Мә һәр кәсирʹа жи лазьм ә пʹәрә, сәва кӧ дәрһәԛа һʹәԝщед малбәта хԝә хәм бькьн (Мәтʹәлок 30:8). Хенщи ԝе йәке, пʹәрә мәрийа хԝәй дькьн (Ԝаиз 7:12). Ԝәрʹа, чаԝа щӧтед зәԝьщирʹа дьԛәԝьмә чәтьн дьбә дәрһәԛа пʹәра хәбәр дьн. Ле чь жи һәбә, нәһельн ԝәки жь бо пʹәра дь зәԝаща ԝәда проблем пешда бен (Әфәси 4:32). Мер у жьн гәрәке итʹбарийа хԝә һәвдӧ биньн у тʹәвайи шьхӧлкʹарийе бькьн, чахе сафи дькьн кӧ чаԝа пʹәра хәрщ кьн.

КʹЬТЕБА ПИРОЗ ЧЬ ДЬБЕЖӘ: «Жь ԝә кʹижан ә, кӧ бьхԝазә бьльндщикә нобәдара чекә, пешийе рʹунәни нәдә бәр һʹәсеб, гәло ԛәԝата ԝийе бьгьһиже бинә сери йан на?» (Луԛа 14:28). Әв гәләк фәрз ә, чахе һун тʹәвайи шеԝьра һәв дькьн кӧ чаԝа пʹәра бьдьнә хәбате (Амос 3:3). Сафи кьн кӧ чь ԝәрʹа лазьм ә кӧ бькʹьрьн у чьԛас һун дькарьн хәрщ кьн (Мәтʹәлок 31:16). У һәрге щәм ԝә епʹещә пʹәрә жи һәйә сәва кӧ тьштәки бькʹьрьн, әв найе һʹәсабе кӧ һун әʹсәйи гәрәке ԝана хәрщ кьн. Жь ве йәке хԝә дур бьгьрьн кӧ нәкʹәвьнә бьн дәйна. Тʹәне ԝан пʹәра хәрщ кьн, йед кӧ щәм ԝә һәнә (Мәтʹәлок 21:5; 22:7).

ЧЬ ҺУН ДЬКАРЬН БЬКЬН:

• Һәрге хьлазийа мәһе щәм ԝә диса һьнә пʹәре зедә һәйә, тʹәвайи сафи кьн кӧ һун ван пʹәра ча дьхԝазьн хәрщ кьн

• Һәрге щәм ԝә кемасийа пʹәра һәйә, хԝәрʹа бьньвисьн у дьшьрмиш бьн һәла чаԝа дькарьн хәрщед хԝә кем кьн. Мәсәлә, дәԝса кӧ һәрʹьн у хԝарьна һазьр бькʹьрьн йан жи щики рʹунен кӧ бьхԝьн, ԝе баш бә ԝәки хԝәха хԝарьне малда һазьр кьн

КʹЬТЕБА ПИРОЗ ЧЬ ДЬБЕЖӘ: Әм бь һʹәлали дькьн, сәва кӧ «рʹаст дәрен, нә кӧ тʹәне ль бәр Хӧдан, ле ль бәр мәрьва жи» (2 Корьнтʹи 8:21). Тʹәви мер йан жьна хԝә ве йәкеда жи һʹәлал бьн, кӧ чьԛас пʹәрә һун ԛазанщ дькьн у чьԛас хәрщ дькьн.

Тʹьме тʹәви һәв шеԝьр бькьн, чахе сафикьрьнед фәрз дькьн йед кӧ пʹәрава гьредайи нә (Мәтʹәлок 13:10). Чахе һун шеԝьра һәв дькьн дәрһәԛа пʹәра, әԝе али ԝә бькә кӧ дь зәԝаща хԝәда әʹдьлайе хԝәй кьн. Әԝ пʹәре кӧ һун ԛазанщ дькьн, һʹәсаб кьн нә кӧ пʹәре хԝә, ле пʹәре малбәте (1 Тимотʹейо 5:8).

ЧЬ ҺУН ДЬКАРЬН БЬКЬН:

• Пешда шеԝьра һәв бькьн дәрһәԛа ԝе йәке, кӧ чьԛас пʹәра һәр кәс жь ԝә дькарә сәва хԝә хәрщ бькә

• Һивийе нибьн һʹәта кӧ проблем жь бо пʹәра пешда бен, ле пешийа ве йәке һʹәму тьшти сафи кьн