БЬРЕД ЩАБДАР Шьхӧле ԝан бьра әԝ ә, кӧ али мә бькьн. Ләма жи, жь кʹәрәма хԝә бь тʹәмами тʹәви ԝан шьхӧлкʹарийе бькьн у чь кӧ әԝана дьбежьн бькьн. Мәсәлә, кʹидәре әʹрәба хԝә гәрәке бьдьнә сәкьнандьне, чаԝа тʹәрбәтийе хԝәй кьн, щийед хԝә бьгьрьн у диса тьштед дьн.

НЬХӦМАНДЬН Әԝед кӧ ԝе бенә ньхӧмандьне, гәрәке рʹожа Шәмийе шәбәԛе щийед хԝә ԝедәре бьгьрьн, кʹидәре кӧ ԝанарʹа һатийә кʹьфшкьрьне, сәва кӧ гӧһ бьдьнә готара ньхӧмандьне. Һәр кәс жь ԝана гәрәке тʹәви хԝә пʹежгир у кʹьнще лайиԛ сәва ньхӧмандьне бинә.

ԚӦРБАНКЬРЬН Ль сәр щьвата мәзьн епʹещә щийед сәва рʹуньштандьне һәнә, һащәтед дәнгбьһистьне у ӧса жи тьштед дьн. Әв һʹәму тьшт бь рʹасти жи хәрщава гьредайи нә. Бь ԝан тьшта әм һʹәмушк шабуне дьстиньн у әԝ йәк али мә дькә һе незики Йаһоԝа бьн. Ԛӧрбанед ԝәйә рʹәзәдьли аликʹарийе дьдьн, ԝәки хәрщед кӧ дәрбазкьрьна щьвата мәзьнва гьредайи нә, бенә дадане. Әв ӧса жи пьштгьрийа шьхӧле мәйә һʹәмдьнйайе дькә. Ԛӧтʹийед сәва ԛӧрбанкьрьне һун дькарьн һеса дь ода щьвата мәзьнда бьвиньн, әԝана ӧса жи бь нишана һатьнә кʹьфшкьрьне. Һун ӧса жи дькарьн бь онлайн ԛӧрбанкьрьна бькьн сәр малпәра мә donate.pr418.com. Һʹәму ԛӧрбанкьрьнед ԝә пʹьр тенә ԛимәткьрьне. Кʹома Рʹебәрийе рʹазибуна хԝә һьндава ԝә һʹәмушка дьдә кʹьфше, ԝәки һун бь мәʹрдани пьштгьрийа шьхӧле Пʹадшатийе дькьн.

АЛИКʹАРИЙА ПЕШЬН Жь кʹәрәма хԝә бира хԝәда хԝәй кьн, ԝәки аликʹарийа пешьн бьдьнә ԝан, кʹе нькарә хԝәха аликʹарийе бьдә хԝә.

ИДАРА ТЬШТЕД ӦНДАКЬРИ Һʹәму тьштед ӧндакьри, йед кӧ һатьнә дитьне, гәрәке биньн ве Идаре. Һәрге ԝә тьштәк ӧнда кьр, жь кʹәрәма хԝә ԝәред ве Идаре у тьштед хԝә бьвиньн. Зарʹед кӧ һатьнә ӧндакьрьне, ӧса жи гәрәке биньн ве Идаре. Ләма жи, сәва кӧ тʹӧ кәси әʹщьз нәкьн у нәкʹәвьнә стресе, жь кʹәрәма хԝә мьԛати зарʹед хԝә бьн у бьра әԝана тʹьме кʹеләка ԝә бьн.

ЩИЙЕ РʹУНЬШТАНДЬНЕ Жь кʹәрәма хԝә һьндава йед дьнена бь ԛәдьр бьн. Щи тʹәне сәва нәфәред мала хԝә бьгьрьн, тʹәви кʹе һун пе әʹрәбе һатьнә, кʹе тʹәви ԝә дьминә, у бона ԝан тʹәви кʹе һун һинбуна Кʹьтеба Пироз дәрбаз дькьн. Жь кʹәрәма хԝә кʹеләка хԝә тʹӧ тьшт нәһельн, сәва кӧ йед дьнена бьвиньн, ԝәки әԝ щи вала йә у бькарьбьн хԝәрʹа щи бьгьрьн.

АЛИКʹАРИЙА РʹӘЗӘДЬЛИ Һәрге һун дьхԝазьн аликʹарийе бьдьнә шьхӧле, кӧ дәрбазкьрьна щьвата мәзьнва гьредайи йә, дькарьн незики Идара Әʹламәтийа у Ԛӧльхийа Рʹәзәдьли бьн.

Мәкʹтәба бона Мьзгинванед Пʹадшатийе Пешәнгед жь 23 һʹәта 65 сали, йед кӧ дьхԝазьн хьзмәткьрьнеда һе зедә бькьн, тенә тʹәглифкьрьне сәр ве щьвате, демәк Мәкʹтәба бона Мьзгинванед Пʹадшатийе. Әв щьват рʹожа Ләʹде паши нан-хԝарьне ԝе дәрбаз бә. Ԝәʹдә у щийе дәрбазкьрьна ве щьвате, ԝе бе әʹламкьрьне.