1, 2. Чь щурʹә-щурʹә кӧл-дәрд рʹасти мәрийа тен, у жь бо ве йәке чь пьрс бал ԝана пешда те?

ДЬ ԜӘЛАТӘКИДА паши шәрʹе гьран, бь һʹәзара жьн у зарʹ һатьнә кӧштьне. У әԝана тʹәмам тʹәвайи дь тʹьрбәкеда дәфьн кьрьн. Дора ве тʹьрбе хач данин у ль сәр ван һʹәму хача ньвисар бу: «Чьрʹа?» Бь ве пьрсе мәри еш у кʹәсәра дьле хԝә дьдә кʹьфше. Мәри әве пьрсе дьдьн чахе жь шәрʹ у ԛәзийа мәрьвед ԝанә незик жь ԝан тенә стандьне, у чахе малед ԝан тенә һьлшандьне. Нәхԝәши у щурʹә-щурʹә нәһәԛи жи, ԝанарʹа дьбә кʹәдәрәкә мәзьн. Ләма жи әԝана дьхԝазьн пебьһʹәсьн, чьрʹа әв йәк те сәре ԝан.

² Чьрʹа Хԝәде дьһелә, ԝәки кӧл-дәрд һәбьн? Һәрге Йаһоԝа Хԝәдайе һьмзор ә, ԛәԝат у билан ә, у һәрге әԝ Хԝәдайе һәԛ у һʹьзкьрьн ә, ле чьрʹа әԝ дьһелә кӧ дьнйайеда һаԛас нәһәԛи у зӧлми һәбә? Дь әʹмьре тәда ԛә әв пьрс бал тә пешда һатийә?

3, 4. (а) Чь нишан дькә, кӧ һәрге пьрс ки чьрʹа Хԝәде дьһелә һаԛас кӧл-дәрд һәбьн, дь ве йәкеда тьштәки нәрʹаст тʹӧнә? (б) Ча Йаһоԝа дьньһерʹә ль сәр зӧлмийе у нәһәԛийе?

³ Гәло рʹаст ә дьшьрмиш бьн, дәрһәԛа ԝе йәке, кӧ чьрʹа Хԝәде дьһелә, ԝәки кӧл-дәрд һәбьн? Һьнәк дьшьрмиш дьбьн, кӧ һәрге әве пьрсе бьдьн, ԝе бе кʹьфше кӧ баԝәрийа ԝан кем ә у ԛәдьре Хԝәде нагьрьн. Ле һәрге тӧ Кʹьтеба Пироз бьхуни, тӧйе бьбини кӧ бал ԛӧльхкʹаред Хԝәдейә  амьн жи пьрсед ӧса пешда һатьнә. Мәсәлә, чахе Һәбаԛуԛ пʹехәмбәр дәр-доре хԝә гәлә нәһәԛи, зӧлми у шәрʹ-дәʹԝ дьдит, әԝи пьрс да Йаһоԝа Хԝәде, кӧ чьрʹа Йаһоԝа дьһелә, ԝәки әԝ һаԛа нәрʹастийе бьбинә (Һәбаԛуԛ 1:3).

⁴ Ле жь бо ве пьрсе Йаһоԝа Һәбаԛуԛ нәһәԛ дәрхьст? На. Дәԝсе Йаһоԝа хәм кьр, ԝәки гьлийед Һәбаԛуԛә дьлсахи дь Кʹьтеба Пирозда бенә ньвисаре. Хенщи ве йәке, Йаһоԝа али Һәбаԛуԛ кьр, ԝәки әԝ щаба ве пьрсе рʹьнд фәʹм бькә, у баԝәрийа ԝи жи ԛәԝи кьр. Йаһоԝа дьхԝазә али тә жи бькә. Бир нәкә, ԝәки Кʹьтеба Пироз һин дькә, кӧ Йаһоԝа «бона ԝә хәм дькә» (1 Пәтрус 5:7). Йаһоԝа жь мәрьва зедәтьр нәфрʹәт дькә, һʹәму зӧлмийе у нәһәԛийе (Ишайа 55:8, 9). Ле һәрге ӧса нә, чьрʹа Йаһоԝа дьһелә, кӧ дьнйайеда һаԛас кӧл-дәрд һәбьн?

5. Мәри тʹьме мәʹнийа кӧл-дәрда ча шьровәдькьн, ле Кʹьтеба Пироз чь һин дькә?

⁵ Гәлә мәрьвед баԝәрмәнд, пьрсе дьдьнә ӧлмдар у тʹәреԛа, кӧ чьрʹа һаԛас кӧл-дәрд һәнә. Ӧлмдар у тʹәреԛ тʹьме дь щабед хԝәда дьбежьн, ԝәки кӧл-дәрд әв һәйә ԛьрара Хԝәде, у Хԝәде пешда сәва мәрьва ԛәзийа у чәрчьрандьн ԛьрар кьрийә. Һьнәк жи дьшьрмиш дьбьн, ԝәки рʹийед Хԝәде нә  әʹйан ьн, у йан чь Хԝәде мәрийарʹа мьрьне тинә, һәла һе зарʹарʹа жи у ԝана дьбә әʹзмана бал хԝә. Ле ча тӧ ида пеһʹәсийайи, Йаһоԝа Хԝәде тʹӧ щар хьрабийе накә. Дь Кʹьтеба Пирозда те готьне, ԝәки нькарә бьԛәԝьмә: «Кӧ Хԝәде хьрабийе бькә у Йе кӧ һеза [ԛәԝата] ԝи тʹера һәр тьшти дькә, нәһәԛийе пек бинә!» (Ибо 34:10).

6. Чьрʹа гәләк мәри бона һʹәму кӧл-дәрда кӧ дьнйайеда дьԛәԝьмьн, Хԝәде нәһәԛ дькьн?

⁶ Ле тӧ зани чьрʹа мәри бона ван һʹәму кӧл-дәрда, кӧ дьнйайеда дьԛәԝьмьн, Хԝәде нәһәԛ дькьн? Гәлә мәрийа тʹьре кӧ сәрԝере ве дьнйайе Хԝәде йә, ләма дь һʹәму тьштида ԝи нәһәԛ дькьн. Мәри ньзаньн әԝе рʹастийа әʹйан у фәрз, йа кӧ Кʹьтеба Пироз һин дькә, кӧ бь рʹастийе Шәйтʹан ә сәрԝере ве дьнйайе. Әве рʹастийе әм дь ве кʹьтебеда жь сәре 3 рʹьнд пеһʹәсийан.

7, 8. (а) Жь чь те кʹьфше, кӧ һʹӧнӧр у хәйсәтед ве дьнйайе, мина йед Мире-щьна ньн? (б) Ча гӧнәкʹарийа мәрьва, у ӧса жи «ԝәʹхт» у ԛәԝьмандьн, кӧл-дәрдед мәрьва зедә дькьн?

⁷ Дь Кʹьтеба Пирозда әшкәрә те готьне: «Тʹәмамийа дьнйайе бьн һʹӧкӧме Йе Хьрабда йә» (1 Йуһʹәнна 5:19). Һәрге тӧ дьшьрмиш би сәр ван гьлийа, рʹасти ԝе тәрʹа зәлал бә. Дь ве дьнйайеда мәри пе кьред хԝә дьдьн кʹьфше һʹöнöр у хәйсәтед Мире-щьна у щьнед ԝи, йе кӧ «тʹәмамийа дьне хальфандийә» (Әʹйанти 12:9). Мире-щьна йәки хьраб, зӧлм у бӧхданбеж ә. Ләма жи, дьнйа кӧ бьн сәрԝерийа Шәйтʹан Мире-щьнада нә, педа бь хьрабийе зӧлмийе у нәһәԛийе тʹьжә йә. Әв һәйә мәʹнийа пешьн, кӧ чьрʹа сәр әʹрде һаԛас кӧл-дәрд һәнә.

⁸ Мәʹнийа дӧда әԝ ә, кӧ паши ԝе йәке ча дь Адәнеда мәри мьԛабьли Хԝәде рʹабун, әԝана бунә нәԛәданди у гӧнәкʹар. Дәрһәԛа ве йәке, дь сәре 3-да дьһатә готьне. Мәрьвед гӧнәкʹар тʹьме дьхԝазьн ль сәр мәрийа сәрԝертийе бькьн, у жь бо ве йәке шәрʹ дькьн, ләма жи дьнйайеда шәрʹ, кӧл-дәрд у зорбәти һәйә (Ԝаиз 4:1; 8:9). Мәʹнийа сьсийа жи әв һәйә «ԝәʹхт» у ԛәԝьмандьн. (Бьхунә Ԝаиз 9:11.) Мәсәлә, һәрге мәри бәр авайикирʹа дәрбаз бә, тьштәк жь авайи бьԛәтә сәр ԝида бькʹәвә у бькӧжә, әв һәйә ԝәхт у ԛәԝьмандьн. Иро дь  ве дьнйайеда һәр кәс дькарә щики нә баш у ԝәʹде нә башда бькʹәвә ԛәзийе, чьмки Хԝәдайе кӧ дькарә мә жь ԝәхт у ԛәԝьмандьне хԝәй кә у хьлаз кә сәрԝере ԝе дьне нинә.

9. Чьрʹа әм баԝәр дькьн, ԝәки мәʹнийа Йаһоԝа һәйә, кӧ дьһелә һʹәму кӧл-дәрд һәбьн?

⁹ Дьлбиникә чьԛас мәзьн ә кӧ бьзаньбьн, ԝәки Хԝәде нинә сәбәбе кӧл-дәрда. Хԝәде щабдар нинә бона шәрʹа, нәһәԛийа, зорбәтийа йан әʹрдһʹәжа у диса тьштед дьн, жь бо чь жи мәри һаԛас дьчәрчьрьн, ле әм дьхԝазьн пебьһʹәсьн, кӧ чьрʹа Йаһоԝа Хԝәде дьһелә, ԝәки кӧл-дәрд һәбьн? Һәрге әԝ йәки Һьмзор ә, демәк ԛәԝата ԝи дьгьһиже һʹәму зӧлмийе бьдә һьлдане. Ле чьрʹа әԝ, әԝе йәке накә? Хԝәдайе кӧ бь һʹьзкьрьн тʹьжә йә, мәʹнийа ԝи һәйә, жь бо чь жи әԝ дьһелә ԝәки кӧл-дәрд һәбьн (1 Йуһʹәнна 4:8).

10. Мире-щьна чь кьрә бьн шьке, у ча?

¹⁰ Сәва кӧ пебьһʹәсьн, чьрʹа Йаһоԝа дьһелә кӧл-дәрд һәбьн, ԝәрә әм биньнә бира хԝә ча кӧл-дәрд дәстпебун. Чахе Шәйтʹан Мире-щьна һелан да Адәм у Һеԝайе, кӧ әԝана гӧрʹа Хԝәде нәкьн, пьрсәк һатә данине. Мире-щьна ԛәԝата Йаһоԝа Хԝәде нәкьрә бьн шьке, чьмки әԝи рʹьнд заньбу, ԝәки ԛәԝата Йаһоԝа пʹьрʹ зәʹф ә. Ләма жи әԝи пьрсәкә дьн дани, пьрс дәрһәԛа изьна Хԝәде сәркʹартийе бькә. Мире-щьна бӧхдан авитә Хԝәде у гот кӧ әԝ жь әʹфьринед хԝә тьштәки вәдьшерә, бь ве йәке әԝи да кʹьфше, йан чь Хԝәде сәрԝерәки хьраб ә. (Бьхунә Дәстпебун 3:2-5.) Жь гьлийед Мире-щьна дьһатә кʹьфше, кӧ мәри бейи сәрԝертийа Йаһоԝа, ԝе һе рʹьнд бьжин. Бь ве йәке әԝи изьна Хԝәде сәркʹартийе бькә, кьрә бьн шьке.

11. Чьрʹа Йаһоԝа, Адәм у Һеԝа дь бахче Адәнеда перʹа-перʹа ԛьрʹ нәкьр?

¹¹ Адәм у Һеԝа мьԛабьли Йаһоԝа дәркʹәтьн. Әв кьре ԝан, дькарә бе һʹәсабе кӧ ԝана гьлийед ӧса гот: «Әм нахԝазьн, ԝәки Йаһоԝа сәрԝере мә бә. Әм хԝәха дькарьн сафи кьн чь йә ԛәнщи у чь йә хьраби». Гәло Йаһоԝа әв пьрса фәрз ча гәрәке сафи кьра? У әԝи ча гәрәке һʹәму әʹфринед хԝәрʹа  нишан кьра кӧ Адәм у Һеԝа нә рʹаст бун, у ԝәки тʹәне рʹийа Йаһоԝа бәхтәԝарийе тинә? Һьнәк дьбә ӧса бежьн, кӧ Йаһоԝа Хԝәде гәрәке перʹа-перʹа Адәм у Һеԝа кʹӧта кьра, у дәԝсе мәрьвед тʹәзә бьәфьранда. Ле сәре-серида нета Йаһоԝа әԝ бу, кӧ зӧрʹәтед Адәм у Һеԝайе дь щьнәтеда бьжин (Дәстпебун 1:28). Йаһоԝа тʹьме нетед хԝә тинә сери, ләма әԝи Адәм у Һеԝа нәкӧшт (Ишайа 55:10, 11). Хенщи ве йәке, һәрге Йаһоԝа дь бахче Адәнеда Адәм у Һеԝа ԛьрʹ кьра, чаԝа ԝе бьһата избаткьрьне кӧ мәрьв бейи сәркʹартийа Хԝәде нькарьн бәхтәԝар бьн, у кӧ тʹәне изьна Хԝәде һәйә сәрԝертийе бькә?

12, 13. Бь мәсәле нишан кә, ԝәки чьрʹа Йаһоԝа изьн да Мире-щьна, кӧ әԝ бьбә сәрԝере ве дьнйайе, у чьрʹа Хԝәде изьн да мәрьва кӧ әԝана хԝәха сәрԝертийе ль хԝә бькьн?

¹² Ԝәрә әм дәрһәԛа мәсәләке хәбәрдьн. Бьдә бәр чʹәʹве хԝә, дәрсдар шагьртарʹа дәрсәкә чәтьн шьровәдькә. Шагьртәки сәрԝахт у нәгӧһдар мьԛабьли дәрсдар дәрдькʹәвә у дьбежә, кӧ әԝ дәрсе рʹаст шьровәнакә. Шагьрт дәрсдар нәһәԛ дькә, у дьбежә ԝәки әԝ жь дәрсдар рʹьндтьр занә сафикьрьна ве пьрсе. Һьнә шагьртед дьне жи ԛайил дьбьн тʹәви ви шагьрте нәгӧһдар, пьшта ԝи дьгьрьн у дьшьрмиш  дьбьн кӧ дәрсдар нәрʹаст ә. Һьнге дәрсдар чь гәрәке бькә? Һәрге дәрсдар ван шагьртед нәгӧһдар жь мәкʹтәбе дәрхә, ле шагьртед дьн ԝе чь дьшьрмиш бьн? Әԝана ԝе бькарьбьн те дәрхьн кʹи йә бь рʹастийе рʹаст у кʹи йә нәрʹаст? Дьԛәԝьмә әԝана дьшьрмиш бьн кӧ дәрсдар дьтьрсә, ԝәки бе сафикьрьне, кӧ әԝ нәрʹаст ә, у шагьрт ида ԛәдьре дәрсдар нәгьрьн. Ле бьдә һʹәсабе, ԝәки дәрсдар изьне дьдә шагьрте нәгӧһдар, ԝәки әԝ дәрсе бь щурʹе хԝә сафи кә.

¹³ Йаһоԝа жи һәма ӧса кьр. Әԝи Адәм у Һеԝа перʹа-перʹа кʹӧта нә кьр. Ле чьрʹа? Йа пешьн, бь милйона мьлйакʹәта пәй ве йәке дьньһерʹьн (Ибо 38:7; Әʹйанти 5:11). Әԝ йәк кӧ чаԝа Йаһоԝа ԝе дәрәщеда хԝә кʹьфш кьра, дькарьбу ль ахьрийе гәләк һʹӧкӧм кьра ль сәр ԝан һʹәму мьлийакʹәта у мәрийа. Һʹәму мәрьв, йед кӧ ԝе бьһатана буйине гәрәке бьзаньбуна изьна кʹе һәйә сәрԝертийе бькә, изьна Йаһоԝа йан йа Шәйтʹан Мире-щьна. Ләма жи Йаһоԝа изьн да Мире-щьна, ԝәки әԝ нишан кә кӧ ча ԝе сәрԝертийе ль сәр инсанәте бькә. Йаһоԝа Хԝәде ӧса жи изьн да мәрийа, ԝәки әԝана бьн сәрԝертийа Мире-щьна, сәркʹартийе ль хԝә бькьн.

14. Әԝ йәк кӧ Йаһоԝа изьн да ԝәки мәрьв хԝәха сәрԝертийе ль хԝә бькьн, ԝе чь кʹаре бинә?

¹⁴ Әв дәрсдар, дәрһәԛа кʹижани кӧ мә дь мәсәледа гьли кьр, занә кӧ шагьрте нәгӧһдар у һәвалед ԝи кӧ пьшта ԝи гьртьн нәрʹаст ьн. Дәрсдар ӧса жи занә, кӧ һәрге изьне бьдә шагьрта әве пьрсе бь щурʹе хԝә сафи кьн, әв йәк ԝе һʹәму шагьртарʹа кʹаре бинә. Чьмки чахе әв шагьртед нәгӧһдар нькарьбьн әве пьрсе сафи кьн у бал ԝан нәйе стандьне, шагьртед дьне ԝе бьбиньн кӧ дәрсдар рʹаст бу у тʹәне әԝ дькарә дәрсе бьдә шагьрта. Паши ве йәке әԝана ԝе фәʹм бькьн, кӧ чьрʹа дәрсдар бәри ван шагьртед нәгӧһдар дьдә у жь мәкʹтәбе дәрдьхә. Ӧса жи Йаһоԝа занә, кӧ мәрьвед мьлук у мьлйакʹәт ԝе кʹаре бьстиньн, чахе бьбиньн кӧ Мире-щьна у пьштгьред ԝи нәрʹаст бун, у ԝе фәʹм бькьн кӧ мәрьв нькарьн хԝәха сәрԝертийе ль хԝә бькьн. Әԝана ԝе тʹәви гьлийед Йерәмйа пʹехәмбәр ԛайил бьн, кӧ мәрьв нькарә бейи Хԝәде гавед хԝә рʹаст дайнә у «рʹийа мәрьва нә дь дәсте ԝида йә» (Йерәмйа 10:23).

15, 16. (а) Чьрʹа Йаһоԝа һишт, ԝәки кӧл-дәрд һаԛас дьреж бькʹьшинә? (б) Чьрʹа Йаһоԝа нәһәԛийе у зӧлмийе надә һьлдане?

¹⁵ Ле чьрʹа Йаһоԝа дьһелә, ԝәки кӧл-дәрд һаԛас ԝәʹдә бькʹьшинә? У чьрʹа әԝ мәрийа жь ԝан кӧл-дәрда хьлаз накә? Ԝәрә әм диса вәгәрʹьн ль сәр мәсәла дәрсдар у бьбиньн әԝи чь нәкьр. Йа пешьн, чахе шагьрт бь щурʹе хԝә дьхԝәст пьрс сафи кьра, дәрсдар изьн да ԝи у әԝ нәда сәкьнандьне. Йа дӧда, дәрсдар дь сафикьрьна ве пьрседа али ԝи нәкьр. Йаһоԝа жи һәма ӧса кьр, чахе Мире-щьна у әԝед кӧ пьшта ԝи гьртьн, дьхԝәстьн избат кьн, ԝәки әԝана рʹаст ьн, Йаһоԝа әԝана нәданә сәкьнандьне. Ле дәԝсе Йаһоԝа ԝәʹдә да ԝан. Дь нава һʹәзара салада мәрийа щурʹә-щурʹә сәрԝерти дьданә хәбате. Дь нава ван салада мәрьв алийе зандарийеда гәлә пешда чун, ле нәрʹасти, кʹәсиббун, зӧлми у шәрʹ кем набә ле һе зедә дьбә. Әв йәк иро нишани мә дькә, кӧ сәрԝертийа мәрийа кʹаре найнә у мәрьв нькарә сәрԝертийе бькә.

¹⁶ Йаһоԝа нә жи али Мире-щьна кьр, чахе Мире-щьна дәстпекьр сәрԝертийе бькә. Һәрге Йаһоԝа али Мире-щьна бькьра у һʹәму зӧлми у нәһәԛи бьда һьлдане, әв йәк ԝе Мире-щьнарʹа дәст бьда. Ӧса нинә? Ле һьнге ԝе мәрьв дьшьрмиш буна, кӧ әԝана хԝәха дькарьн бе Хԝәде сәрԝертийе ль хԝә бькьн. У әԝана ԝе сәрԝа нәчуна, кӧ сәрԝертийа ԝана дь ахьрийеда бона мәрьва ԝе чьԛас хьраб бә. Һәрге Йаһоԝа перʹа-перʹа кӧл-дәрд бьда һьлдане, әԝ ԝе дәрәԝин дәркʹәта. Ле ча әм жь Кʹьтеба Пироз дәрһәԛа Хԝәде педьһʹәсьн «набә кӧ әԝ дәрәԝ дәре» (Ибрани 6:18).

17, 18. Йаһоԝа ԝе чь бькә дәԝса ԝан һʹәму зийана, йе кӧ сәрԝертийа мәрьва бьн һӧкӧмтийа Мире-щьна ани?

¹⁷ Ле әм чь дькарьн бежьн дәрһәԛа ԝан һʹәму зийана, йед кӧ мәрьв дь нава ԝан гәләк салада стандьн? Тʹьме гәрәке дь бира мәда бә, ԝәки Йаһоԝа Хԝәдайе Һьмзор ә. Әԝ дькарә у ԝе әʹсәйи һʹәму кӧл-дәрда бьдә һьлдане, йед кӧ мәрийарʹа һаԛас зийане тиньн. Иро дьнйа бәрбь һьлшандьне дьчә, ле ча әм ида пеһʹәсийан дьнйа ԝе һьлнәше, ле ԝе бьбә  щьнәт. Һәрге мәрьв баԝәрийа хԝә ԛӧрбанбуна Иса Мәсиһ биньн, әԝана ԝе жь гӧнә бенә хьлазкьрьне у жь мьрьне бенә азакьрьне. Йаһоԝа ԝе бь сайа Иса һʹәму «кьред Мирещьн хьраб кә» (1 Йуһʹәнна 3:8). Йаһоԝа ԝе әван һʹәму тьшта әʹсәйи дь ԝәʹдәда пек бинә. Әм гәләк ша нә ԝәки Йаһоԝа әв нета хԝә һе пешда нәанийә сери, чьмки бь сайа сәбьркьрьна ԝи, әм дәрһәԛа рʹастийе пеһʹәсийан у ԝирʹа ԛӧльх дькьн. (Бьхунә 2 Пәтрус 3:9, 10.) Ньһа жи Йаһоԝа ԝан ԛӧльхкʹаред дьлсах дьгәрʹә, йед кӧ дьхԝазьн ԝирʹа ԛӧльх кьн, у дь һʹәму чәтьнайада әԝ али ԝан дькә, сәва кӧ әԝана бькарьбьн тәйах кьн (Йуһʹәнна 4:23; 1 Корьнтʹи 10:13).

¹⁸ Һьнәк дьбә ӧса дьшьрмиш бьн: «Гәло чьрʹа Йаһоԝа, Адәм у Һеԝа ӧса нәәʹфьрандьн ԝәки ԝана тʹьме гӧрʹа ԝи бькьрана у мьԛабьли ԝи дәрнәкʹәтана?» Сәва кӧ щаба ве пьрсе бьстини, тӧ гәрәке бини бира хԝә һәла бь кʹижан пʹешкʹеше Йаһоԝа тӧ хәлат кьри.

19. Йаһоԝа кʹижан пʹешкʹешәкә ԛимәт дайә мә, у чьрʹа әм гәрәке әве пʹешкʹеше бьдьн хәбате?

¹⁹ Ча әм жь сәре 5 пеһʹәсийан, Хԝәде әм бь азайа бьжартьне әʹфьрандьн. Дьбәк тӧ жи ԛайил и кӧ әв пʹешкʹешәкә ԛимәт ә. Мәсәлә Йаһоԝа һʹәйԝан ӧса әʹфьранд, кӧ әԝана нькарьн хԝәха те дәрхьн чь йә ԛәнщи у чь йә хьраби, чьмки әԝана һʹәму тьшти бь зькмакийе дькьн (Мәтʹәлок 30:24). Мәрийа роботе ӧса чекьрьнә, кӧ пе програме дьдьнә хәбате, у мәри чь дьхԝазьн робот ӧса жи дькә. Ле һәрге әм жи бь ви щурʹәйи бьһатана әʹфьрандьне, әме бькарьбуна бәхтәԝар буна? Фәʹмдари йә, ԝәки на. Әм ша нә кӧ бал мә һәйә азайа  бьжартьне у әм хԝәха дькарьн бьжберьн әме мәрийед ча бьн, ча бьжин, тʹәви кʹе һәвалтийе бькьн у диса тьштед дьн. Азайа ӧса мә хԝәш те, у Хԝәде хԝәха әв йәк сәва мә дьхԝәст.

20, 21. Ча әм дькарьн әве азайа бьжартьне баш бьдьн хәбате, у чьрʹа әв йәк ӧса фәрз ә?

²⁰ Һәла дьшьрмиш бә. Ча ԝе де-бава һе хԝәш бе, чахе зарʹ хԝәха бежә ԝан кӧ әԝ ԝан һʹьз дькә, йан чахе кәсәк бежә зарʹе, ԝәки һәрʹә ӧса бежә? Бәле, Йаһоԝа жи нахԝазә ԝәки әм бь дәсте зоре ԝирʹа ԛӧльх кьн (2 Корьнтʹи 9:7). Ләма жи пьрс пешда те, ле те ча бьди хәбате әве азайа бьжартьне кӧ Хԝәде дайә тә? Мире-щьна, Адәм у Һеԝайе бьжартьнәкә хьраб кьрьнә, у Йаһоԝа инкʹар кьрьн. Ле те чь бьки?

²¹ Тӧ дькари әве азайа бьжартьне гәләк баш бьди хәбате. Мәсәлә, һәрге тʹәви ван бь милйона мәрийа бьби йәк, йед кӧ хԝә ль Йаһоԝа гьртьнә. Әԝана дьле Хԝәде ша дькьн, чьмки һʹәму тьшти дькьн сәва кӧ избат кьн ԝәки Мире-щьна дәрәԝин ә у ԝәки әв сәрԝерәки бекер ә (Мәтʹәлок 27:11). Һәрге тӧ рʹекә рʹаст хԝәрʹа бьжбери те жи бькарьби избат ки кӧ Мире-щьна дәрәԝин ә. Дәрһәԛа ԝе йәке һе зедә әме дь сәре майинда пебьһʹәсьн.