дӧ тьштед фәрз һьлданә һʹәсаб: Йа пешьн, дәстньвисаред Пәймана Ну йед орижинал иро тʹӧнәнә, у әԝ дәстньвисаред кӧ иро һәнә, паши ньвисандьна орижинале лапә кем дӧ ԛьрʹнә шунда һатьнә ньвисаре. Йа дӧда, ԝан чаха кʹи кӧ жь дәстньвисара бәрдьгьртьн, Тетраграматон дьгӧһастьн сәр «Хӧдан», һьнәка жи жь дәстньвисаред ӧса бәрдьгьртьн, кʹидәре кӧ наве Хԝәде ида тʹӧнәбу у һатьбу гӧһастьне.

Комитейа «Ԝәлгәрʹандьна Дьнйа Тʹәзә» ль сәр һʹиме избтийед бь итʹбар, һатьн ль сәр ԝе нете, кӧ Пәймана Нуйә орижиналеда Тетраграматон һәбуйә. Жере тенә дайине әԝ избтийед бь итʹбар:

• Пәймана Кәвьнда, йа ԝәʹде Иса Мәсиһ у шандийед ԝи, Тетраграматон һәбу. Бәре, гәләк зандар тʹәви ԝе йәке рʹази нәдьбун, ле әԝ йәк избат бу чахе незики Кумране һатә дитьн дәстньвисарәкә Пәймана Кәвьн, йа ԛьрʹна йәке.

• Пәймана Кәвьнда, йа ԝәʹде Иса Мәсиһ у шандийед ԝи, йа кӧ ль сәр зьмане Йунани һатьбу ԝәлгәрʹандьне, Тетраграматон һәбу. Гәләк ԛьрʹна, зандара тʹьре кӧ Пәймана Кәвьнда йа ль сәр зьмане Йунани, демәк Септуагинтайеда наве Хԝәде бь Тетраграматон тʹӧнәбу. Ле ортʹа ԛьрʹна 20-да, һьнә пʹаред дәстньвисаред бәре йа Септуагинтайе һатьнә дитьн, кʹижан кӧ ԝәʹде Иса Мәсиһ дьданә хәбьтандьне. Ԝан ньвисарада наве Хԝәде бь һʹәрфед Ибрани һәйә. Әԝ те һʹәсабе, кӧ Кʹьтеба Пирозда сәр зьмане Йунани наве Хԝәде һәбу. Ле дәстньвисаред Септуагинтайеда йа ԛьрʹна чара Д.М., мәсәлә Кодекса Ватикани  у Кодекса Синайида, жь кʹьтеба Дәстпебун һʹәта Малахи наве Хԝәде тʹӧнә. Ләма жи әм әʹщебмайи наминьн кӧ дәстньвисаред Пәймана Нуда йа ԝан чаха, наве Хԝәде тʹӧнә.

  Иса Мәсиһ әшкәрә гот: «Әз бь наве Баве хԝә һатьм». Әԝи ӧса жи дьда кʹьфше, кӧ һʹәму тьшт «бь наве Баве» хԝә дькә.

• Жь ньвисаред Пәймана Ну те кʹьфше кӧ Иса Мәсиһ гәләк щар дьда хәбате наве Хԝәде у әԝ нав мәрийарʹа дьда наскьрьне (Йуһʹәнна 17:6, 11, 12, 26). Иса Мәсиһ рʹастә-рʹаст гот: «Әз бь наве Баве хԝә һатьм». Иса әԝ йәк жи кʹьфш кьр, кӧ әԝи бь наве баве хԝә һʹәму тьшт дькьр (Йуһʹәнна 5:43; 10:25).

• Ньвисаред Пәймана Ну жи чаԝа кӧ Пәймана Кәвьн, жь бина бәр Хԝәде йә, ләма жи ԝе бь логики нибуйа һәрге Пәймана Нуда наве Хԝәде тʹӧнә буйа. Ортʹа ԛьрʹна йәкеда Д.М. Аԛубе Шанди готә рʹуспийед Оршәлимеда: «Шьмһʹун гьли кьр, кӧ чаԝа пешийе Хԝәде рʹәʹма хԝә ль нәщьһуйа кьрьбу, кӧ жь нава ԝан щьмәʹтәке дәрхә, ԝәки наве ԝи һьлдьнә сәр хԝә» (Кʹаред Шандийа 15:14). Әԝ гьлийед Аԛуб ԝе нә бь логики буна, һәрге ԛьрʹна йәкеда тʹӧ кәси ньзаньбуйа у нәдана хәбате наве Хԝәде.

• Пәймана Нуда наве Хԝәде бь щурʹәки кьн ньвисанди һәйә. Кʹьтеба Әʹйанти 19:1, 3, 4, 6-да, ԝәлгәрʹандьна сәр зьмане Йунанида, һәйә хәбәра «Алелуйаһ». Әв хәбәр жь зьмане Ибрани һатийә у те һʹәсабе «Рʹумәт кьн Йаһ». Ле хәбәра «Йаһ» әв һәйә наве Хԝәде «Йаһоԝа» бь щурʹәки кьн ньвисанди. Пәймана Нуда диса нав һәнә, йед кӧ һʹиме ԝан жь наве Хԝәде һатийә һьлдане. Мәсәлә, гәләк зандар дьбежьн кӧ наве Иса те һʹәсабе: «Йаһоԝа йә Хьлазкьрьн».

• Жь ньвисаред бәре йед Щьһуйа, те кʹьфше кӧ Мәсиһийед Щьһу ньвисаред хԝәда наве Хԝәде дьданә хәбате. Ԝәкә сала 300-да Д.М., ньвисандьна ԛанунед әзбәри йа Тосәфта хьлаз бьбу. Ве кʹьтебеда дәрһәԛа ньвисаред Мәсиһити, йед кӧ рʹожа Шәмийе дьшәԝьтандьн, ӧса һатийә ньвисаре: «Кʹьтебед кӧ дьшәԝьтандьн, йед Мьзгинвана у минима [дьбәкә Мәсиһийед Щьһу] жь агьр хьлаз нәдькьрьн, ле дьһиштьн ԝәки әԝ кʹьтеб тʹәви наве Хԝәде кӧ теда ньвисар бун, бьшәԝьтьн». Диса ԝе кʹьтебеда  ньвисар ә гьлийед Мамостәки Щьһу бь наве Йосейе Щәлиле. Әԝ дәстпека ԛьрʹна дӧдада дьжит. Жь готьнед ԝи те кʹьфше, кӧ хенщи рʹожа Шәмийе, рʹожед дьнда жи кʹьтеб дьшәԝьтандьн, ле «наве Хԝәде жь ԝан ньвисара [ча те кʹьфше, жь ньвисаред Мәсиһийа] дьбьрʹин у хԝәй дькьрьн».

• Һьнә зандаред Кʹьтеба Пироз, тʹәви ԝе йәке рʹази нә, ԝәки ԝан рʹезада йед кӧ жь Пәймана Кәвьн һьлданә у ньвисинә Пәймана Нуда, дьбәкә жи наве Хԝәде ньвисар бу. Фәрһәнгәкә Кʹьтеба Пирозда ӧса ньвисар ә: «Әм баԝәр ьн кӧ ԝан рʹезада, йед кӧ жь Пәймана Кәвьн  һатьнә ньвисаре Пәймана Нуда, дьбәк һʹәмуйада йан жи һьнәк рʹезада Тетраграматон ‹Йаһԝәһ› һәбуйә, у бона ԝе йәке мәʹнийед һʹимгьрти һәнә» (The Anchor Bible Dictionary). Зандар Щорщ Һаурд дьбежә: «Ԝе Кʹьтеба Пирозда йа ль сәр зьмане Йунани [Септуагинтеда], йа кӧ дера әʹԝльн дьда хәбате, һьнге Тетраграма һәла һе ньвисар бу. Ләма жи аԛьлайи йә кӧ баԝәр кьн, ԝәки ньвискʹаред Пәймана Ну чахе рʹезед жь Пәймана Кәвьн Пәймана Нуда ньвисинә, Тетраграма хԝәй кьрьнә».

•   Һьнә ԝәлгәрʹед нав у дәнг Пәймана Нуда жи наве Хԝәде дьданә хәбате. Һʹәта кӧ «Ԝәлгәрʹандьна Дьнйа Тʹәзә» дәркʹәта, һьнә ԝәлгәрʹандьнада һәла һе зудава наве Хԝәде дьданә хәбате. Мәсәлә, сәр зьмане Инглизи һәбу ԝәлгәрʹандьна Literal Translation of the New Testament . . . From the Text of the Vatican Manuscript, (1863) йа Һерман Һаинфәтәри; ӧса жи A the Emphatic Diaglott (1864) йа Бенжамин Ԝилсон; The Epistles of Paul in Modern English (1898), йа Щорщ Баркер Стивенз; St. Pauls Ephistle to the Romans, йа Ԝ.Г. Резефорд (1900); The New Testament Letters, Епископа Лондоне Ж.Ԝ.С. Ԝанд (1946). Хенщи ԝе йәке, дәстпека ԛьрʹна 20-да ԝәлгәрʹандьна Испанида, ԝәлгәрʹ Пабло Бессон кʹьтеба Луԛа 2:15 у Щьһуда рʹеза 14-да дайә хәбате наве Хԝәде «Jehová». Ӧса жи әԝи ԝәкә 100 щара наве Хԝәде спартьнада ньвисибу. Пешийа ԝан ԝәлгәрʹандьна, ԛьрʹна 16-да Пәймана Нуда, ԝәлгәрʹандьна сәр зьмане Ибрани, гәләк щийа Тетраграматон һатьбу хәбьтандьне. Ньвисаред Пәймана Нуда йед кӧ һатьбун ԝәлгәрʹандьне сәр зьмане Алмани, лапә кем 11 ԝәлгәрʹандьнада наве Хԝәде «Йаһоԝа» һатьбу хәбьтандьне (йан жи наве бь Ибрани «Йаһԝәһ» транслитерасийа  дькьрьн), у чар ԝәлгәрʹандьнада паши хәбәра «Хӧдан» наве Хԝәде нәйнькада ньвисар бу. Ԝәкә 70 щара зедәтьр ԝәлгәрʹандьнед сәр зьмане Алманида, наве Хԝәде ньвисар ә спартьнада йан әʹламәтийед зедәда.

• Сәр 100 зьмана зедәтьр ԝәлгәрʹандьнед Пәймана Нуда, наве Хԝәде һәйә. Сәр зьманед бәлабуйи Африкайеда, Америкайеда, Асйайеда, Әԝропайеда у Гьравед Бәʹра-һесада гәләк ԝәлгәрʹандьнада у гәләк щийада наве Хԝәде ньвисар ә (Бьньһерʹә рʹупʹела 12, 13). Әԝ ԝәлгәрʹед кӧ наве Хԝәде данә хәбате, әв нав жь бо ван мәʹнийа ньвисинә, йед кӧ жоре һатьнә дайине. Һьнә ԝәлгәрʹандьнед Пәймана Ну, ԝан пашԝәхтийа һатьнә ньвисаре. Мәсәлә, ԝәлгәрʹандьна сала 1999 сәр зьмане Ротумани, 48 рʹезада наве Хԝәде «Jihova» 51 щара һатийә хәбьтандьне, у ӧса жи ԝәлгәрʹандьна зьмане Батакеда (Тоба) йа сала 1989 (Әндонәзийа), наве Хԝәде «Jаһоԝа» 110 щара һатийә хәбьтандьне.

Бешьк, әва мәʹникә һʹимгьрти йә, ԝәки наве Хԝәде Йаһоԝа, Пәймана Нуда һатьбу ньвисаре. Ԝәлгәрʹед «Дьнйа Тʹәзә» ӧса жи кьрьн. Ԝана жь бо ԛәдьре мәзьн һьндава Наве Хԝәде у жь бо хофа бәр Хԝәде, хәбьтин ԝәки һʹәму тьшти ӧса бьньвисьн чаԝа кӧ орижиналеда һәбуйә (Әʹйанти 22:18, 19).