Һеса йә һәр гав гӧра де-баве хԝә бьки?~ Щарна һеса нинә. Ле ча тӧ дьшьрмиш дьби Иса гӧра кʹе дькьр?~ Әԝи гӧра Йаһоԝа у де-баве хԝә дькьр. Мәсәла Иса дькарә али тә бькә, ԝәки тӧ һәла һе һьнге жи гӧра де-баве хԝә бьки, чахе әв йәк һеса нинә. Ԝәре әм һе зедә дәрһәԛа ве йәке пебьһʹәсьн.

Һʹәта кӧ Иса ль сәр әʹрде бьһата буйине, әԝ тʹәви Баве хԝә Йаһоԝа, дь әʹзманда бу. Ле ль сәр әʹрде жи де-баве ԝи һәбун. Навед ԝан Усьв у Мәрйәм бу. Ле тӧ зани әԝана чаԝа бунә де-баве Иса?~

Йаһоԝа әʹмьре Иса жь әʹзман һьлда у дәрбази зьке Мәрйәме кьр. Ӧса Иса ль сәр әʹрде һатә буйине. Әв йәк кʹәрәмәт бу! Чаԝа кӧ зарʹ зьке дийа хԝәда мәзьн дьбьн, ӧса жи Иса зьке Мәрйәмда мәзьн дьбу. Нәһ мәһ дәрбаз бун, у Иса һатә буйине. Ӧса Мәрйәм у Усьв бунә де-баве Иса.

Чахе Иса 12 сали бу, әԝи тьштәки ӧса кьр, йа кӧ да кʹьфше ԝәки әԝ гәләк Баве хԝә Йаһоԝа һʹьз дькә. Әв йәк ԛәԝьми ԝи чахи, гава Иса у малбәта ԝи, рʹе кʹәтьн сәва кӧ һәрʹьн Оршәлиме. Әԝана дьчунә Оршәлиме сәва кӧ ль ԝьр Йаһоԝарʹа ԛӧльх кьн. Ле чахе әԝана вәдгәрʹийан мале, Усьв у Мәрйәм тʹӧ щики нькарьбун Иса бьдитана. Зани Иса кʹидәре бу?~

Усьв у Мәрйәм гәләк ләз дькʹәтьн чахе жь Оршәлиме вәдьгәрʹийан мал. У чахе Иса ӧнда кьрьн, дәстпекьрьн һʹәму щийа әԝи бьгәрʹьн. Әԝана гәләк бәрхԝә дькʹәтьн чьмки нькарьбун әԝ бьдитана. Ле се рʹож шунда, ԝана Иса дь пʹәрстгәһеда дит! Ча тӧ дьшьрмиш дьби, Иса чьрʹа дь пʹәрстгәһеда бу?~ Чьмки ԝе дәре әԝи дькарьбу һе зедә дәрһәԛа Баве хԝә Йаһоԝа пебьһʹәсийа. Иса гәләк Йаһоԝа һʹьз дькьр у дьхԝәст пебьһʹәсийа кӧ ча дькарьбу дьле ԝи ша кьра. Һәла һе чахе Иса мәзьн бу жи, әԝи һәр гав гӧра Йаһоԝа дькьр. Исарʹа тʹьме һеса нибу гӧра Баве хԝә бькә, ле йәкә әԝ гӧра ԝида бу. Һәла һе һьнге жи әԝ гӧһдар бу, гава гәрәке бьчәрчьрийа. Ле Иса гӧра Усьв у Мәрийәме жи дькьр?~ Бәле. Дь Кʹьтеба Пирозда ньвисар ә ԝәки Иса ԝанарʹа жи гӧһдар бу.

Чь тӧ дькари жь мәсәла Иса һин би?~ Тӧ гәрәке гӧра де-баве хԝә бьки, һәла һе һьнге жи чахе тәрʹа һеса нинә. Тӧйе гӧра де-баве хԝә бьки?~