Чахе еваре Аһмәд жь хәбате вәгәрʹийа мале, Хәзале ԝирʹа гьли кьр дәрһәԛа ԝе йәке, чь кӧ Назе готьбу. Аһмәд дьфькьри, кӧ чь жи һәбә әв йәк бь рʹасти һʹәԝас ә. Әԝи гәләк тьшт бьһистьбу дәрһәԛа ԝе йәке, кӧ чаԝа гәрәке бьвиньн рʹийа әʹдьлайе у бәхтәԝарийе, ле ԛә йәк жь ван тьшта нькарьбуйә проблемед мәрийа сафи кьрана. Ләма жи әԝ һьнәки дӧдьли бу һьндава ве йәке. Ле Аһмәд йәкә сафи кьр, ԝәки Шәмийа кӧ те, тʹәви Мьраз хәбәр дә.

Мьраз готе: «Бәле, әв кʹьтеб чаԝа Кʹьтеба Пироз те навкьрьне, у щарна мәри сәр ве кʹьтебе дьбежьн Тʹәԝрат, Зәбур, Мьзгини йан жи Инщил. Әз хԝәха әве кʹьтебе дьхуньм, у бь тʹәмами избат бумә, ԝәки әв рʹаст ә у әм дькарьн итʹбарийа хԝә ле биньн».

Аһмәд щаб да: «Ле һәрге әм дор-бәре хԝә бьньһерʹьн, һʹәму щийа кʹәсиббун у кӧл-дәрд һәнә, һʹәмушк дьчәрчьрьн у хьлазийа ван тьшта тʹӧнә. Хенщи ԝе йәке, һаԛас гәләк религийа у философийа һәнә, йед кӧ дьбежьн ԝәки рʹийа рʹастийе заньн. Ле бь рʹасти ԛәԝата ԝана жи нәгьһиште кӧ шәрʹа у кʹәсиббуне бьдьнә сәкьнандьне, у һʹәму проблемед мәрийа жи сафи кьн. Әԝана нә жи сафи кьрьн әв проблем, кӧ мәрьв мьләте хԝә сәр мьләте дьнрʹа бьльнд нәгьрә. Ле чьма тӧ дьфькьри, кӧ әв кʹьтеб жь ван һʹәму һинкьрьнед религийа у философийа щӧда дьбә?»

Һьнге Мьраз, жь Кʹьтеба Пироз Аһмәдрʹа һьнә рʹез нишан кьрьн. Мәсәлә, кӧ сәрԝертийа мерьв сәр йәки дьнрʹа, тʹәне зьраре тинә, у ԝәки мәрьв нькарә рʹебәрийа «гаве хԝә» бькә. Жь бо ве йәке Аһмәд әʹщебмайи ма. Хенщи ве йәке, Аһмәд ԛайил бу кӧ әв гьли сәд сәләфи рʹаст ьн. Чьмки әв рʹез дьданә кʹьфше нә кӧ тʹәне һʹале ԝәлате ԝан, ле ӧса жи һʹале ԝәлатед Рʹоавайе.

 Мьраз бәрдәԝам кьр: «Һәйнәсәр, һәнә гәләк мәʹни, сәва кӧ тӧ итʹбарийа хԝә Кʹьтеба Пироз бини. Кʹьтеба Пироз, нә кӧ тʹәне рʹебәрийа керһати дьдә сәва әʹмьре мәйи һәррʹожи, ле әԝ ӧса жи зәлал шьровәдькә мәʹна ԝан һʹәму проблема, кʹижан кӧ рʹасти инсанәте тен. Хенщи ԝе йәке, дьхԝазьм бежьм, ԝәки әв кʹьтеб алийе зандарийеда жи рʹаст ә».

Аһмәд диса бь дӧдьлибуне пьрс кьр: «Гәло чаԝа кʹьтебәкә ӧса кәвьн дькарә дәрһәԛа проблемед рʹожа иройин бежә, у хенщи ԝе йәке алийе зандарийеда жи рʹаст бә?» Әԝи ӧса жи дьхԝәст пебьһʹәсийа, ԝәки кʹи әв кʹьтеб ньвисийә.

Мьраз готе: «Кʹьтеба Пироз жь 66 кʹьтебед бьчʹук ә. У әв кʹьтеб нә кӧ тʹәне мәрики ньвисийә, ле 40 мәрьвед щурʹә-щурʹә, йед кӧ нава 1 600 сала дьньвисин. У ньвисандьна ве кʹьтебе, ԝәкә 1 900 сал пешда һатийә хьлазкьрьне. Рʹаст ә занәбуна ван мәрийа дәрһәԛа зандарийе һьндьк бу, ле ве кʹьтебеда әԝана дәрһәԛа тьштед ӧса дьньвисин, йед кӧ тʹәне һʹәзар сал шунда һатьбун әʹйанкьрьне. Мәсәлә, ньвискʹарәки Кʹьтеба Пироз ньвисийә, ԝәки әʹрд нава һәԝеда нә, тьштәкива дардакьри нинә. Ле йәки дьн ньвиси, ԝәки әʹрд гьровәр ә. Ԝәʹде ньвисандьна Кʹьтеба Пироз, әв тьшт избаткьри нибун у нәнас бун. Тʹәне ван ахьрийа, әв йәк жь алийе зандара һатьбу избаткьрьне».

Аһмәд әʹщебмайи ма: «Пәй! Әв бь рʹасти жи чьԛас һʹәԝас ә». Хенщи ве йәке, Мьраз дина ԝи да сәр һьнә тьштед дьн жи.

«Кʹьтеба Пирозда һе 200 сал пешда һатьбу пʹехәмбәртикьрьне дәрһәԛа ԝеранкьрьна ԝәлатәкә пʹьрʹ ԛәԝи, демәк Бабилоне. Кʹьтеба Пирозда һатьбу пʹехәмбәртикьрьне, кӧ чь щурʹәйи әв шәһәр ԝе бе алткьрьне. У пʹьрʹ һʹәԝас әԝ ә, кӧ ве кʹьтебеда, ӧса жи те әʹйанкьрьне наве ԝи пʹадшайи, йе кӧ әԝ шәһәр гәрәке зәфт кьра! Дәрһәԛа наве ԝи, һе пешийа буйина ԝи һатьбу пʹехәмбәртикьрьне. Хенщи ве йәке, Кʹьтеба Пирозда диса бь сәда пʹехәмбәрти һәнә».

 Аһмәд дәстпекьр бьфькьрә сәр ԝе йәке, чь кӧ әԝи бьһист. Ле Мьраз диса тьштәки ӧса готә ԝи, чь кӧ сәр Аһмәд гәләк һʹӧкӧм бу: «Тә ԛә заньбу, ԝәки дәрһәԛа ԝан чәтьнайа, кʹижани кӧ рʹожа иройин рʹасти мә тен, һе 1 900 сал пешда Кʹьтеба Пирозда һатьбу пʹехәмбәртикьрьне?» Паше Мьраз һьнә тьшт жь Кʹьтеба Пироз Аһмәдрʹа хԝәнд, йед кӧ дьле ԝи гьртьн:

• «Ве йәке заньбә кӧ рʹожед ахьрийеда зәманед хьраб ԝе бен. Мәрьве бьбьнә хԝәһʹьз, пʹәрәһʹьз, кʹӧбар, бабах, кʹьфьр, нә гӧрʹа де-бавада, бешекьр, һʹәрам, дьлсар, берʹәʹм, бӧхданбеж, тәмсьст, зӧлмкʹар, нәйаред ԛәнщийе, нәмам, щӧләʹт, хԝәрʹази, рʹьһʹәтиһʹьз, нә кӧ Хԝәдеһʹьз. Пʹьшке хԝәденасийе ԝе ль ԝан кʹәвә, ле ԝе ԛәԝата ԝе инкʹар кьн».

Мьраз ӧса жи готә Аһмәд, ԝәки Кʹьтеба Пирозда пʹаред дьнда жи, те пʹехәмбәртикьрьне, ԝәки тʹәмамийа дьнйайеда ԝе кӧл-дәрд у хәзәб һәбьн: шәрʹ, хәлайи-щәлайи, нәхԝәши, әʹрдһʹәж у ӧса жи беԛануни.

Аһмәд нә жи һаш жь ԝе йәке бу, кӧ гәләк чәтьнайед кӧ щәм ԝи у кʹӧлфәта ԝи Хәзале һәбун, Кʹьтеба Пирозда һе гәләк сал пешда ӧса рʹастә-рʹаст һатьбун пʹехәмбәртикьрьне.

Аһмәд бь шабун готе: «Рʹасти жи әв ӧса нә!»