Ве дәрәще бьдә бәр чʹәʹве хԝә: Гава Щулийа хԝә нәйникеда дьньһерʹә, әԝ дьвинә ԝәки хӧрт буйә. Әԝ хԝәрʹа дьбежә «гәрәке жар бьм», ле де-баве ԝе у һәвалед ԝе дьбежьнә ԝе, ԝәки әԝ «мина шьвдаре» жар ә.

Щулийайе сафи кьр, кӧ чь әԝ дькарә бькә, сәва «дӧ кила» жар бә. Әԝ фькьри, ԝәки чәнд рʹож хԝарьне нәхԝә . . .

Һәрге нет фькьред ӧса бал тә пешда тен, тӧйе чь бьки?

Әԝ йәк нормал ә гава тӧ дәрһәԛа бәдәԝбуна хԝә дьфькьри. Һʹәԝас ә кӧ Кʹьтеба Пирозда те готьне дәрһәԛа бәдәԝбуна Сәрайе, Рʹаһеле, Абигаиле, Усьв у Даԝьд. Кʹьтеба Пирозда ӧса жи дәрһәԛа кʹӧлфәтәкә бь наве Абишага ӧса те готьне, ԝәки әԝ «зәʹф хԝәшьк бу» (1 Пʹадшати 1:4).

Ле һʹәчʹи зәʹф жь щаһьла, гәләк хәмгин дьбьн бона бәдәԝбуна хԝә. Жь бо ԝе йәке әԝана дькарьн дьлтәнг бьн. Һьлдә һʹәсаб:

• Жь бо леколинкьрьнәке 58 сәләф кәчʹьк дьфькьрьн, ԝәки әԝана гәләк хӧрт ьн, ле бь рʹасти жь ԝана тʹәне 17 сәләф хӧрт ьн.

• Леколинкьрьнәкә дьн дьдә кʹьфше, ԝәки 45 сәләф кʹӧлфәт, йед кӧ беһʹәсаб жар ьн, дьфькьрьн кӧ гәрәке һе жар бьн!

• Һьнә щаһьл жь бо ԝе йәке, кӧ дьхԝазьн жар бьн, нәхԝәшийа анорәксийе дьстиньн, чьмки хԝә бьрчина дькӧжьн.

 Һәрге тә тʹәхмин кьр, ԝәки нәхԝәшийа анорәксийе йан йа дьн бал тә пешда те, перʹа-перʹа аликʹарийе бьхԝазә. Итʹбарийа хԝә де-баве хԝә бинә, йан һәвалед хԝәйә незик. Кʹьтеба Пирозда те готьне: «Һәвал һәр гав һʹьз дькә, бьра буйә бона рʹожа охьрме гьран» (Мәтʹәлок 17:17).

Бь рʹасти, бәдәԝбуна мәрийа ве йәкева гьредайи йә, һәла мәрьв һьндӧрʹда чь щурʹәйи йә. Бьфькьрә дәрһәԛа мәсәла кӧрʹе Даԝьд Пʹадша, Абшалом. Кʹьтеба Пирозда те готьне:

«У дь һʹәмуйа Исраеледа, йәки кӧ ԛаси Абшалом пәснаһийа хԝәшькайийа ԝи бетә дайин тʹӧнә бу. . . . дь ԝида ԛьсур тʹӧнә бу» (2 Самуйел 14:25).

Әԝ хорте щаһьл йәки гәләк бабах, хԝәһʹьз у зӧлм бу! Ләма жи Кʹьтеба Пирозда тьштед баш дәрһәԛа ԝи нәһатийә ньвисаре, ԝедәре те готьне, ԝәки әԝ йәки нәмам у зӧлмкʹар бу.

Мәʹни һәйә кӧ чьрʹа Кʹьтеба Пироз ԝан ширәта дьдә:

«Әԝи ну ль хԝә кьрийә» (Колоси 3:10).

«Бьра хәмьла ԝә дәрвава . . . нибә, ле йа мәрьве һьндӧр′е дьлда» (1 Пәтрус 3:3, 4).

Рʹаст ә ԝе йәкеда тьштәки хьраб тʹӧнә, кӧ дьхԝази бәдәԝ би, ле сәри әԝ ә, ԝәки тӧ мәрьвәки ча йи. Ахьрийе мәрьв ԝе хԝә тә бькьнә хԝәйи, сәва һʹӧнӧред тәйә баш, нә кӧ сәва бәжьн-бала тәйә бәдәԝ у ԛәԝи! Кәчʹькәкә бь наве Филисийа дьбежә: «Рʹаст ә бәдәԝбун дькарә дина мәрьва бькʹьшинә сәр хԝә, ле бь рʹасти мәрьв дьһа зедә бира хԝәда хԝәй дькьн хәйсәт-һʹӧнӧред тәйи баш».

Гәло тӧ бәр хԝә дькʹәви, сәва бәдәԝбуна хԝә?

Гәло тӧ дьфькьри дәрһәԛа ԝе йәке, ԝәки операсийе бьки у тьштәкида хԝә бьгӧһези, йане хԝарьне нәхԝи, кӧ жар би?

Һәрге тә бькарьбуйа, тәйе чьда хԝә бьгӧһаста? (Бьжберә әԝ чь кӧ бона тә йә).

• БӘЖН-БАЛ

• КʹАШ

• ПʹОР

• БӘДӘН

• СЬФӘТ

• ЧʹӘРМ

Һәрге сәр дӧ пьрсед пешийе тә щаб да әре у тә жьбарт сьсе йан һе зедә тьштед кӧ тӧ дьхԝази нав хԝәда бьгӧһези, ԝи чахи бьфькьрә: Дьԛәԝьмә мәрьв ӧса нафькьрьн дәрһәԛа тә, чаԝа тӧ хԝә дьвини. Гава тӧ гәләк бәр хԝә дькʹәви бона бәдәԝбуна хԝә, тӧ һеса дькари хәмгин би (1 Самуйел 16:7).