ХӘБӘРДАНЕ ДӘСТПЕКЬН
ДӘРСА 5
Мәʹрифәт бьн
Принсип: «Бьра хәбәрдана ԝә мәʹрифәти . . . бә» (Колс. 4:6).
Мәсәла Паԝлос
1. Бьньһерʹьн ВИДЕО, йан жи бьхуньн Кʹаред Шандийа 17:22, 23. Паше ван пьрса шеԝьр кьн:
-
а. Реаксийа Паԝлос чь щурʹәйи бу, гава әԝи Атʹинайеда һʹәбандьна ԛәлп дит? (Бьньһерʹьн Кʹаред Шандийа 17:16)
-
б. Дәԝса кӧ Атʹинийа сущдар кә, Паԝлос ча бь ԛәдьр баԝәрийа ԝан да хәбате, ԝәки шәʹдәтийе бьдә ԝан?
Әм жь Паԝлос Чь Һин Дьбьн?
2. Мәрьв ԝе дьһа баш гӧһ бьдьнә мә, һәрге әм фәсал бьн ве йәкеда, кӧ әм чь дьбежьн, ча дьбежьн у чьчах дьбежьн.
Чʹәʹв Бьдьнә Паԝлос
3. Пешийа кӧ тьштәки бежьн бьфькьрьн. Мәсәлә, чахе һун хәбәр дьдьн тʹәви мәрьве кӧ Мәсиһи нинә, бьфькьрьн кӧ һуне ча дәрһәԛа Кʹьтеба Пироз йан жи дәрһәԛа Иса тʹәви ԝи хәбәр дьн.
4. Ләз нәкʹәвьн кӧ ньһерʹандьна мәрьв рʹаст кьн. Бьра мәрьв аза фькьред хԝә бежә. Һәрге әԝ тьштәки ӧса дьбежә, чь кӧ нә ль гора Кʹьтеба Пироз ә, сәва ве йәке жерʹа нәкʹәвьнә дәʹԝе (Аԛуб 1:19). Һәрге һун гӧһ бьбьнә ԝи, һуне фәʹм кьн кӧ әԝ чь баԝәр дькә у чьрʹа (Мәтʹлк. 20:5).
5. Тʹәви мәрьв ԛайил бьн у пʹайе ԝи бьдьн һәрге дәст дьдә. Дьбәкә әԝ бь дьл баԝәр дькә, ԝәки баԝәрийа ԝи рʹаст ә. Дәрһәԛа ве йәке хәбәр дьн, чьда һун һәр дӧ жи ԛайил ьн у паше али ԝи бькьн ԝәки әԝ фәʹм бькә, кӧ Кʹьтеба Пироз дәрһәԛа ве йәке чь дьбежә.
ӦСА ЖИ БЬНЬҺЕРʹЬН
Мәтʹлк. 25:15; 2 Тимтʹ. 2:23-26; 1 Пәт. 3:15
